سـاعـه 02:00 الـعـصـࢪ :
رنيم-
دخلت البيت بعد تعب من الدراسة لان اني اخذ درسين خصوصي وارجع للبيت تعبانه وجوعانه بنفس الوقت .
رنيم: بابا ، عمه وينكم؟.
دخلت وشفتهم نايمين .
ملاحضه عمتي هي مرت ابوي يعني ابوي تزوج من بعد ما توفت والدتي بـ 3 سنوات الصراحه معاملتها وياي ابد مو زينه بس آني ما اهتم بما انو الدي يمي ما أريد احد بعده بهذي الدنيا .
صعدت للغرفه وسبحت وبدلت ملابس مريحه وتعطرت
نزلت جوه وسويت اكل لنفسي وگعدت اكُل واباوع للتلفون.
خلصت گمت وغسلت مواعيني والمواعين الباقيه نضفت البيت وكملت ورحت طلعت بره وگعدت بالحديقه الصراحه احس براحه نفسيه من أگعد هنا
. _______________________________ .
POV : MY DAD
- ................................. -
عـلي: بويه بنيتي تعالي سويلي چاي عمتچ نايمه وتعبانه اليوم .
رنيم: تمام بابا .
گمت ودخلت المطبخ وسويت چاي مهيل لان والدي يحب الچاي الي بيه هيل سويتله وانطيته اله .
علي: بويه رنيم عندي حچي وياچ .
رنيم: أي بابا اسمعك -گعدت سنه بأستغراب- .
علي: بما انو انتي كبرتي وعمرچ هسه 18 صديقي ولده خوش ولد وناس طيبه وآني اعرفه من زمان اجه عليچ اليوم وگتله اشوف البنيه اتوافق او لا .
رنيم: بابا والله إذا شايفه خوش ولد فـ اني موافقه .
علي: صلاوات على محمد يعني نردلهم الخبر .
رنيم: أي بابا -گمت وطلعت- .
دخلت البيت وصعدت فوگ لغرفتي فـ ما شلت هم للأمور الزواج لان لو فكرت هوايه راسي يگوم يأذيني .
كملت دراسه وصارت بَـ 05:35 خلصت دراسه وگعدت عمتي .
احلام: لچ گومي كافي لا تسوين نفسچ ادرسين وخابصه روحچ گومي نضفي البيت .
رنيم: البيت نضيف ماكو داعي لتنضيفه .
أحلام: حلو صاير عندچ إلسان ، اصلا نفتك منچ بعد كم شهر .
رنيم: لا على الاساس ذابحه نفسي علمودكم؟.
گمت وطلعت وخليتها تحجي .
طلعت بره بالشارع وردت اعبر لصديقتي بس چان الشارع فارغ واكو سياره سوده دتمشي على كيفَ وآني ردت ارجع لبيتنا بس نزل منها رجالين .
YOU ARE READING
عِشگ هَواكَ | | رَنيم ، بِلال
Romanceقصه تتحدث عن فتاة تعيش بقريه في محافظه واسط فتاة عاديه تتطمح للوصول إلى ان تكون طبيبه جراحيه بسبب ان والدتها احتاجت لعمليه جراحيه لكن بسبب بعد القرية عن مستشفى المدينة قد توفت في منتصف الطريق وقطعت وعد بأن لا تعيد الكره لأي شخص محتاج لعمليه . رجُل ف...
