في صباح اليوم التالي رن هاتفها لتتململ في نومها وترد علي الهاتف
- سحر/ ألووو؟
- تغريد/ ااااه شكلك لسه نايمة يا أستاذة وراحت عليكي نومة.
- سحر/ هي الساعة كام؟ ، يا خبر ده إحنا إتأخرنا علي ميعاد المحاضرة.
- تغريد/ بجد لولاكي مكنتش عرفت لسه هترغي قومي يلا إجهزي وكمان متنسيش إن فيه تكليف لازم نسلمه النهاردة.
- سحر/ تمام أنا هقوم أجهز بسرعة وأنزل.
- تغريد/ يلا قومي بسرعة.
- سحر/ حاضر يلا باي.
قامت وإتجهت إلي المرحاض ومن ثم إنتهت من ملابسها حتي لا تتأخر أكثر.
- سحر/ صباح الخير يا ست الكل....
قالت وهي تقبل وجنتي امها
- فريدة/ صباح النور يا حبيبتي.
من ثم اتجهت الى ابيها مردفه....
- سحر/ صباح الخير يا حبيبي.
- سليم/ صباح النور يا حبيبة قلبي.
- سحر/ أنا رايحة الجامعة عاوزين حاجة؟
- فريدة/ طب مش تفطرى الأول معانا هتنزلي من غير فطار.
- سحر/ مش هلحق أفطر يا ماما أنا متأخرة هبقي أجيب حاجة أكلها من برا، يلا باي.
- عمر/ ربنا معاكي يا ست المجتهدة.
- سحر/ يارب يا أخويا إتريق براحتك.
- عمر/ هههه إستغفر الله مبتريقش علي حد أنا.
- سحر/ أه واضح واضح.
- عمر/ طب يلا إمشي مش متأخرة.
-سحر/ نازلة مش فاضية أرغي معاك، عاوزين حاجة؟
- فريدة/ علي مهلك طيب، ربنا معاكي يا حبيبتي.
- سحر/ يارب.
ثم إتجهت مسرعة إلي جامعتها، وإتجه سليم أيضا إلي عمله بعدما إنتهي من فطوره
في فيلا الشريف
رأته ينزل مسرعاً من غرفته ومتجهاً إلي الشركة
- خلود/ في اي يا مالك مستعجل ليه؟
- مالك/ رايح الشركة يا ماما في صفقة مهمة أوى النهاردة مع الشركة الأجنبية ولازم أبقي موجود عشان أتمم عليها.
- خلود/ طب إستني أقعد إفطر الأول
- مالك/ مش مشكلة يا ماما هفطر في الشركة، لازم دلوقتي أمشي عشان العملاء علي وصول.
- خلود/ تمام يا حبيبي ربنا معاك.
- مالك/ يارب، عن إذنك يا أمي.
- خلود/ إتفضل يا حبيبي.
ثم إنصرف مالك إلي الشركة ونزل لؤي وحسام كلٍ من غرفته
-لؤي/ صباح الخير يا ماما.
- خلود/ صباح الخير يا لؤي.
- حسام/ صباح الخير يا خلود.
- خلود/ صباح الخير يا حبيبي.
- حسام/ فين مالك لسه منزلش ولا إي؟
- خلود/ سبقك ونزل وراح الشركة.
- لؤي/ ماشاء الله عالنشاط دايماً مستعجل إنه يروح الشركة كده.
- خلود/ بيقول في صفقة مهمة أوي النهاردة فعلشان كده راح بدري.
- لؤي/ OK هحصله أنا بقي.
- خلود/ إستني نفطر الأول وبعدين حصله الفطار جاهز.
- لؤي/ تمام.
ثم أمرت الخدم بأن يجلبوا الطعام وما إن إنتهوا منه جلسوا وشرعوا جميعاً بالطعام.
في جامعة سحر
قالت وهي تلتقط انفاسها اثر الركض
- سحر/ اااه ياني علي نفسي اللي إتقطع إخيراً وصلت الحمدلله لسه باقي عشر دقايق عالمحاضرة يا تري تغريد وصلت ولا لا ده لو شافتني هتعلقني
لتنتفض على صوتت تغريد من ورائها مردفة..
- تغريد/ هعلقك بس ده أنا هولع فيكي.
- سحر/ هههه ت ت تغريد حبيبتي وحشتيني.
- تغريد/ والله طب يلا عشان إحنا متأخرين علي المحاضرة لوحدنا مش هنقف لسه نرغي أكتر.
-سحر/ أه انا بقول كده بردوا يلا بينا.
ثم إنصرفوا إلي محاضرتهم.
