قصة وردة #الجزء الأول
اسمي وردة ومن مواليد السبعينات من عايلة بسيطة إحنى زوز بنات وأمي بس ..بوي متوفي وأمي ربتنا وأشتغلت علينا وأنى كملت قرايتى الجامعية وقعمزت في الحوش ماحصلتش تعيين وأختى الصغيرة كانت تقرأ أول ثانوي لما أنخطبت كنت أنى وأختى جميلات هلبة وكانو يخطبو فينا من الأقارب والبرانية ولكن أمي كانت تبيش تعطينا حتى نكملو قرايتنا فأول ما كملت علي طول فيه وحدة صاحبة أمي عندها ولد خوها وعلى طول تقدمولي بس بمجرد ما شافنى ولما كنت مقعمزة معاه أختى دخلت القهوة ..وشافها ..وعلي طول قالها تعالي قعمزي احني ولينا عيلة وحدة ومش لازم منها الرسميات لكن أنى كنت متدينة ونعرف الأصول وقلتلها أطلعي بعيوني هيا تفهمني.. لإني مربيتها أمي ما تقعدش معانه هلبااا وأنى اللي قايمه الحوش ضمان وصابون وتطييب وهيا مفرغتها للقراية بس ..والمهم على طول حدد موعد الخطوبة مع أن كان يبي العرس لإن واتى لكن أمي قالتلهم أن إحني مش واتيين وما نلحقوش ..وهو باهي اللي ما إستعجلناش المهم درناااا تلبيسة وكانت أختى تحوس عليا وكان هو عيونه تدور بيني وبينها رغم أن ما قعدش خش لبسنى وطلع ..وأختى كانت معاي ما فارقتنيش دقيقة الحق...
تانى يوم جاني وقالي نبيك تطلعي معاي نتغدو برا وأني الحق نتحشم نطلع معاه بروحي ..فقلتلا خلي وحدة من خواتك تطلع معانا.. قالي يقرو ومش فاضيات وعلي أساس نخلي أختى الصغيره تطلع معاي وهكي حتى أمي تطمن عليا معاي أختى..
يتبع....
