ظليت فتره بمكاني كاعده و صافنه وجه المره خربط احوالي
حسيت احد واكف فوك راسي باوعت شفته نفس الرجال الي نزلها من السياره
/ محتاجه شي اختي بيج شي تردين اوصلج مكان
محجيت ويا بس هزيت راسي بلا عيوني دمعت من وحدهن شبيه اني شديصير وياي
عدلت شالي وكضيت الحايط و وكفت
مشيت شويه بعده واكف بمكانه درت وجهي اباوعله وماشف كدامي شكو عثرت صاح الله الله
واجه يمي
يتوسل يوصلني او اذا محتاجه شي اكوله اتشكرت منه وكملت طريقي
عيني ظلت ادوره راح صعد سيارته ومشه بيها ظليت اباوع علي
ضعت من نفسي بهاي الدقائق الي مرت
بالاخير صعدت سياره وصلتني البيت ام سلول نزلت بالفرع اراقب اذا اكو احد وافكر شلون راح ادخل للبيت بدون متشوفني
واني دامشي صارت بوجهي غيداء اعووذ بالله من شوفتها
غيداء / يا عيني عاش من شافج وين جنتي وشهالكشخه
/ هلا بغيداء اتخبلين صايره لا كشخه ولا شي هاي الناس الي تشتغل عدهم فاطمه ناطيها ملابس واني اخذتهن
ظلت اتفر بيه يسره يمنه
/ اي خوش والله يساعدون العالم اكول مينا متعرفين شخبار حسوني صار اهواي ممار علينه
/ معرف ام سلوان كالت عنده شغل محافظات
طكتها ضحكه وهزت بيدها وراحت
كبر الهلشكل
دفعت الباب علي كيف ودخلت مموجوده المعثره
بسرعه رحت للغرفه
هجمت عليه رشا
/ وين جنتي مينا ليش اتسوين بيه هالشي ليش اتحطميني
دفعتها مني
/ وخري رشا شنو حطمتج ليش خايفه ينكر الطفل لو ميتزوجج
فاطمه / هدن بنات لحد يسمعنه
/ متشوفيها فوك مرايحه اجيبلها لو جزء من حقها باعي مراضيه
رشا / محد طلب منج اعرفج خايفه عليه مينا اني هم خايفه عليج وعليه وعلينه كلنه يقلعونه قلع
/ بس سكتي وبطلي خوف يصير خير
ام سلول وين
فاطمه / مندري اخذت الصغيره وطلعت ووصتنه نقفل الباب ومنطلع لاحد
/ وخوش سامعات نصيحتها وقافلات الباب
هزيت بيدي ورحت كعدت افتح الشال رجع وجه المره بعيني
/ مينا شبيج مو دنحجي وياج
/ ها شكو ممنتبها شنو حجيتو
فاطمه / شنو سويتي من رحتي
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
