قلبي بيدهِ

بارت 34

لشخص أحبه:
‏"أستطيع ان اعترف لك ان صوتك و ضحكتك ورسائلك و أحاديثك ما زالت تحتل كل ذرة في روحي ، و لا يوجد في قلبي شيء سوى أسمك و أنت كل ما يتعلق فيك ، لا شيء يستطيع ان ينزعك مني او يقلل من حجم حبي لك ، ستبقى دائماً وأبداً الجزء الأجمل في قلبي وفي حياتي .💜"

jwhrltm

اماني : اباوع على مريم ومريم تأشرلي بيدها على الباب باوعت على الباب

هذا مصطفى واكف وصافن بيه يتمعن كل ملامحي جان لابس قاط رصاصي يموت عليه طالع يملخ والشعر مرتب ومرفوع والترتيب ياربي

بسرعه بدون حتى ما الحك استوعب شوكت اجه او شوكت طب وليش محد هلهل من طب

حضني ورفعني بالهوة وكفختني ريحه عطره بأثناء هاي اللحظه صدك حسيت نفسي اميرة تمنيت هاي اللحظات ابد متخلص

نزلني ببطء للكاع حضني دفن وجهي بصدره رجع باسني على جبهتي وكتفي

بدت كلمات الأغنيه الي شغلتها مريم بالبداية وجانت الاجواء كلش رومانسيه

اني معرف اركص سلو بس ويه مصطفى بكل حركه وياه وياه اخذني الواهس وعبالك ماهرة ومحترفه هذا الشي

اباوع بعيون مصطفى الي مانزلن ثانيه عني اباوع واشوف لمعت حبه الي بيهن من سنين اشوفهن وجنت معرف افسرهن مااختفت هاي اللمعه ابد ولا يوم ولا بالايام الي جنت احجيله بحبي لحسام بالعكس اشوف لعمت حبه تكبر ماتصغر

لزمني مصطفى من اطراف اصابعي وفرني من وكفت بحركه بسيطه منه اندفعت بعيد عنه ورجع جرني عليه التفيت حول اديه وصار ضهري على صدره وضلينا نركص بطيء

حسيت كل عيون النسوان علينا عبالك يردن ياكلنا بس مهتمين ماحبيت اضيع اي لحظه من هيج لحظات ثمينه

كانت كلمات الاغنيه متربعه بنص كَلبي تمنيت الساعه توكف بهيج لحظه

سمعني نبضك
دفيني بنار حضنك

ابيك الليلة وحدك
اليهههه تكوون

كرب عليه
حس النار الي فيا
خلي ايدك بأديا

خليي نلف الكون

دقائق ولا بالاحلام جنت احلم بخطوبه ملكيه واعيش حياة الاميرات بس ماعتقد تصير صدك حقق احلامي مصطفى وهذا الحلم جنت اكول مستحيل يصير

للحضات توقفت الاغنيه جان وجهي بوجه مصطفى حاوطت اديه وجهي وباسني بخدي وعلكت الهلاهل

وكلها تصيح بعد وكت على البوسات
اشو هذا نزع سترته وحطها فوكانه

مصطفى : مستعده لاول بوسه ياملاكي