រឿង ស្គរស្បែកមនុស្ស
« ភាគទី១ »
[ វគ្គទី១ សុបិន្តចម្លែក ]
សម្លេងវាយោបក់បោកមកខ្លាំងៗ មិនបង្អង់សូម្បីតែបន្តិច ។
រសាត់តាមខ្សែរបន្ទាត់រប៉ាត់រប៉ាយគ្មានទិសដៅ ដែលយើងមិនអាចមើលដោយភ្នែកទទេបាន ។ កម្លាំងបោកចុងព្រឹក្សា
ខ្ពស់ទាប ចូលគ្នាឮសូរប្រាវៗ ។ ស្លឹកដែលអសង្ខាពណ៍ស្រគាំបានជ្រុះរសាត់តាមខ្យល់ ខ្លះប៉ើងទៅឆ្ងាយ ខ្លះទៀតជ្រុះនៅជិតគល់ ។
ផ្ទៃមេឃពណ៍ខៀវក្រម៉ៅ បានប្រែទៅជាខ្មៅមួយរំពេច ដោយមហិច្ចតានៃពពកខ្មៅ ហោះមកបិតបាំងផ្ទៃមេឃភ្លាម
ៗ ។ សម្លេងផ្គរលាន់គ្រហឹម " គ្រឹម ... ! គ្រឹម ... ! " ពីនេះបន្តិច ពីនោះបន្តិច អមដោយផ្លេកបន្ទោរបាច់ឆ្វាចៗ ជះពន្លឺចែងចាំងស្ទើរខ្វាក់ភ្នែក ។សម្រែកសត្វប្រចៀវរាត្រី នឹងបក្សីយប់ យំទ្រហឹងអើងកងរំពងព្រៃ ខ្លះហើរទៅនេះ ខ្លះហើរទៅនោះ ប្រកូកប្រកាសគ្នីគ្នាជាដំណឹងថា បន្តិចទៀតនឹងមានភ្លៀងព្យុះមួយមេធំបង្អុរចុះមកមិនខាន ។ ដើម្បី រស់ស្រួល សត្វទាំងនោះ នឹងត្រូវរើទ្រនំទៅដើមឈើណា
ដែលមានលំនឹង ស្លឹកនឹងមែកបែកសាខាច្រើន ងាយស្រួលក្នុងការជ្រកកោនពួនអត្មាក្នុងគ្រាមានអាសន្នបែបនេះ ។
មួយសន្ទុះក្រោយមក អ្នកនឹងបានឮសម្លេង " ឈូ .... ! " ពីទិសដែលបក់ខ្យល់មកខ្លាំងនោះ ខិតជិតមកកិតខ្លួនយើងទៅៗហើយ ។ តើជាសម្លេងអ្វី ? ជាការពិតណាស់គឺជាសម្លេងទឹកភ្លៀង ដែលកំពុងតែធ្វើដំណើរមករកអ្នកហើយ ។ បើសិនជាមិនព្រមរត់រកកន្លែងជ្រកនោះទេ គឺច្បាស់ណាស់
មួយរយភាគរយ ទទឹកសើមខ្លួនជោកមិនខាន ។
តំណក់រលឹមតូចៗស្រក់ចុះមក ប្រាប់ជាដំណឹងថាពេលនេះ គឺភ្លៀងហើយ ។ មិនយូរប៉ុន្មានដំណក់គ្រាប់ពោតនៃទឹកភ្លៀង
បានធ្លាក់ចុះមកក្រោយពីរលឹម បើកាលណាធ្លាក់មកប៉ះនឹងរាងកាយរបស់អ្នក គឺឈឺមិនស្ទើរឡើយ ។ វាហាក់ដូចជាគ្រាប់
ភ្លៀងម្ចុលយ៉ាងអីចឹង ។
បើយើងសម្លឹងមើលទៅទិសខាងត្បូងពីចន្លោះព្រៃស្តុកនេះ យើងនឹងប្រទះឃើញពន្លឺភ្លើងក្រហមជះចេញពីផ្ទះមួយ
ដែលស្ថិតនៅមិនឆ្ងាយប៉ុន្មានពីទីនេះឡើយ ។ កាន់តែដើរ កាន់តែធ្វើឲ្យត្រចៀករបស់អ្នក ទទួលនូវអារម្មណ៍ម៉្យាងជាក់
ច្បាស់ថា កំពុងតែមានសម្រែកស្រែកយំ ថ្លែងពីសេចក្ដីឈឺ
ចាប់លំបាកវេទនាឮល្វើយៗតាមកម្លាំងខ្យល់បក់មក ។
YOU ARE READING
រឿង ស្គរស្បែកមនុស្ស The Series
Horrorប្រលោមលោកស្នេហាបុរសប្រភេទខ្មែរ ដែលនិយាយពីអាថ៍កំបាំងមួយដែលបានកើតឡើងក្នុងរាជវាំងយ៉ាងសាហាវឃោឃៅ ។ អាថ៍កំបាំង ឃាតកម្ម នឹងបើកកកាយរកមុខឃាតករពិតក្រោយពេលក្មេងប្រុសធម្មតាម្នាក់បានចូលទៅរស់នៅក្នុងរាជវាំងនោះ ។ តើក្មេងប្រុសម្នាក់នោះបានជួបស្នេហ័ពិតទេ ហើយនរណាជាឃាតក...
