Unicode
" ကောင်းပြီ၊ ဒီမှော်ကြာပန်းကို မြန်မြန်ယူလိုက်ရအောင်။ ဒီကြာပန်းကြောင့်သာမဟုတ်ရင် ဒီမိန်းမနဲ့ထိပ်တိုက်တွေ့စရာ မလိုဘူး။ " ဟု ဦးဆောင်လာသူ အနက်ရောင်ဝတ်အမျိုးသားက အားကိုးရာမဲ့စွာပြောလိုက်သည်။
" ဟမ့်! ဘာဖြစ်လဲ?! နယ်စားမိသားစုရဲ့ အမှတ်အသားကို အားကိုးပြီးတော့ သူက ငါတို့ကို ပေးစေချင်နေတယ်။ " မျက်ခုံးမွှေးထူတဲ့လူက မကျေမနပ်ဖြစ်စွာပြောလိုက်သည်။
" နယ်စားရဲ့အိမ်သူအိမ်သားတွေက ဂုဏ်သိက္ခာနဲ့ ဖြောင့်မတ်ခြင်းအကြောင်းကို အမြဲပြောနေကြပေမယ့် တကယ်တော့ သူတို့က အရှက်မရှိဆုံးသူတွေပဲ။ "
" ဒီလိုပြိုင်ပွဲမျိုးကျင်းပတော့ လူဘယ်လောက်တောင်သေကျေနေမှန်း မသိဘူး။ "
" ကောင်းပြီ မင်းဘာတွေအများကြီးပြောနေသေးတာလဲ? ချီကျင့်ကြံမှု သတ္တမအဆင့်ကို တက်ရောက်ဖို့အတွက် ကြာပန်းကိုယူကြရအောင်။ " ခေါင်းဆောင်က စိတ်မရှည်စွာပြောသည်။
" အစ်ကို၊ ငါသွားယူလိုက်မယ်။ " မျက်ခုံးမွှေးထူသောအမျိုးသားက စိတ်အားထက်သန်စွာ ပြောလိုက်သည်။
ဦးဆောင်လာသူအနက်ရောင်ဝတ်လူက ခေါင်းညိတ်ပြသည်။ မျက်ခုံးမွှေးထူထူရှိသော အမျိုးသားသည် ရေထဲသို့ စိတ်အားထက်သန်စွာဆင်းလိုက်ကာ ကြာပန်းအနီးသို့ ချဉ်းကပ်ခါနီးတွင် ဖိအားကြီးတစ်ခုရောက်လာပြီး " အစ်ကိုကြီး၊ ကယ်ပါဦး... " ထိုလူက စကားမဆုံးခင် တစ်ခါတည်းတွင် မျိုချခံလိုက်ရသည်။
ရုတ်တရက် မတော်တဆမှုကြောင့် ကမ်းပေါ်ရှိလူနှစ်ဦးကို ထိတ်လန့်စေခဲ့ရုံသာမက အခြေအနေကို သစ်ပင်ပေါ်မှကြည့်နေသော ရှောင်ကျင့်ထျင်၏နှလုံးသားလည်း တုန်လှုပ်သွားခဲ့သည်။
" မှင်နက်မြွေ။ "
ရှောင်ကျင့်ထျင်သည် ညီအကိုသုံးယောက် ရုတ်တရက်ပြန်လာမည်ကို စိုးရိမ်သောကြောင့် မှော်ကြာပန်းကို သွားယူရန်လှုပ်ရှားခြင်းမပြုသည့်အတွက် တိတ်တဆိတ်ဝမ်းသာသွားမိသည်။ တကယ်လို့ သူသာစောစောက လှုပ်ရှားခဲ့မယ်ဆိုရင် အခုမြွေဗိုက်ထဲကလူမှာ သူဖြစ်သွားလိမ့်မည်။
VOCÊ ESTÁ LENDO
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
EspiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
