ظليت اركض لحد ما تعبت وختلت بين العماير
اخاف حتى التفت اشوف احد ورايه لو لا
دخلت عماره شويه قديمه ظليت خاتله على صفحه بس گلبي ممرتاح كمت صعدت فوك
وصلت السطح العماره ظليت اطل شفت سيارات شرطه ثنين بنفس المنطقه يمشن على كيف معرف معقوله لحكتني هاي السيارات او اني اتوهم
يعني يمكن لان دخلت بين المحلات والناس تهت منهم لو شافوني
ظليت رايحه جايه الخوف ذابحني اتمنيت حسن يمي اشرب من دمه
اكو تانكي مال مي كلش جبير رحت كعدت بظله بحيث كرفصت روحي ما ابين
وظليت منتظره لحد مصار المغرب
رحت طليت ماكو احد والناس قليله مو مثل الصبح
جعت وعطشت وتعبت حيل
قويت نفسي ونزلت واني حذره طلعت من العماره مشيت مسافه گلبي بيدي احس العالم كلها تعرف السالفه
اتعديت كذا مححل وجان اسمع صوت سيارات الشرطه
من خوفي ظليت بمكاني واكفه استسلمت للامر الواقع
بس محد اجه يمي باوعت شفت محوطين العماره
و هوسه الدنيا مشتعله والاضويه فوك من العماره يعني اني لو ظاله يمكن اخذوني
رجل توديني ورجل اتجيبني
لحد ما نزلو الشركه وياهم بنات و رياجيل
اخذوهم بالسياره وطلعو
جريت نفس وشفت صخره كعدت عليها ايدي على گلبي احسه راح يوكع
اتقرب يمي رجال كبير بالعمر
/ شبيج بويه محتاجه شي مريضه مضيعه
/ لا عمو شكرا بس تعبانه شويه
راح للمحل الي قريب عليه جاب بطل مي وبسكت
مثل المخروعه اخذت بطل المي وظليت اشرب بشراها
الرجال ما سئلني بعد بس طلع فلوس من جيبه ونطاها اليه ما قبلت اخذهن اتشكرت منه وردت ادفع فلوس المي هم مقبل ياخذهن
ف سئلته عن الشرطه وهاي العالم شعدهم
كال هاي شقه دعاره و احد مبلغ عنهم اجت الدوريه اخذتهم
يعني اني لو ظاله شويه يمكن هسه وياهم الله ينتقم منك حسن
رحت امشي للبيت بالاول تاهت عليه الدرابين واصلا بعيد كلش عليه البيت يمكن ساعتين الا وصلت
دخلت للبيت فحطانه ما صدكت
اتلكاني حسن الكلب ضربني راشدي وملخني من شالي
اجه علي صار حاجز بيني وبينه دفعه
علي/ لك شبيك صبر خلي نفهم منها
حسن / شنفهم مثلا وين جنتي ولج احجي
/ جنت خاتله بعماره بمنطقه ....
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
