صباح جديد عليها صحت ولازال الامل مرافق قلبها رغم بشاعه الشعور والخوف والافكار الي تمر فيها الا انها لازالت متمسكه ب الامل واملها بالله كبير ان امها تتشافى وترجع تعيش معهم ويرجعون لحياتهم الطبيعية وترجع الفرحه لهم وتتوسطهم السعادة نزلت وهي تشوف ابوها توجهت له تصبح عليه نطقت صباح الخير نطق وهو يضمها صباحي انتي يا دنيتي الحلوه ابتسمت وهي تبادله الحضن بتطلع الدوام ؟ ايه يبوك الشغل متراكم هاليومين تامرين على شي سلامتك يا نضر عيني طلع وهي تلوح له طلعت فوق عشان تبدل قاطعها رنين جوالها ومكان الا خالتها اردفت بصوتها الحنون وينك يا ضي ليالينا قاطعه لا حس ولا خبر ولا نسيتي ان عندك خاله ردت وهي تحس بشرهه في صوت خالتها اهلا اهلا انسى نفسي ولا انساك ي روحي انتي والله تعرفين بدت المدارس واخر سنه لازم اشد حيلي وكذا ردت خالتها معليه يا امي ما بعد التعب الا الراحه المهم اليومين ذي بجيك ان شاء الله شهقت غسق بفرح اطلق من يجيني وربنا بس ، مادامت فرحتها لخمس دقايق الا وتذكر فارس الي مكرها حياتها وتتمنى من قلبها انه ما يجي اكملت بسؤال غير مباشر خاله العيال يجون معاك ؟ وكان رد خالتها الي ما تبيه اي يا بنتي انا وفارس وشهد بنجي تنهدت بكره له ولاسمه لانه يتحكم فيها وهو ماله دخل فيها ولاهي من طرف عرضه عضت شفايفها بقهر وهي تسكر وترمي الجوال وتهمس لنفسها انتهت ايام المتعه يا غسق بس عسى ما يطولون
