روارة #سم الافاعي

الحلقة الأولى

رواية #سم_الافاعي1 ( المقدمة ):- 🐍💉

للكاتب : #حسن_الجامعي

( البداية )

🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥

مايا : لما تكوني انتي مرأة بحد ذاتك قوية و بشهادتك اللي رح تأمني بيها مستقبلك رح تكوني فعلا مرأة قوية ، باش لما تطلقي او اهلك تفقديهم او يصيرلك اي شي مفجئ تلقي باش تسندي روحك بروحك ومتعتمديش على ولا مخلوق سوا كان راجل او غيييره ، لأن ببساطه هي هكي الدنيا تعلمك هلبا حجات ولما تتعلمي وتاخدي الكف اللي عطيتهولك الدنيا انتي بلغي اي بنت ماشيه على طريق الغلط اللي انتي كنت ماشية بيه باش ميصيرلهاش زي ما صارلك ولو مخدتش النصيحه متعك مالا خلييي الدنيا تعطيها كف باش تتعلم...!

اسمي مايا مواليد 95 مش متزوجة ورح تعرفو السبب قريب... تقريبا أهلي امي و بوي توفو في حادث سيارة من لما كان عمري 6 سنين بعد ما توفو خدتني خالتي ربتني وبعد ما وصل عمري 12 حتى خالتي توفت وقعدت برووحي ف محد سمع ان خالتي ماتت وقعدت برووحي...لأنها خالتي الوحيده و جارتنا متعرفش اي حد من عيلتي ف خدتني وحطتني في دار الرعاية ( دار الأيتام ) ومشت وخلتني نواجه الدنيا بروحي💔...!

______________________

سحر : صعبه هلبا لما يكونو عيلتك امك و بوك وخوتك وخالاتك وخوالك وعمامك و عماتك عايشين بس ميهتموش لحياتك و امرك وتربيتك من وانت صغير وخاصة الأم و الأب ، تقعدي مستغربة وواقفه تقولي كيف الناس هذه ماليهم مربينهم ومهتمين بيهم و يدلعو فييهم ، تقوولي كييف اني شن الفرق اللي بيني وبينهم ماهم بشر زيني زيهم💔؟...تقعدي تفكري وتسألي روحك مليون مرة ليييش اني طحت في عيلة زي هذه...فعلا الدنيا اهيا مفيهاش واحد طيب مفيهاش واحد كامل والكمال لله طبعا ، بس ديما يقولو مفيش حد يخاف عليك اكتر من امك و بوك لالالالا القصد ان مفيش حد يخاف عليك اساسا في الدنيا هذه...في هلبا ناس قاعدين يقرو في كلامي هذه ومش مقتنعين ، فعلا معاكم حق لأن مش امي زي امهاتكم ، امي وبوي يختلفو علي ماليكم ب هلبااااااا💔💔...!

اسمي سحر مواليد 96 وطبعا مش متزوجة ولا مخطوبة ولا حتى مرت من قدامي😂...اول ما خلقت ربتني حناي وطبعا امي اول ما جابتني حطتني عند حناي ومن بعدها قالت هوووب معاش جت ولا شافتني حناي كبرتني وبدت تهتم بيا وتربي فيا لعند ما وصل عمري 10 سنوات بعدها توفت💔...ومن يومها قعدت ملطشة للناس زي الكورة بضبط كل مرة عند واحد ، لا امي وبوي يبو ياخدوني ولا خوالي ولا عمامي وكل واحد فيهم يتهرب ان يخليني عنده...يا ناس اني بنتكم💔...تنوضو تحطوني في دار الرعاية اللي هي ( دار الايتام ) وتزوز شهادة الوفاة على اساس الأم و الاب ميتين😨💔...؟؟؟؟؟

🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