قصص عراقيه قصيرة

سجينتي .12.

ضَع كـفك فوق خَافقك وأشعر بي أنا هُنا لِأجلك

.......

قراءة ممتعه للجميع

......

مرت الأيام .وهو يوميا يجي يحجيلي اني اكتفي بلسكوت مااجاوبه لهذا ياخذ راحته
ويحجي شنو مضوجه وبعدين يطلع ..

اخر مرة اسمعهم تعاركو هو ورحاب اصواتهم كلبت البيت . وجان هو كلش عصبي ويكسر ويصيح
اني من يمي ضليت ارجف شلون صلفه هلرحاب ترادد وتعاند .. .شلون هيج تكدر تحجي بثقه تمنيت تصير هيج شخصيتي
اخر شي طلع وضرب الباب وراة صعد اني شفته وركضت لغرفتي وسديت الباب لحضات وانفتح الباب .. جان
وجها احمر وعيونه همين .. يتنفس بعصبيه
ضل يفتر بلغرفة رايح راجع واني كاعدة علئ الجربايه .. انقهرت عليه موعيشه هاي
واحد يوميا مشاكل ضغوطات نفسيه

حيل انقهرت عليه مبين عليه التعب كتله تعال اكعد واحجيلي شبيك

اجه وكعد يمي .. رحت جبتله كلاص مي بارد دفعه بايده ماريد
قربته عليه مرة ثانيه رفع حاجبه بخزرة
فهمت منه انتي هم تعاندين

اشرب شويه ترتاح .. عرفت ضغطه صعد من عيونه الحمر ..

اخذ الكلاص وشربه .. كله جرعه وحده .. وانطانياه ..فتح دكم قميصه . ونزعه ورد اختنكت منه. تمدد علئ الجربايه . واني كاعده
درت وجهي منه من نزع القميص وبقه بلفالينه الداخليه خله ايده علئ عيونه وبقه يحجيلي

احساس بداخلي يأنبي لان اني اعتبر زوجتة علئ سنة الله ورسولة وباجر اتعاقب

خليت اصابعي بشعرة وضليت احرك بي
بلمسات خفيفه . هو مستغرب مني .. ولااعترض بلعكس .. حسيته هدء وارتخت أعصابه ..

همستله بصوت ناصي حيل ..
ترى كل مرة من تشوف رجلها يريد يروح.منها تتخبل .ومتعرف شلون تتصرف لهيج تضل تخلق المشاكل حتئ .. يرجعلها بس متعرف بلمشاكل يبتعد عنها .. والأمومة من حقها ... يمكن تريد تفرح بلطفل .. وتعتقد راح تلزمك بلطفل ..
بس انطيها فرصه وسوي الي تريدة .. عسى ولعل
الله يصلح.بينكم.باوعت عليه .. شفته نام .. كلت يمكن بس مغمض عيونه . سكتت . وبقيت مستمرة .. احرك بشعرة اني دخت كد ما حجيت.
علساس صايرة مصلحه اجتماعيه وهو فشلني نام وعافني الغي بحدي
حطيت راسي علئ الجربايه ونمت

.........

كرم فزيت من نومتي .. حشه مو نومه عبالك.جنت بغيبوبه .. باوعت تالين لازمة أيدي
يالله شكد بريئه هلبنيه ..
اتذكرت شلون تنصحني علمود رحاب .. سحبت ايدي بهدوء تحركت ونامت علئ ضهرها ..
صدرها طالع .شنو هلبنيه مشايفه الشمس
غطيتها بلجرجف تجرئت وبست خدها وطلعت ..