سيدتي الجميله

الفصل الاول

سيدتي الجميله🔥😍

الفصل الاول

تلك الجميله ذات الشعر الحريري والعيون الواسعه الكحيله كانت تنزل الدرج بسعاده ومرح وهي تتضاحك مع ابنه عمها وتقول بمرح :

انا هنزل اختار اغلي واجمل فستان لفرح ايمي.

فانفلتت ضحكه ساخره من دنيا قائله :

انتي بتحلمي ده مين اللي هيوافق ولا حتي هيرضي يخليكي تخرجي بره القصر انتي ناسيه باباكي عمل ايه لما شيلتي السنه عمي حسام لايمكن يوافق يخرجك ولا حتي تشمي نفسك غير لما تنجحي.

فظهرت ملامح الحزن والشقاء علي وجه مهيره وقالت في اسي:

عارفه مش محتاجه حد يفكرني بس اللي محدش يعرفه انه الموضوع مش موضوع نجاح او فشل الموضوع هو انا والمشكله هي انا لاني بنت نسرين اللي سابته وهربت ،كفايه يا دنيا كفايه متفكرنيش انا حاولت افرح نفسي النهارده بس شكلي هفضل كده علطول عايشه في قصر وخدم وحشم وانا محرومه من كل حاجه .

اخذت دنيا تربت علي كتفها :خلاص يا مهيره عشان خاطري متزعليش مش قصدي اضايقك انا بس كنت خايفه يزعقلك.

قالت مهيره بأسي :ولا يهمك عادي فكك ، انزلي انتي اشتري الفستان اللي تحبيه وانا هطلع اقول لبابا علي الكتب اللي عايزاها .

..............

واكملت مهيره النزول ودخلت مكتب والدها بعدما طرقت الباب وسمح لها والدها بالدخول ولكنها تفاجئت بعفان الخادم والحارس الشخصي لوالدها والذي يوليه كافه الامور الصغيره والكبيره ولكنها لا تطيقه ابدا لان والدها يحبه ولا يحبها هي فأرادت التراجع حتي لا يوبخها والدها امام هذا الخادم فقررت الخروج مره اخري

:طب ا..ه ا..نا ممكن اجيلك وقت تاني يا بابا تكون فاضي.

فنظر اليها عفان بابتسامته الرائعه فهو يعشقها حد الجنون منذ ان كانوا اطفال صغار ولكنه يعلم انها لا تحبه وان الفرق بينهم بعد السماء والارض .

فقال والدها بجفاء وخشونه: اخلصي قولي اللي عايزاه بسرعه مش فاضيلك كل شويه تتنططيلي .

فشعرت بالخجل ونظرت لعفان بغيظ ثم اطرقت نظرها للارض في خزي قائله :بعد اذ..ذنك يعني لو ينفع اروح اجيب كتب من مكتبه الجامعه .

فنظر لها والدها نظره شموليه باستهزاء :

والكتب دي هتعملي بيها ايه ان شاء الله الكلام ده للناس اللي بتنجح ولا دي حجه للخروج والسرمحه .

فانصدمت ملامح كلا من مهيره وعفان

فاستدرك عفان سريعا :لو مفيش عند حضرتك مانع يا حسام باشا اخد الانسه مهيره في العربيه تجيب اللي هي عايزاه وهرجعها لما تخلص متقلقش خالص