ادمنت حدة عينيه

بارت 35

ولو جاسك مرض اسكت
المكان اليوجعك يوجعني لا تسأل
انا حسيتك مفضلني عالباقين
من اول ما جرحتك ما رحت للناس
تجي تشكيلي من تزعل

*****************************

فاتنه ـ دمعت عيوني
وخر مني وخررررر ايدك

نترت ايدي منه شفت ماكو سيارات عبرت وصلت قريب الشقه شفت بابا وعمو واثق يمشون
مشيت سريع ودخلت للمصعد طلعت مفتاح الشقه وصلت فتحت الباب ودخلت گبل قفلت الباب ورحت ذبيت ملابسي كلهن طشرتهن بالغرفه اخذت منشفه والروب ودخلت للحمام

واثق ـ نائل شبيهه فتون
نائل ـ هيج خبالات هسه تهدأ
رحت وراهه بس صوت المي وصوت بجيهه دگيت الباب

كافي يله اطلعي فتون
فاتنه ـ ما عليك بيه رووووح
نائل ـ فتونه حبيبي يله كافي اطلعي خلي اشوف بله شبيج
فاتنه ـ ما عليك بيه انته ما تسمع اصرخ يعني حتى تسمعني
احجي وابجي
روح ما اريدك روح خلي حيونتك تفيدك روح
نائل ـ فتون كافي يله اطلعي وخلينه نتفاهم يله
فاتنه ـ ما اطلع خليني هيج
نائل ـ براحتج

باوعت لايدي لهسه ترجف سديتهه وفتحتهه كم مره والرجفه بعدهه تخيلت شلون السياره تدعمهه روحي راحت
شلون لو لا سامح الله لو صار بيهه شي ما اسامح نفسي والله بقيت گاعد ومنتظرهه تطلع لما طلعت العيون وارمه من البجي والخشم احمر گمت يمهه

تعالي
فاتنه ـ وخرررر ايدك ما اسمحلك بعد تلزمني خوووش
عفته واخذت ملابسي لبست تراك ونشفت شعري طلعت للمطبخ اخذت تفاحه
وگعدت اوخر بالگشور واثرم بيهه ناعم سويت سلطة فواكه وگعدت اكل

ما يهمني بعد خلي يريد يتزوج براحته
اني صحتي على گدي هسه طالعه من حلك الموت
شفته دخل للمطبخ بقيت اكل واتصفح بالتلفون ما اهتميت لوجوده اصلا

نائل ـ فتون خلينه نحجي شوي شبييييج شنو هاي تصرفاتج
فاتنه ـ ما الي حجايه وياك
اخذت الكاسه غسلتهه ونشفتهه جرني من ايدي
نائل ـ جاي احجي وياج شلون بيج لو داعمتج السياره ها انتي ما تفكرين هذا راسج ما بي عقل
فاتنه ـ مخليه العقل الك وخر ايدك يله
نائل ـ امشي گدامي نتفاهم بالغرفه مو هنا
فاتنه ـ ليش خاف يعرفون بسوالفك وتصرفاتك
نائل ـ فتوووون امشي يله

جريتهه من ايدهه دخلتهه للغرفه وسديت الباب
احجي شبيج
فاتنه ـ ما بيه شي وبعدين اذا هيج لهالدرجه محتاج مره بحياتك ما امنعك صح انته تعذبت وياي اذا تريد تتزوج براحتك ما عندي مشكله تزوج
تمددت وغطيت راسي جرت عيوني
نائل ـ شنو محتاج مره شنو تعذبت وياي شبيج ارفعي الغطا بله جاي نحجي مثل الاوادم
فاتنه ـ نائل فدوه خليني انام تعبانه وما الي خلگ شي خليني ارتاح
نائل ـ براحتج ارتاحي ويصير خير

اخذت الكوت لبسته وطلعت رجعت للحديقه اتمشى بيهه
معقوله ضاجت لان هيج حجيت وياهه
يمكن تماديت وياهه اكثر من اللازم بس جنت اشاقيهه
رن تلفوني