رشا/ مينا وين صافنه مو دنحجي وياج
فاطمه / صفناتج كثرانه هاي الايام خيرج ولج
/ بنات معاجبني الحال مليت واني احرك روحي بالشمس بهذا التقاطع وعلى اخر ابيوم تاخذهن ام سلوان
رشا / اي شنسوي يا عيني غير مكان مكاعدين
/ ضحكتيني رشا كاعدين وين ليش هو منو جابنه هنا وليش جابونه و وين اهلنا
فاطمه / شبيج مينا احنه ايتام وهمه خلونه هنا مو زين ما الشوارع اتمردع بينه والي ننطي الهم ثمن كعدتنه
درت وجهي منها كلامها مداخل براسي
ظلت هيه و رشا يقنعني بان احنه اهنا لان مالنه احد و ام سلوان عطف منها مكعدتنه
لحد مدخلت هدى سكتنه لان نعرفها هيه ذان حسن الي يسمع بيها شنسوي وشنحجي
هدى / ليش سكتن كملن كلام
فاطمه / معدنه شي نحجي يلا خلونه ننام ورانه كعده الصبح
كل وحده بينه اتمددت بفراشها وبيهن الي غفت وبيهن الي تتكلب
اني مكدرت انام دافكر معاجبني الوضع بس مشكله حسن وام سلوان ثعالب
صار الصبح و كل عاده اخذت الكلينكس اني وهدى وعلي وعلى راسنه ضياء يراقب من بعيد
اني وهدى نلبس عبايات كتف وشالات انلفهن على وجهنه ونطلع عيونه بس
اباوع للعالم واتحسر كل سياره احلى من الثانيه لو البنات وخاصه اذا يوم دوامات الي بالمدارس والي كليات
ليش احنه مصيرنه الشارع من الصبح لليل
صار وكت الاستراحه منرجع للبيت نكعد بفد مكان ناكل ونستراح شويه وبعدين نرجع نبيع و للمغرب
رحت بالمكان المتفقين علي شفت علي كاعد قبلنه
وصافن
حركته من كتفه
/ ها علوش شبيك وين صافن
علي / باعي وراج
باوعت محلات مال ذهب
/ وين تقصد
علي / المحلات مينا
/ شبيها
علي/ من تنروح للبيت باعي اذا الكل نام تعالي بالسطح و اكلج بس ديري بالج احد يدري وهسه سكتي اجت هدى و ضياء
هزيت راسي محجيت ويا مع فت بشنو يفكر
طلعنه اكلنه وبدينه ناكل صمون وطماطه وخيار ومن البيت مو مشترينه
خلصنه شةيه ورجعنه نبيع وظلت سالفة علي ببالي ما اصدك نرجع و اعرفها
صار المغرب وهنا تبدي الدوريات تفتر بعد انخاف ونرجع مالنه خلكهم
أنت تقرأ
اولاد الشوارع
Açãoنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
