اوجاع مستمره

البارت الثالث

احتاج الدمع من ما اشوفك يوم ..

لأن يصبح عليَّ اليوم خمس سنين ..!!

حبيبي لخاطري ..

لا تبتعد ارجوك ما احمل فراگك ..

تدري كلش زين ..

_اوجاع مستمره_ ..... الكاتبه ريم الدليمي .
🌹🌹🌹🌹🌹🌹🌹🌹🌹🌹🌹🌹🌹🌹🌹

_ما احس الا الباب يندك قوووي فزيت مرعوبه خليت شالي ع راسي ومصطفى كعد يبجي من النوم عفته ورحت للباب يندك
سمعت صوت ياسر لو رجلي انشلت اريد افتح الباب ماكو
تجمدت ، ياسر مايدگ الباب هيجي ياساتر يارب .

_ فتحت الباب وياسر عيونه حمرر وحيله مهدود گبل عاط بيه

ياسر: اني مو صار ساعه ادككككك بلباااااب ليش متفتحييييييي
زينب : حبيبي شبيك هاي شصاير بيك .

انتچه ع الحايط وسندته ودخل جوه نزعته حذائه وتمدد ميكدر ينطق حرف من التعب بقيت ساكته رحت جبتله مي واجيت كتله اشرب
ماقبل ، اكلني التوتر رحت على مصطفى سويتله ممه ونومته

_ شعجب اجيت بهيج وقت شصار وياك ياسر !!! .

_بتعب ، زينب تخربطت شلت ثلاث جياس سمنت ووكعت ماتحملت جماعتي ركضوا عليه شالوني ودخلوني للمحل شربت
مي وارتاحيت واحس وجع بگلبي مو طبيعي حسيت روحي جاي تطلع ، وراها ارتاحيت شوي ودخنت جكاره گبل تخربطت .

زينب : لطمت على وجهي ، يمممممه ياااااسرررررر

ياسر : سكتي زينب تعبان لا تزيدين تعبي
زينب : سوده عليه حبيبي شوف شصاير بحالك كلش منتهي
مو كتلك ميصير تدخن مو زين عليككككك ، بس ماتسمع كلام

ياسر : زينب سكتي ترى جاي تزيدين وجعي .
زينب : العصر انروح للدكتور اخصائي وممنوع تكول لا
ياسر : لا بعد ماتحمل لازم اروح لان الوجع ماخذني

مريم : شفت بابا عيونه حمر وفحطان خفت من عنده ورى شوي
رحت كعدت بحضنه .

مريم : بابا شلون صرررت
ياسر : بتعب، زين حبيبتي بس كومي من حضني لان مختنك .

_نزلت من حضن بابا تمدد وغطيته ورحت يم ماما بلمطبخ

مريم : ماما .
زينب : هاا
مريم : شبي بابا ؟
زينب : مابيه شي حبيبتي بس تعبان من الشغل العصر
نضربه ابره ويصير زين .
مريم : يمممه شلون يضرب ابره بابا مايخاف؟؟
زينب : لا حبيبتي ميخاف بابا بطل .

_ زينب : صار العصر سبحت الجهال وبدلتلهم وبدلت وكعد ياسر
صبيتله غده اكل وبدل ورحنا لبيت خالتي بالفرع الورانا .