الاميرة

الاميرة 👑♥البارت الرابع عشر 🌍

شغل القرآن وأنت نائم، وأنت صاحي، وأنت بتذاكر، وأنت بتشتغل، حتى لو مش هتسمعوا.. كفاية البركة والاطمئنان والأمان اللي هتشعر بيه.

س/ وبالنسبة لقوله تعالى "وَإِذَا قُرِئَ ٱلْقُرْءَانُ فَٱسْتَمِعُواْ لَهُۥ وَأَنصِتُواْ لَعَلَّكُمْ تُرْحَمُونَ" ؟

ج/ الآية دي خاصة بداخل الصلاة يا صديقي.

#عبدالله_الأزهري
************
الأميرة البارت الرابع عشر ❤🌍
*******
أميرة بعد ان وقعت داخل الفصل وجدت فتاة مشاغبة تُدعى ميسون هى من عركلتها  :  هو مش عيب الل حصل دا..
ميسون بقرف:  وحضرتك مين بقا انا اعمل الل انا عايزاه ومحدش يقدر يقولى لا.. 
أميرة بهدوء:  اتفضلى روحى مكانك.
ثم وجهت كلامها للطالبات  وقالت يا حلوين انا مس اميرة الل هديكم مكان مس كارولين لحد ما ترجع من الاجازة  عايزين نخلى يومنا حلو ومش عايزين نزعل من بعض.. فى حد عنده حاجه عايز يقولها قبل ما نبدأ..
وقفت فتاة تُدعى مارى اتجهت نحو اميرة وهمست داخل اذنها:  مس احنا بنخاف من ميسون اووى هى دايما تضايقنا وتعمل مشاكل معانا ولما حد يقف فى وشها بتضربه وو. احم اى حد بيدخل فصلنا بتعمل الل عملته م مع.. حضرتك.
اميرة:  خلاص يا قمر ارتاحى مكانك وهنشوف الموضوع دا.. يا بنات يلا ركزوا معايا هنبدأ الحصة.. انهاردة هناخد.******* وبدأت اميرة فى الشرح.. استغرقت ساعة ونص بعد ان انتهت قالت.. انتوا فى سنة كام يا بنات.. ضحك الفصل كله وقالت ميسون:  هو انتى كمان مش عارفة احنا فى سنة كام..
اميرة بهدوء مزيف:  اتفضلوا قولوا فى سنة كام.. 
الفصل:  فى اولى ثانوى تمريض.
اميرة:  كل واحدة تقولى دخلت تمريض لى.
فتاة 1 عشان حلم امى
فتاة 2 عشان حلم بابا
فتاة 3 بضحك: عشان فيها فلوس
فتاة 4 عشان بحب اساعد الناس
فتاة 5 عشان ناخد حسنات عند ربنا.
ميسون:  عشان نتكبر ع خلق الله..
اميرة:  كلامكم كله حلو ماعدا ميسون هرد ع كلامها الاول:  حبيبتى قبل اى حاجة لازم تفهمى ان مهنة التمريض مهنة انسانيه عشان نساعد بيها غيرنا عشان نخفف اوجاعهم عشان  الل اهلهم مش بيناموا من تعب اولادهم.. واخر حاجة نفكر فيها الفلوس الل قالت عشان الفلوس..  من ناحية الفلوس فعلا هتساعدكم فى اى بقا..  المخطوبة هتساعد اهلها عشان تتجوز.  والمتجوزة هتساعد جوزها وعيالها..  والل مش متجوزة هتساعد فى ديون اهلها..  والل ربنا كارمها واهلها مرتاحين عشان تساعد الغلابة الل محتاجين. وبالنسبة الل دخلوا عشان حلم اهلهم. انتوا عملتوا الل اهلكم كانوا نفسهم فيه. وفى نفس الوقت هما ضمنولكم مستقبل ميتعبكمش زى ما هما تعبوا. واحلى حاجة فى الموضوع انكوا رضيتوا اهلكم ومعصتوهمش ودا الل اسمه بر الوالدين..  والل قالت عشان نساعد الناس وعشان ناخد حسنات كلامكم صح جدا.  وربنا يكرمك كلكم ان شاء الله وتبقوا حاجة حلوة اهلكم يفتخروا بيكم....
اخر حاجه كلمة لميسون:  يا قمر الل انتى بتعمليه مع اصحابك دا غلط وحاولى تصلحى من نفسك واتقربى من ربنا ومتزعليش اصحابك وتخليهم يكرهوكى انتى من جواكى حلوة انا عارفة انك مش مرتاحة نفسيا عشان كدا بتعملى الشقاوة دى..  ربنا يهديكى يا حبيبتى ويصلح حالك.. 
ميسون بوجع:  انا اسفة يا مس.. ثم وجهت كلامها لأصدقائها:  بعتذر منكم وشكرا ليكى يا مس اميرة انك فوقتينى انا فعلا تعبانه ومحدش حاسس بيا.
أميرة:  يا روحى انتى متتأسفيش اهم حاجه انك تعرفى غلطك ومتعمليهوش تانى..
الفصل:  شكرا ليكى يا مس انك حببتينا فى المدرسة والمهنة..
اميرة:  لازم تحبوها عشان تبقوا مرتاحين نفسيا وتتفوقوا فى دراستكم وزى ما انتوا عارفين ان التمريض مجال مفتوح..
قالت فتاة:  ازاى يا مس مش احنا هناخد ال 5 سنين بس ونشتغل..
