فصيله الشيخ رائد (مكتملة)

البارت 38

لاو يحلوات شلونكم شخباركم ان شالله تكونون بخير وصحه وسلامة والهي كلش مشتاقه الكم حبايبي اعتذر عن التاخير وان شاءالله جان حسابي متهكر وعد بنيه ماتقبل تنطيه كوه سويتهه ورجعته متت قهر وبجي بس علمود يرجع كوه رجعته وان شاءالله راح اكمل القصه 🤍🤍
........................................................................

تذكير

اشوي ما سمعنه الباب تندك حيل اريد الحك ابلع الكمه طلع رائد يركض يفتح الباب بس الصدمه جانت كلش قويه...
طلع رائد واني طلعت وراه بسرعه من فتح الباب شافت بنيه تبجي وتكله دخيلك ساعدني رائد ماعندي غيركك اني بقيت بس اباوع وهوه شكلة منصدمم مايعرف شنو يحجي ويجاوب اني تقربت الهه وباوعت بعيونه هوه بسرعه دار وجه وكال دخليها لجوه خل نشوف شنو انسوي اني بقيت بس اباوع علي وكتلهه  اندخل وحده مانعرفهه لبيتنه . كال دخليهه اني اعرفها اني سكتت مكلت شي بس عرفت اكو شي ..
دخلتها للهول ورحت جبت ماي اله وهديته اشوي جان شكلهه يكطع الكلب وجان شكلهه مضروبه بس لابسه عبايه بدون شال وتبجي اني بس اريد اححي وياه ابد ما تسكت بس تبجي .. واني مكدرت اكعد عمتي لان جانت نايمه .
وكل شوي تسئل على رائد كتله اشوي و يجيج اهسه اروح اشوفه الج .
رحت للمطبخ اصيح اله لان هوه بقى كاعد وصافن
زهراء:رائد بيك شي!؟ البنت دتنتظرك روح شوفهه .
رائد:زهراء تكدرين ترحين لغرفتج .
زهراء:ليش اكو شي خاص ماكدر اكعد يمكم؟
رائد:زهراء عفييهه لا تعاندين روحي للغرفه ومن افهم سالفه اني اجي واحجي الج كلشي روحي .
صدك ضجت ونزعجت ورحت صعدت مهضومه ودمعه بعيوني .

رائد:
جنت جاي اتغده اني وزهراء وكوه اتصالحنه سمعت الباب يندك رحت اشوف منو لان جانت الدكه كلش قويه من فتحتهه اتفاجئت شفت شيماء كبالي .
اني وشيماء جنه مرتبطين قبل اول مادخلت جامعه بسنتي الاوله تعرفت على شيماء وهيه جانت صديقت اختي ميس من جانت تدرس سوه فاكلش عجبتني وكلت بس اصير مرحله ثانيه اروح اخطبهاا طبعنا اني هنا ما جنت على علاقه وي اي بنيهه ولا مره فاا من صرت مرحله ثانيه هيه جانت على علاقه وي ولد يعني علاقهه وياه كلش ودازه صورها اله  فاا من عرفت عفتهه وكلش انقهرت من بعد شيماء ابد ما حبيت وتعبت خلافه تمرضت وصرت انطوائي وماتعجبني اي بنيه ولا ترفلي جفن  فاا كامو يلزكون بيه زمرد الك زمرد . وزمرد هيج وزمرد هيج فاا اتقبلت امر الواقع وكلت خلاص يعني زمرد هيه البنيه المناسبهه الي اهلي يردوها واحنه نعرفهه مو غريبه فا صرت على علاقه حجيت وياه وكتله اني اريدج وريد ازوج وكذا شفته يعني قبلت بيه وقبل لا يموت قحطان اخوي جنت ناوي اخطبهه بس صار الي ما جنت حاسبه حسابة انو يموت قحطان وازوج بنيه لا على بالي ولا على خاطري بس كم مره شفته بل مدرسه اختي نور وجانت كلش عاجبتني صح اندل اهلة وعجبتني وردتهه بس كلت هيه صغيره واني جبير ما تصير الي وجانت نفسي بيهه وهسه هيه صارت الي بدون تعب انطانياهه الله بطبق من ذهب فاا من صارت زهراء الي اختلف شعوري تجاه زمرد احس بس اريد ابعده عني وجانت كل ما تكلي شوكت نزوج وتعوف الفصيله اني اغلس عليهه وجانت كلش هواي تلح .
فاا من شفت شيماء رجعت لوره قبل ٥سنوات من مشاعري وتعبي ورهاقي الي سببتهم الي وراحت وميس تحب شيماء كلش هواي يمكن حتى اكثر من نور جانت كلش هيه وياهه حتى بعد ما ازوحت ضلت على علاقه ب ميس .. بس اليوم من اجت كلش انصدمت انو اجتني وتريد مساعده مني اني بقيت افكر بعلاقتنه الي جانت مبنيه على الحب وجانت نيتي وياهه زواج والهدايه وطلعات جنت كلش هاويهه بس كلشي هيه خربتهه ..
رحت كعدت يمهه وسمعت سالفتهه .
رائد:بشنو اكدر اساعدج ؟
شيماء:رائد اسمعني للاخير واريدك تفهم كل كلمه اكولهه ماشي
اني بعد ما اعفتني ازوجت غصب عني بولد اخوي زوجاني اله فجان كلش قاسي وياي جان يضربني كلش هواي بحيث انام بكتله واكعد بكتله تعبت نفسيتي منه جان اقل شي يسوي مايعجبه يكوم يضربني وطلع من ذوله الي يشربون وجان دوم تايهه بعد ما صرت حامل منههه كلت بلكي يتغير بس واني بشهر ثالث تعاركنه وكام رفسني بطني وكع طفل كل اتاذيت خسرت ابني ومتت منهه ونزل عليه مره هم وجابت اله طفل وصرت خدامه اله والمرته واطفاله فا تعاركنه وطلبت طلاك منه وهوه ما قصر دزاني لهلي وطلكاني و اهلي كالو شنو سبب الي يخليكم تطلكون كتلهم تعبت منه من تصرفاته انوب نزل عليه مره فوك هذا كله تردوني ابقى اهلي سكتو بس اخوي نذل كل مره ويحيب واحد ويريدني ازوج اني ماردلهم خبر واغلس على الوضع فا مل مره يضربني ويكتلني يوصلني للموت وكل اسبوع اني بل مستشفى من وره واليوم ضربني واني ما تحملت لزمت المزهريه وكعت راسه بي هوه وكع بل كاع ودمه صار بطوله من شافتني امي كالت الي اني فكر واني سا**#$ـه ومامتربايهه ومن هل حجي فاشردت من البيت كلت اخاف يسولي شي وماعندي احد اروح اله غيرك رائد اني اريدكك تساعدني وجايتك لا تردني ..
رائد:شلون اكدر اساعدج؟
شيماء: اريدك تزوجني بس فتره والله بس اعزل عن اهلي ورتاح ماريد شي رائد اهلي يقتلوني اذا بقيت وحدي همه يكرهوني كلش
رائد:شنو شنو ازوجج اني رجال متزوج ؟
شيماء:مزوج ؟ منو زوجتك؟
رائد:ايي مزوج ،وزوجتي قبل اشوي يمج!
شيماء:رائد لاتكول اله ازوجني بسر بس خل اخلص من اهلي رائد ماريد اخرب بيتك بس طلعني من هذا الجحيم ابوي ايدك