قريب يصير المغرب يعني العصر كلش
علي / كومي مينا خلي انروح الضياء ليظل يسئل
واذا مفتقدنه كوليله اي شي لان استراحة الغده ما رحنه
/ يعني مثلا شنو اكوله وين رحنه
/ اووف مينا كوليله علي عزمني يله امشي
معرف شبي علي ليش اتغير بهاي السرعه يعني حتى لو متوترين من يمته هو هيج يعاملني
اخذ الذهب ولفه بالشال الجديد وسوه اليه مثل الحزام
رحت شديته على بطني من جوه العبايه بحيث ميبين صار حزام اليه
عدلت ملابس وطلعنه
/ مشي لعد ليش مو بالسياره
علي / السياره خطره منكدر انطلعها عموما بس هذا الشارع وره ندخل بالعام نصعد تكسي
مشينه مسافه جانت طينه ولعبان نفس وكوه امشي
طلعنه من بين الزرع وصلنه على شارع ترابي وشفنه سيارة شرطه والشرطه ثنين نازلين منها واكفين يسولفون منتجين عليها
علي عصر ايدي حيل
باوعتله هز راسه يطمني واخذني وكملنه
رفع ايده سلم وهمه ردو السلام
سئله الشرطي شكو هنا عدكم بالكطعه
علي / معدنه شي بس المره حبت نفتر بالزرعات وبيتنه قريب جبتها
شرطي / اها الله يخليها الك انزين هم شفتو احد مر عليكم او سياره اشتبهتو عليها
علي / لا اخي احنه هنا كعدنه بالطرف ما شفنخ احد اترخص و مشيه
بس جان كوه مسيطر على نفسه
مشينه مسافه فر وجها يباوع عليه سمعته كفر
/ شكو شبيك
/ لج الشرطي بعده يباوع علينه ديري بالج لا تلتفتين
بس خلي نعبر هذا الترابي نوصل للتبليط خفي رجلج شويه
مشينه مسافه هم سوه نفسه ديسولف وياي كال لج الشرطي ديمشي ورانه
رجليه ماتت كلت هاي هيه انلزمنه
وكف علي شويه راح جاب عصل وخط بالارض
وتقرب يمي تعالي انسوي روحنه عود دنتسابق و اريدج تركضين باسرع ما عندج
/ علي ما اكدر والله جسمي كله يرجف
/ ميخالف مينا بس خلي نوصل للتبليط
لزم ايدي و وكفنه على الخط وبدينه نركض وفعلا بديناها شلون عود سباق
ركضنه الي ان وصلنه للشارع العام وكفنه وظلينه نمشي وعبرنا وصرنه بين السيارات جان شويه ازدحام وهالشي فادنه
مسافه والتفتت شفت الشرطي واكف بعيد
/ علي تتوقع شاك بينه
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
