مذكرات قاصر

الجزء 6

ما يتعبنا
ليس الباب الذي أغلقناه، 
بل النوافذ التي نفتحها لنسترق النظر

- اسراء ورايه شغل اذا عاجبج تشاقين كولي

اسراء : والقران ما اشاقه جايبتلج كومة اخبار حتنصدمين بس لزمي كلبج بالاول

- كولي

اسراء : سالفتج انسد موضوعها بالكليه

- شلون ؟؟؟

اسراء : برنامج كشف ع الصور وثبت فوتوشوب الكليه طبعا ما اكتفو بالصور سئلو الدكاتره مال قسمنا عنج مدحو بيج و بالاخص زياد

فتحت عيني : زياد شهد لصالحي ؟

اسراء : مو بس هيج هو الي اخذ الصور وداها لابو برمجيات
و ثبت للكليه فوتوشوب وتقريبا هو الي حلها ويه العماده
لان بالبدايه وصلنا حجي ناوين يفصلوج 20 يوم
بس زياد ادخل و لان الامتحانات ماضل عليها 15 يوم علمود متروح سنه كامله عليج سدو الموضوع

- اااخ زياد هالانسان شكد ما احاول اردله افضاله عليه اشوفها قليل عليه

اسراء : ماتواصلتو ابد الفتره الفاتت؟

- قافل موبايله اغلب الوكت و من يفتحه اخابر ينطيني رفض

اسراء : من ترجعين بغداد صالحي باي طريقه الي سوا علمودج مو شويه

- خايفه من رد فعله صح عرف اني مضلومه بهالصور بس حسين مديعوف الموضوع و يتواجه مرات ويه زياد بالممرات ماعرف شيحجون بس حسين واعرفه يشمر بسامير هوايه