#9

8 6 1

by airmosaa

by airmosaa

nasa isang sulok, naka-upo at mag-isa
ngunit walang bahid ng lungot na nadarama
hawak ang librong binabasa
ninanamnam ang bawat salita

mga libro na sa akin ay nagpapangiti
pero minsan dulot din ay pighati
iba‘t-ibang emosyon naka-ukit sa aking labi
mga librong binabasa ang sanhi

tila ito ang nagiging takbuhan
sa mga oras na ito‘y kailangan
katulad ng isang kaibigan
na handa kang damayan

hindi lamang mga letra at salitang matatalinhaga
iba‘t-ibang kaalaman iyo ring makikita
may mga aral na sinasabuhay ang bawat pahina
may mabubuting naidulot sa mambabasa ang bawat akda.

- airmosa