بعد ما ذان المغرب افطرو و قال زايد: يبه
ابو زايد: هلا
زايد: حنا بنروح انا و العيال نتقضى للعيد
ابو زايد: روحو ما عليه
زيد: ما انت برايح معنا يبه
ابو زايد: لا و الله بكره اروح ولا بعده الحين ما الي طوقه اقوم
ياسر: و انت يبه ما انت اب رايح
ابو ياسر: لا و الله ما دام ابو زايد مو رايح اليوم بكره نروح أنا وياه
ابو زايد: على خير ان شاء الله
قال سالم: هاه خلصتو نقوم نصلي و نطلع
ياسر: يلاه أنا خلصت
زايد: يلاه يا زيد اخلص
زيد: هاه خلصت قومو
قامو العيال و صلو و بعدها طلعو من البيت باقي في المجلس ابو زايد و ابو ياسر
قال ابو زايد: هاه يا ابو ياسر مو ناوي تزوج ياسر
ابو ياسر: زين انك فتحت الموضوع و لا أنا كنت بفتحه بشاورك فيه
ابو زايد: عساه خير ان شاء الله قل
ابو ياسر: و الله أنا افكر الي اب وحده بس ما ادري ياسر يرضى ولا لا
ابو زايد: و من هي ها الوحده اعرفها أنا
ابو ياسر: ايه تعرفها و زين بعد بنت ام احمد خالتنا
ابو زايد: من الكبيره ولا الصغيره الي تبيها
ابو ياسر: لا الصغيره الي تشتغل معه
ابو زايد: اثاريك حاط عينك عليها من زمان
ابو ياسر: ايه ولا بعد البنت نعرفها و منا وفينا و ام احمد ما شاء الله فيها الخير
ابو زايد: ازين ما اخترت يا ابو ياسر متى ناوي تخطبها ال ياسر أن شاء الله
ابو ياسر: اول شي هل نسئل ياسر بعدين الي يكتبه الله
ابو زايد: الله يوفقهم و يكتب الي فيه خير الهم
ابو ياسر: أن شاء الله
___٭___
عند البنات ..
بعد ما خلصو من الفطور قالت ام ياسر: ما شاء الله يا بنات اليوم الفطور طالع حلو
ود: مسويتن نصه نوف الحالها
ام سعد: ما شاء الله عليها سنعه نوف اعرفها
ام زايد: ولله الصدق اول مره احب طبخ نوف هالكثر
غلا: ايه حتى انا و الله اول مره اذوق طبخها و يجنن
نوف: ايه اكيد طبخي ما احد ما يحبه
وتين بصوت خفيف: ما شاء الله كله جايبته من النت بس خلني ساكته
نوف: اسكتي لا تفضحيني بعدين انا اخذه الوصفه و انا اسويه مو النت الي مسويه
وتين: كلها نفس الشي عندي
ود: الصراحه تعبت فيه لازم نعطيها حقها يعني
نوف بضحك: البنت ذي مقدره وجودي على الأرض يا عمري بس
ود: و انتي الي ما يقدرك مو انسان ذا
غلا بصوت خفيف جنبهن: اسكتننن
___٭___
عند العيال ..
وصلو المحل الي هم يبونه قال سلطان: هذا هو صح ياسر
ياسر: ايه هو هو انزلو بس
نزلو و دخلو عليه
زايد: السلام عليكم
ياسر: السلام عليكم يا ابو سليم تعال
جاء ابو سليم: هلا هلا بولدي ياسر وش لونك عساك طيب أن شاء الله
ياسر: الحمدلله يا عمي انت شلونك وشلون سليم عساه بخير
ابو سليم: الحمدلله
قال سلطان: هاه يا ابو سليم وش عندك من جديد
ابو سليم: طب و تخير بس الي تحتاجونه موجود
قال زايد وهو ما يبي يبين ال ياسر و سلطان أن ما معهم فلوس تكفي ال شي كثيؤ: بس تنزل النا في الأسعار بناخذ من عندك حنا كلنا
ياسر: ما عليه اكيد بينزل النا ابو سليم
ابو سليم: انتم قولو الي بس وش تبون اول شي
بدو العيال يتخيرون من الاغراض و كلهم اخذو الي يحتاجونه بعد ما جو عند الحساب
قال ابو سليم: حساب ياسر ,,, و سلطان ,,, و انتم يا الإخوان ,,,
قال زايد بصوت مرتفع: كم
ياسر: وش فيك
زيد: وش فيك زايد قال الحساب ترا
سالم: صدق كم وش ذا الحساب
ابو سليم: و الله ذا الحساب تبون تدفعون ادفعو أو اطلعو
