صراخات انثي

الخيانه

صرخات انثي
البارت الثالث والعشرون
الخيانه

الخيانه مش مجرد كلمه من ست حروف ولا مجرد كلمه عابره بتتقال الخيانه شيء سي جدا وصعب في نفس الوقت انك نكون مأمن لانسان ومسلمله روحك وقلبك ويخدعك او يتخلى عنك او يسيبك لوحدك في وسط الطريق والي قبلنا قالوها حكمه من امنك لم تخونه ولو كنت خاين مينفعش ان حد يديك الأمان وتخونه مهما كان ومش مغني الخيانه انك تخون شخص امنك بس لا الخيانه لها ااوجه كتير ومحصوره في عدم الوفاء بالعهد بأنك تخون الثقه الي انت خدتها ومكنتش قدها انك تفشي سر تبقى خاين انك تطلع أسرار بيتك تبقى خاين انك ما اقدرش حد حبك. تبقى خاين انك متصدقش حب شخص ليك تبقى خاين مش شرط ست تخون جوزها تبقى خاينه لان فعلا لو لقت الاهتمام ولقت الاحترام مش هتشوف حد غيره انا مش ببرر ان الست المتجوزه تعرف حد غير جوزها بس بدي عذر وربما يكون أقبح من ذنب بس لابد من اني اقوله وعشان كده لازم كل واحد فينا يحافظ على حبه يحافظ على سر اتقال ليه يحافظ على نفسه وعلى صحته لان هيجي اليوم الي هتخونك فيه صحتك وعافيتك وكمان الكلام احيانا بيخونك في التعبير عن مشاعرك والعشم بيخونك لما بتتعشم في حد والعشم ياخدك ويطلع في الاخر بلح او مجرد وهم بالنسبالك انت بس مش اكتر من كده ما تخونش حد ولو حتى خانك وفي اغنيه حبيتها جدا لاصاله بتقول
خنت كام مره هتقلي ولا مره طيب اخرج من جواك وشوفك مره من بره
انت مش قد الامانه دي الحقيقه ومش اهانه والسكوت ده دليل ادانه أقوى ميت مره خلصت كل الصبر كتر خيري جرب تعيش الدنيا دي من غيري وساعتها بس هتعرف ان الفرصه فاتت
و مستحيل ارجع لحد مشاعره ماتت و لو كلامي كان غلط ليه انت ساكت لو انت جد كنت مخلص ليا .. قولهالي ريحني مره واحده بس وجاوب علي سؤالي

الراقي..... صراخات انثي.... الخيانه

عاوزه تعرفي أدهم يبقى مين ياورد
انا
اه انتي
بصراحه ايوه
طب ليه
محتاجه اعرف مين أدهم ده وليه بينكم مشاكل
انتي معجبه بيه
انت بتقول ايه
بقول الي شوفته في عنيكي
متقلقش الطرابيزه عليا عاوز تقول مين هو قول مش عاوز ما تقولش
وفضولك الي قاتلك هتقوليلي ايه
لو على فضولي هعرف الي عوزاه بمزاجي وفي الوقت الي عاوزه اعرف فيه
عارف َده كويس ومتاكد منه
كويس انك عارف
عارفه أدهم ده يبقى مين
هااا
أدهم يبقى.......
رن تليفون وليد وملحقش يقول لورد أدهم يبقى مين واول ما تليفونه رن ورد عليه وشه جاب الوان وخرج على طول بدون نقاش او كلام خالص بصت ورد ولوكا من الشباك لقوه اخد عربيته واتحرك بسرعه
لوكا
نعم ياورد
هو مين الي كلمه ونزله بسرعه ليه
مادري
انا مش فاهمه في ايه
ولا انا والله مادري ايش الي بيصير
الي يصير يصير يالوكا