أميرة:  لا يا قلبى انتى ممكن تجيبى مجموع كلية التمريض بعد تانية معهد وتدخلى تانية كليه تمريض ع طول. وممكن تكتفى بالمعهد لو ظروف اهلك مش سامحة مصاريف تانى وتاخدى سنة امتياز ودى عبارة عن تدريب وتتوظفى وبعدها لو حابة تكملى…تكملى حاجة اسمها بكالريوس تقنى ودا يبقا تجيبى موافقة من الجهة الل هتشتغلى فيها وبعدها تتساوى بكلية التمريض بعد سنتين التقنى..  وحاجه كمان انت ليكى الحق فى انك تكملى بعد المعهد او كلية التمريض جامعات تانية زى كلية حقوق وكلية تجارة..  وفى ناس كتير عملوا ونجحوا فى الموضوع دا..  وربنا يكتبلكم الخير يا قمرات.
فتاة تُدعى مرام :  شكرا ليكى اووى ع كل المعلومات دى احنا هنطور من نفسنا وهنساعد اهلنا..
الفصل:  كلنا موافقين ع رأى مرام.
أميرة بفرحة عارمة:  وانا واثقة فيكم يا احلى نيرسات فى الدنيا 😌😘ربنا يوفقكم..
نظرت فى ساعتها وجدت انها تخطت معاد الحصة وقالت فى عجلة:  ينهار ابيض دا احنا الوقت فاتنا اجرى بقا بدل ما المديرة تعمل منى شاورما.
ضحكوا البنات وقالت فتاة:  كلامك حلو يا مس تعالى ع طول.
أميرة:  انتوا الل حلوين و ع لقاء بإذن الله..  يلا السلام عليكم ورحمة الله وبركاته
الفصل:  وعليكم السلام ورحمة الله وبركاته..
************
عند مينا وكارو.
..
كارو:  مينا يلا يا حبيبى اصحى عشان نفطر سوا ونروح عند نڤين..
مينا بنوم: صباح الفل يا قمر..
حاضر اهوه قايم..
استيقظ مينا ودخل الى المرحاض واستحم. وذهبت كارولين لتحضير الطعام..
بعد فترة من الوقت..
ع المائدة:.......
مينا:  انتى المفروض تنزلى الشغل امتى.
كارو:  بعد اسبوع هما مدينى شهر بي انا عايزة انزل قبلها..
مينا:  مابلاش تشتغلى وانا اهوه معاكى والل انتى هتعوزيه مش هقصر معاكى فيه.
كارو بهدوء نسبيا:  بص يا مينا انا دخلت تمريض لاﻧى حابه المهنة وحابة انى اساعد الناس.. ومعلش بلاش تجبرنى انى اسيبها..
مينا:  انا مش قصدى عادى يا حبيبتى خليكى براحتك بس مش حابب حد يتكلم عليكى لمجرد انك تمريض.
كارو:  التمريض خط احمر يا مينا دول ناس جاهلة ومتخلفة واخده فكرة وحشة عن التمريض مبصوش ان احنا الل بنساعدهم وبنداوى جروحهم.. الكلام الوحش كان زمان قبل ما التمريض يتطور ويبقا له قيمة فى المجتمع احنا لولانا كل الناس الل تعبانه دى مش هتعرف تخف من غيرنا..  انا مبسوطة انى ف تمريض وبحب مهنتى اووى. ولا يمكن افرط فيها.
مينا بفخر من زوجته:  ربنا يديمك يا حبيبتى ويسعدك ويوفقك فى حياتك وزى ما انتى مكملة انا مش هغصبك ت حاجة...
كارو:  تسلملي يا حبيبى ربنا يبارك فيك..
...............
انتهوا من الطعام ثم توجهت كارولين ومينا الى المطبخ وغسلوا الاطباق ثم ذهبوا ليجهزوا ثم ذهبوا الى والدة كارولين..
*********
فى المدرسة:
اثناء خروج اميرة من الفصل التقت ب عمر:..
أميرة:  ازيك يا عمر اخبارك اى وقمرتنا عاملة اى
عمر:  الحمد لله بخير انتى عاملة واخبار الجماعة..
أميرة:  الحمدلله كله تمام... بقولك يا عمر..
عمر:  ها.
أميرة:  كارولين ممكن ترجع بعد اسبوع وهى ليها حصتين ف كنت لو ينفع تدى الحصة التانية انت يوم *** لانى هكون اجازة..
عمر:  تمام يا اميرة عادى مفيش مشكلة..
اثناء حديثهم وجدوا منال قادمة لهم قائلة:  عاملين اى.
عمر وأميرة:  الحمد لله كويسين.
منال:  كنت بسألكم هتعملوا اى فى حصص كارولين.
أميرة: احنا رتبنا انا وعمر وانا اديتهم حصة دلوقتى.  وعمر هيديهم المرة الجاية وهى احتمال تنزل قريب.
منال:  ع خير ان شاء الله..
************
ذهبت اميرة الى المستشفى لإستكمال يوم عملها..  واثناء مرورها ت القسم وجدت من يرفع صوته قائلا:  انتوا يا بهايم يالل شغالين هنا.. حد يجى يلحقها هتروح منى.. انتوا يا بقر..
كان هذا تحت مسامع اميرة وهى تستشيط غضبا من هذا الذى يسخر ويسب فى التمريض متجهه إليه قائلة بغضب ***********
~~~~~~~~~~~~~~~~«~~
بارت النهاردة خلص يارب يعجبكم.. رأيكم بقا ڤوت وكومنت حلو شبهكم..
وأسفة ع التأخير 😘❤❤
# _الاميرة _♥👑
#_يتبع_
#رأيكم يهمنى 🔥_