زايد: يعني تطردنا انتت هاه
ياسر: اسكت يا ابن الحلال أنا بدفع عنكم كلكم ما عليه
زايد: لا و الله ما تدفع
ياسر: لا تحلف انا بدفع يعني بدفع
زايد با احراج: بس
قاطعه ياسر و قال: لا بس ولا شي سلطان انا بدفع لا تدفع انت طيب
سلطان: ما بيننا فلوس وانا اخوك ادفع
دفع ياسر الحساب عن العيال كلهم و زايد منحرج من ذا الموقف و الي يزيد عليه احراجه وغبنته انه ما قدر حتى يدفع ثمن ثيابه هو و اخوانه يعني لهاذي المرحله وصل فيهم الحال وهو مو قادر يسوي شي و يساعد فيه عائلته
و ياسر كان حاس انه فيهم شي مو طبيعي من حين جوهم بس الحين تأكد من ذا الشي و تصرف زايد في مثل هذا الموقف اكد ال ياسر اكثر و اكثر وصار وده يعرف وش سالفتهم الحين
طلعو العيال من المحل و راحو البيت دخل ياسر المطبخ على البنات: سلام هاه وش عندكن
غلا: هلا ما عندنا شي و الله
وتين: من وين جايين ها الوقت
ياسر: رحنا أنا و العيال نتجهز للعيد
غلا بضحك: اوهه تجهزتو يعني
ياسر: ايه تظبطنا
وتين: انت و من الي راحو معك
ياسر: كل العيال و سلطان معنا بعد
وتين: اوه كل ذول ما احد جهز منهم شي من قبل
ياسر: ايه بس كلهم خلصو على طول
غلا: طيب هاك اخذ سحوركم و رح
ياسر: ما شاء اللّه خلص بسرعه
غلا: شف الساعه كم يا حبيبي ثنتين
ياسر بصدمه: بسرعه بسرعه عطيني
راح ياسر يودي السحور ال المجلس
___٭___
عند البنات ..
دخلو غلا و وتين ونزلو السحور قالت ام زايد: غلا العيال وين كانو ما قال الك ياسر شي
غلا: إلى يقول كنا نتقضى للعيد
ود: اخيرٍ ما بغو يروحون يتجهزون
نوف: هههه لا يسمعونك
ام ياسر: اشوا أنهم خلصو قبل لا تجي زحمه و هم ما سوو شي
ام زايد: ايه و الله
غلا: هاه انتي وياها وش تسولفن فيه من اليوم
نوف بضحك: سوالف ود الي تعرفينها
غلا: اكيد ما تغيرت ههه
نوف: نفسها للحين
غلا: طيب خلاص تسحري لا يأذن علينا
تسحرو الحريم ثم قامن يغسلون المواعين و كلن قام ينام بعد السحور
___٭___
في بيت ام احمد ..
بعد السحور قامت امل: بروح انام بكره عندي دوام في المستشفى ارسلو علي اليوم لازم بكره اداوم
اسماء: ليه وش فيه ليه تداومين
امل: مدري بيجي وزاره الظاهر ولا ما قالو داومو كذا بذي السرعه بس بكره اداوم بعده لا
ام احمد: الله يعينك اول شي عطلي بعدين داومي شغله
امل: ايه و الله
اسماء: طيب خلاص انتي قومي نامي انا احل الباقي
امل: طيب و الله ما اقول لا
قامت امل و صلت و راحت تنام بعد ما جات الساعه ٨ قامت و تجهزت ثم طلعت مع السواق في سيارتها
___٭___
عند ياسر بعد ما نام الفجر قام الساعه ٨ و تجهز و قبل لا يطلع جاته غلا: ياسر وش تسوي وين رايح
ياسر: رايح الدوام
غلا: الدوام انت ما معاك اجازه كيف تداوم الحين
ياسر: فيه وزاره مدري وش و الله ما ادري بظبط
غلا: طيب رح لا تتاخر
طلع ياسر و ركب سيارته و مشى
عند امل حست ان السياره سريعه بزياده شوي: راجو أنا مو قايله الك تخفف السرعه لا تسرع بعدين
راجو: حاضر ماما اوكي
خفف راجو سرعة السياره و وصلت امل المستشفى نزلت إلى تشوف ياسر ينزل قدامها و قلبها بدأ يدق بسرعه: لا تتوترين يا امل خليك طبيعيه ما عليك منه بعدين انا ليه ارتبك إذا شفته وش قاعد يصير الي
ياسر اول ما شافه توتر وقام يرجف شوي: ياربي وش فيني ارتبك إذا شفت ها البنت معقوله حبيتها يا ياسر بذي السرعه
