مذكرات قاصر

الجزء 9

"‏أكرهك لأنك جعلتني أبكي بصوت مخفي
خوف من أن يسمعني شامت
رددت له كثيرًا بأنك مختلف."💔😔

حسيت بدوخه و راسي ثكل ضليت منتجيه عالمغسله
اعصابي تلفت
جريت جنطتي و طلعت
امشي سريع والدنيا تفتر بيه
قررت احجي كلشي لزياد وشيصير يصير
مضلت عندي اعصاب تتحمل
خايفه من رده فعله
بس لازم احجي
وصلت لباب غرفته دكيت الباب

كال تفضل

فتحت الباب ودخلت

كتله : عندك شغل اريد احجي وياك ؟

- المشغول يفرغلج تعالي

طبيت امشي ع كيفي عيني مغوشه الكرسي اشوفه 4
الحياطين تصير سود و ترجع بيضه

- زياد اني .. احنه لازم نحجي

كام ديجي عليه : بيج شي ؟ اسيل اسيل

سمعت اسمي وغلبت الدنيا

احس بس احد يحطني عالكرسي و يضرب ع وجهي

لما اندار شي عليه كدرت افتح عيني

- زياد

- ضغطج نزل اروح اجيبلج شي تشربي

- اوكف لازم نحجي

كعد كدامي عالطبله الخوف ماكله عليه

- شبيج حبيبتي اول مره اشوفج بهالحاله