©©في مصر .. بمنزل عائلة جاويش ...
#كانت سيران إنتهت من تنظيف الشقة التي سيقطن بها أقارب والدها الأتراك وجلست على كرسي صغير وهي متعبة للغاية وتتأوه ...
"سيران" بتعب :- ااااه ياني يا عضمي إللي بيوجعني من كل حتة ياختااااي وهما كل إللي بينضفوا بيتعبوا بالشكل المهبب ده أووف أنا تعبت بجد خلاص .
"والدة سيران" بابتسامة :- قومي يا كسولة مهو بقى لو إنتي بتنضفي معايا ومش متدلعة كان زمانك كده عاملة زيي مش بتتعبي وتتأففي كل شوية والتانية .
"سيران" بغيظ :- يا سونا أنا تعبت من النضافة يووه وبعدين مهي الشقة كانت متظبطة وفُلة وضيوف بابا لما يوصلوا كانوا هيلاقوها حلوة مش فاهمة إيه لازم النضافة تاني والبهدلة دي إللي أنا فيها .
"والدة سيران" بجدية :- بقولك إيه يا سيرو أنا هنزل تحت أجهز الأكل علشان قربوا يوصلوا من المطار مع أبوكي وإنتي روحي خُدي دُش بسرعة وإلبسي لأنك هتقفي تستقبليهم عند الباب .
"سيران" بإيماءة ونهضت من مكانها :- حاضر ماشي أنا هروح أظبط الدنيا تحت علشان مكركبة وبعدين هاخد دُش وأنزل أستناهم وأشوف نوران فين .
^^خرجت سيران من الشقة الخاصة بأقارب والدها ثم ذهبت إلى شقتهم لتغتسل وتجهز حتى يصلوا^^
"سيران" بغيظ وتتمتم بحنق :- يووه ضيوف وبتاع طب أنا مالي بقى بكل ده أسيب شغلي وعزفي لمين علشان أهتم بدول يووه بقى أووف .
"نوران" وهي تدخل عليها الغرفة :- مالك يا سيرو أنا سمعاكي نازلة برطمة ومتدايقة هو إيه إللي حصل .
"سيران" بضيق :- والنبي ياختي إهمدي إنتي كمان علشان أنا روحي ف مناخيري ومش ناقصاكي كفاية الضيوف إللي جايين مع بابا دلوقتي .
"نوران" بتساؤل :- ضيوف مين دول وجايين منين وهيقعدوا قد إيه طيب عندكم وهيفضلوا فين كمان .
"سيران" بغيظ :- يخربيتك إيه كل الأسئلة دي هو أنا هجاوبك على إيه ولا إيه بالظبط هـاا وبعدين هما من تركيا وقرايب بابا وجايين عندنا زيارة إيه السبب الله أعلم بقى وهيفضلوا قد إيه معرفش بس هيقعدوا هنا معانا ف الشقة إللي فوق .
"نوران" بجدية ونظرت إليها :- طب عادي يعني فيها إيه مخليكي متدايقة ومتزربنة كده دول هيقعدوا هنا فوق يعني بعيد عنك وإنتي بتروحي شغلك وهتبقي بعيد عنهم برضو والسبب بقى ف مجيهم هنا هيبان بعدين وأنا متأكدة إن وراها سبب كبير .
"سيران" بغيظ وعقدت ذراعيها :- ياستي سواء فيه سبب أو مفيش حاجة متخصنيش وبعدين يلا علشان ننزل نستقبلهم تحت ومفضلش لوحدي مستنياهم .
#أومأت سيران لنوران ثم هبطوا معاً للطابق السفلي للمنزل ليستقبلوا الضيوف القادمين ...
©©في سيارة والد سيران ...
#كان معه في السيارة أورهان وأسومان وفريد الذي أتى معهم مرغماً على ذلك وينظر إلى الطريق بضيق وغضب يتآكله بسبب قرار جده المفاجئ ...
أنت تقرأ
الصعيدية والتركي ♥️🌏 مكتملة
Romanceالجزء الأول من سلسلة الصعيدية والأجنبي بطلتنا المجنونة إللي تعرفوها 😂 معاها كمان بطلات جديدة مختلفة هتنور الرواية الجديدة أبطالنا الشباب أتراك وقمرات من الآخر يعني 😂 وطبعا فيها أشرار بس مش هيفضلوا كتير معانا يارب تعجبكم وتحبوها 🤲🌍
