في بيت ابو ياسر ..
عند العيال بعد ما كل واحد تجهز تجمعو في الحوش
قال زايد: هاه وين ياسر طول وهو ينبه من امس لحد يتأخر
سلطان: اكيد يتجهز ياسر كذا يحب يطول في التجهيز اسالني كم مره وقفت هنا انتظر
جاء ياسر: هاه اشوفكم تحشون فيني من بدايتها كذا
زيد بصدمه: ياسر طلعت معرس و الله ما كانا رايحين الصلاة العيد رايحين نخطب لك ما شاء الله
سالم: ما شاء الله و الله تستحق انتظارنا فيك على ذي الكشخه
زايد: صدق ما شاء الله طلعت صادق يا سلطان
سلطان: و انا متى كذبت اصلا
ياسر: خلوكم مني ابوي و عماني وين
زيد: برا واقفين وحنا كنا ننتظرك هنا
ياسر: طيب امشو لا نتاخر عليهم
طلعو من الحوش ال برا عند السيارات كانو الشايب ينتظرونهم هناك قال ابو زايد: ما شاء الله عليكم وينكم تاخرتو علينا حتى البنات ما ياخذون كل ها الوقت في تجهيزهم
سالم بضحك: اكيد صادق
ابو ياسر: الساعه كم يا زيد ما تاخرنا
زيد وهو يناظر ال جواله: الساعه ٥ إلى عشر
ابو زايد: لا ما تاخرنا أصلاً المسجد قريب منا
ياسر: ايه قريب
ابو سلطان: يلاه اركبو أجل
ابو ياسر وهو يركب السياره: بسم الله توكلنا على الله
عند البنات ..
غلا: هاه نوف خلصتي القهوه
نوف: ايه خلصت ثلاث دلال باقي دله و الشاهي بعد خلص
غلا: يلاه اجل اخلصي عشان نوديهم المجلس و روح نتجهز
نوف: هاه خلصت الاخيره امشي
غلا: يلاه خل أخذ ذي
راحن نوف و غلا ال المجلس يودن القهوه و الشاهين و الحلا قالت نوف: أن شاء الله ما قد جاء أحد
غلا: لاا وين توهم رايحين مسرعهم يجون بنخلص وهم ما جو
نوف: يلاه اجل استعجلي تمشين لي على بيض باقي ورانا المكياج شكلك نسيتي
غلا: صاحيه ذا الشي الوحيد الي ما أنساه
نوف بضحك: مسبب النا ازمه ذا الشي
غلا: و كيف هي من ازمه
نزلن البنات القهوه و الحلا و التمر و رجعن ال البيت بيتجهزن طلعت ال الغرفه و كل وحده راحت تسوي المكياج قبل كل شئ قالت نوف: اوه خلصت اصعب مرحله و لله الحمد
غلا: حتى انا خلصتها الحمدلله
نوف: بروح البس فستاني و اجي
غلا: يلاه استعجلي انا بعد بروح البس
نوف راحت و لبست فستانها كان لونه احمر غامق مع مكياجها الحلو طلعتتت تهبل
غلا لبست فستانها وكان لونه اصفر ماسك مع المكياج الخفيف الي مسويته طلعت حلوهه فيه
قالت نوف بتنهد: اوههه طلعتي تهبلين غلو لو اني ولد حبيتك
غلا وهي تضحك: صدق حتى انتي طلعتي تهبلين محظوظ الي بياخذك
نوف: داعيه له أمه الي بياخذني
غلا بضحك: اكيد الله يعينه
نوف: وش
غلا: اقول ايه محظوظ
نوف: يلاه يلاه بس اطلعي تجهزنا و قعدنا في ذي الغرفه
غلا: صدق امشي خل نعايد اخوانا امديهم جوو
طلعن البنات من الغرفه و نزلن قالت نوف: وش نسوي الحين نروح مع بعض ولا
غلا: انتي روحي الحوش وهم بيجونك وحنا بنقل هنا في المطبخ ياسر بيجي هو و ابوي
نوف: طيب
قبل لا تطلع نوف من المطبخ دخل ابو ياسر المطبخ: سلام عليكم
غلا: هلا يبه
نوف وهي تسلم على عمها: هلا يا عمي كل عام وانت بخير
قربت غلا وسلمت على راس ابوها قالت: من العايدين يبه وكل عام وانت بخير
ابو ياسر وهو يضحك: من الفايزين
دخل يده في جيبه وهو يطلع فلوس قال: هاكن هاذي عيديتكن
غلا: مشكور يبه
نوف: مشكور يا عمي
ابو ياسر: وين ود و وتين
غلا: للحين يتجهزن
ابو ياسر: خلهن أجل يتجهزن ضيعن العيديه
طلع ابو ياسر من المطبخ و تحت نوف الحوش تتسلم على اخوانها دخل ياسر بعد ما راحت نوف
ياسر: سلاام من الي هنا
غلا بضحك: من بيكون
ياسر بضحك: اكيد غلو من غيرها
غلا: تعال خل اعايدك و اخذ العيديه بعد
ياسر قرب و سلمت عليه غلا قال: كل عام وانتي بخير يا احلى غلو
غلا: و انت بخير يا احلى اخوو
ياسر: عشان العيديه تقولين اخو هاه
غلا بضحك: لا و الله و اجل انا طماعه اقول لك اخوي عشان الفلوس
ياسر وهو يضحك: اكيد مانك طماعه
طلع ياسر عيديتها و عطاها قالت: اخخ مشكور
ياسر: تستاهلين
جن ود و وتين قال: انتن بعد جيتن ليتني رحت قبل لا تجن
وتين: طلع طلع بسرعه ، كل عام و انت بخير
ياسر: و انتي بخير على طول اطلع
غلا: فوتي ابوي راحت عليك عيديته
وتين: قولي و الله
غلا: ايه و الله
ياسر: اوفف عاد عيديت ابوي غيرر
ود: من العايدين كل عام و انت بخير
ياسر: من الفايزين و انتي بخير
وتين: هات العيديه اخلص علينا انت تكفي
ياسر: هاه هاذي عيديتك لا تموتي
ود: و انا ما الي عيديه
ياسر: معقوله انساك انتي هاك هاه
ود: مشكور ما قصرت
ياسر: العفوو و انتي ما فيه شكر
وتين وهي تضحك: مشكورر مع انها قليله بس ما عليه
ياسر: احمدي ربك جتك تتشرطين بعد
طلع ياسر من المطبخ و راح ال المجلس بيعايد أبوه و عمه ابو سلطان دخل و سلم على أبوه اول شي: كل عام و انت بخير يبه عساك من عواده أن شاء الله
ابو ياسر: و انت بخير امين اجمعين أن شاء الله
قرب ياسر و سلم على ابو سلطان: كل عام و انت بخير يا عمي
ابو سلطان: و انت بخير
ابو ياسر: وين سلطان ما شفته عقب الصلاه
ياسر: راح يجيب الفطور بيجي الحين
