قلبي بيدهِ

بارت 33

مبحر بك ، ولا ادري الى اين سترسي سفن شوقي اليك 🤍

jwhrltm

اماني : كعدت على صوت امي واصوات ثانيه وياها

كعدت مستغربه كبل طفرت جوة نسيت اليوم عقدي نزلت واني حاطه ايدي على كَلبي خفت اكو شي انزل بالدرج بايتين بايتين وكفشتي وراي ههههاي عبالك ساحره

طبيت المطبخ جفت بدون لا سلام ولا كلام

باوعت امي ترحب بمريم وامها وخواتها وهنه صافنات عليه وعلى منظري

يبووووو شكد فشله طلعتلهن بهيج منظر
هنا صدك لازم اعمل حالي ميته هههه

رسل : هااا دعبول شسالفه الكفشه والملابس شلونها شبيج بنتي
اكو واحد يلبس فالينه التراك بالمكلوب

اماني : انتبهت صدك لابستها بالمكلوب ويمكن ما حاسه على نفسي يبوووووو

بوخت من الفشله ياربي ارحمني شهل موقف

مريم كالتلهم خطيه عروس وبالها الف شغله اداركت الموضوع مريم بسرعه واخذتني

مريم : وللجج فضحتينا كلنا راح تعرسين بس مو هيج

ويننن غرفتج بسرعهه

اماني : من الفشله ماحجيت ولا كلمه بس اأشر بيدي هههه شلون موقف شلون انزل وسلم وربي فشله

صعدتني مريم لغرفتي وهي كل شويه تغم بيه على موقفي هذا

-يولي كافي ترة لحاله ضميري مأنبني على نفسي كتلج عبالي اكو شي ونزلت مادري بنفسي

مريم : من كبر الي يكبرج كولي آمين يعني بالة مسويلج مفاجأه او اكو تصوير ماتعرفين ترتبين نفسج قبل لا تنزلين للمواقف الحرجه

اماني : اني كل يوم وربي قبل لا انزل ارتب نفسي بس حضي بعد سوة بيه هيج حتى انحط بهذا الموقف انوب كدام امج وخواتج يبووووو

مريم : باوعالتها بطرف عيني اي عيني صدكتج دمشي دمشي كدامي يلا مشطي هل عطوب

اماني : طببتني مريم وفتحت كنتوري ويه ما هي جاي تفتح الكنتور تكومن الملابس بوجها ووكعت وياهن

-اني هنا تذبحوني ما تلكون بيه قطره دم من الفشله بووووويه يلفشله

مريم : يولللللليييييي شنو هل جيفه هاي

هاي صدك تحجين زعم راح تصير راعيه بيت بعد طي*ي

اماني : يولي مو التهيت ونسيت كل هاي الامور

مريم : لا حياتي ميجوز هذا الحجي غرفتج لازم تكون مرتبه ٢٤ ساعه شنو هل بهذلة هاي

-هاي قبل امي تعلمني من نريد نطلع لمكان تنظف البيت كله براسي اني وخواتي وابسط الشغلات تكول اريده مرتب من اسئلها تكول نرجع وفجئه واحنه بعدنا تتونا يجفتنا خطار اقل شي البيت نظيف نطلع ويصير بينا حادث يجون العالم تشوف بيتنا يشعلونا واحنه بكبورنا وو وو ووو كومه حجي