الهَواجس

الحـلقة السـادسـة والثـلاثون

الكاتـبة شهـد 🖤

وفجأة ترى أنّك بالفعل إستهلكت نفسك كُليًا؛ تكلمت كثيرًا، شرحت أكثر، بررت بما يكفي، ثم تأتي عليك لحظة وترى أن طاقتك قد نفذت، فَتتوقف عن الكلام وتبتعد عن الناس، وتذهب لأقرب ملاذ لك وتجلس مُكتفياً بنفسك ."

____________________________

حمزة

الأنطفاء هو ابسط تعريف للي مريت بيه بأخر فترة خسرت الأنسانة الي حاولت بكل قوة املكها احافظ عليها وعلى وجودها بحياتي ملامح وجهها ما تروح من بالي بلحظة نطق الحكم والطلاق عاهدت نفسي بوقتها لازم ارجعها ما راح اخليها تبتعد راح اصير خيالها بكل مكان اطلعلها حتى لو كان الثمن ادمر حياتها وفرحتها وكل شي حلو بحياتها بس حتى ارجعها اليه واخلي الفرح يزورها وياي والسعادة اني سببها...

اسبوع كامل مر عليه مثل السم اتجرعه وهي مرتاحة احياناً افكر شنو سبب الي صار وليش صار شلون هيچ اتدمرت حياتي بلمح البصر من حياة هادئة كل همي ارجع للبيت وانام مرتاح واگعد اروح للشغل واشوف الينا وضحكتها لـ حياة ما بيها شي من الحياة...

اعترف تسرعت بزواجي من الينا وتسرعت اكثر من حكمت على روند وعلى حياتي قبل ما اعيش وياها لو منتضر اسبوع او شهر قبل ما اجيب الينا لحياتي كـ زوجة ما كان صار كل هذا بس ما تفيد كلمة لو بعد ما وگع الفاس بالراس..

گاعد بالمحل وفكرة تاخذ فكرة و روحي طالعة انفتح الباب ودخل علي وجهه ما يگصه السيف..

گعد ع الكرسي بملل وگال..

-حمزة تره ما صارت هاي اذا تريد تاخذ بنت عمك انت اخذها عمي طلعت روحي ساعة السودة الي صرت بيها خط الها..

-شبيك تعارك ذبان وجهك شصار عليك اذا اخذتها بعدين ماخذها بفلوس مو بلاش لا تاكل خ***

رد علي بنرفزة..

-انطيك فوگ الكروة الي اخذها منهم بس خلصني منها

عدلت گعدتي بعد ما چنت ماخذ راحتي حسيت الموضوع جدّي شوية..

-شكو فهمني ليش هيچ متزومل من الصبح شصاير

جر نفس وگال بعصبية..

-انت وابوها واخوها عدكم رقمي شنو معناها من تخليني نص ساعة واگف بالباب انتضر جنابها تالي ماتالي يطلعلي اخوها يگلي ما تداوم اليوم ..

رديت بـ برود ..

-شصار عليك هي نص ساعة خربطت جدول الاعمال يجوز نست يجوز گعدت الصبح مريضة وما گدرت تداوم فجأة..

هز ايده و وگف من مكانه يحچي بقهر..

-هو شمتوقع منكم اذا ابن عمها حمزة شتطلع مثلاً هي نبي

السماعة چانت بصفي جريتها شامرها عليه..

-دمشي لك احسن مني ومن بنت عمي انت على اساس