الدنيا بيها القوي والضعيف وبيها الشر والخير
ناس متغطيه بثوب الرحمه و الود وتحت هذا الثوب سواد قلوبهم
وللاسف المجتمع بكل مقاييسه تهمه المضاهر فقط
نبدا قصتنه بافراد لا يوجد مثل طيبة قلوبهم ونقاء ارواحهم ورحلتنه اليوم تبدي من بيت ام سلوان
قبل 15 سنه .........
جنت طفله دالعب بالشارع صاح عليه رجال و يمه مره واكفه
رحت ركضت للرجال
/ نعم عمو
/ عمو انتي وين بيتكم
التفت اشرت على بيتنه وبعد ما حسيت بشي
فتحت عيوني اني بغرفه بيها اهواي اطفال ما اعرفهم
ظليت ابجي والاطفال التمت عليه صافنين بوجهي
واحد منهم كبير بالعمر اجه ديريد يسكتني بس اني خفت منه
دخل ولد كاله شبيها
ضياء / معرف كعدت ظلت تبجي
حسن / زيد روح شوف ام سلوان كللها البنيه الجديده تبجي
كام ولد صغير راح طلع بره الغرفه شويه ودخل ويا مره نفسها الي جانت واكفه يم الرجال
ام سلوان / ها خير شكو ملتمين شو دوخرو
/ اريد امي
/ امج راحت كالت خلوها يمكم تلعب ويه البنات وبعدين نجي عليها بس اذا ظليتي تبجين ما ااطلعج سامعه
خزرتني خوفتني منها ظليت ابجي بلا صوت
اجت اتقربت مني بنيه بيدها لعبه مگطعه
/ اني اسمي رشا انتي شنو اسمج
مجاوبتها جنت ابجي
/ لتبجين شوفي اني ظليت ابجي ومن اجت امي مطلعوني
مسحت دموعي
/ اسمي مينا ليش لعبتج مكطوعه
رشا / هذا حسن كطعها لان ما سمعت كلامه
/ احنه ليش جابونه هنا اريد ماما اني
رشا / سكتي سكتي لتبجين هسه امج تجي عليج تاخذج
باعي ذيج البنيه اجت امها اخذت اختها لان ساكته وهيه ما اخذوها
باوعت بنيه كاعده على صفحه وعينها علينه
/ شنو اسمها
/ هدى
فعلا ظليت انتضر امي تجي
اباوع من الشباك هو كلشي ما اشوف بس زرع وسكراب بس عقل طفله
وهذا حسن ميخلي وحده من عدنه تطلع من الغرفه الا انروح للحمام وجان يخلي ضياء ياخذنه
حسن جان اكبر واحد والكل اتخاف منه
بليل جابو عشه حسن وضياء تعشينه
وطفو علينه الضوه وكالو يلا ما انريد صوت الكل تنام
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
