سلسله "ذكريات" 💙

« 3 »

_ فاكر الصوره دى...دى لما اتقابلنا اول مره
Flash
_ لو سمحت عايزه كتاب لا تحزن
_ هتلاقيه ف الرف الى هناك ده
_ تمام شكرا
رحت وطلعت الكتاب من الرف وقعد اقرأه بهدوء
_ لو سمحتى ممكن اقعد هنا..عشان زى ما انتى شايفة المكان مزدحم
بصيت حوليا لقيت فعلا مافيش مكان ليه عشان أساسا المكتبه صغيره
قولت وانا برجع نظرى للكتاب منغير ما ابصله
_ تمام اتفضل
_ متشكر
عدى وقت ولقيته قام...قومت بعديه بشويه وقبل ما امشى لقيت حاجه على الكرسى إلى كان قاعد عليه...قربت شويه لقيت محفظته!!
_ يوووه بئا وانا اوصلهاله ازاى دى
اخد المحفظه وودتها للأمنات إلى فى المكان ومشيت...
Back
بضحك _ اهه افتكرت افتكرت دا انا زعلت جدا ع المحفظه افتكرتك هتسرقيها
_ هااااار  موف اسرقها
_ بهزر ياستى
_ طب فاكر الصوره دى..دى بئا لما اتقابلنا ف القطر
_ ياربى كان شكلك مسخره وانتى داهيه
بغضب _ نحترم نفسنا
Flash
بتوتر_ هوا هوا محطه اسكندريه هتوصل امتى
_ بعد نص ساعه ..ايدا هوا انتى!!
_ انت تعرفنى
_ اهه قابلتك قبل كدا فى المكتبه فاكره
بتذكر_ ايوه ايوه...لما نسيت محفظتك
بإبتسامه _ شكرا ع انك وتديها الامانات ومسبتيهاش كان حد سرقها
_ مبدأ انا معملتش حاجه..ثانيا محدش هيبقى داخل مكتبه يقرأ كتاب أو يشترى كتاب ولما يلاقى حاجه يسرقها...إلى بيقرأو دول أو بيحبوا القرائه تلاقيهم مثقفين وعلمهم أغنى من اى فلوس
_ عندك حق المهم انتى رايحه ل اسكندرية زياره ولا إقامه
_ رايحه عند جدتى أزورها واقدى معاها الاجازه بقالى كتير مرحتلهاش
_ زياره سعيده...علفكره انا كمان رايح اسكندرية
Back
قولت وانا بتعدل وبنام ع كتفه _ ولا دى بئااا دى لما اتقابلنا ع بحر اسكندريه
Flash
كنت قاعده ع البحر لابسه فستان أزرق بلون البحر وخمار ابيض بلون السحاب كنت سانده بإيدى ع الرملة وسرحانه ف منظر الغروب
_ انتي تانييي
_ خضتنى ياعم الله
بإبتسامه_ عامله اى
_ بخير الحمد لله
_ وجدتك عامله اى
_ بتسلم عليك
_ طاااايب تسمحيلى اقعد ولا اى
_ ما انت قعد خلاص
_ ماشى يا ستى... الا صحيح انا معرفش اسمك لحد الان
_اسمى ضى
_ وانا بقول النور بيشعشع كدا لى اتااااارى
_ بى اى
_ بيشعشع
_ بيشعشع
_ اهه
_ ودى معناها اى
_ بيشعشع يعني....يعنى بصى لما تكبرى هقولك
_ لاء ورخم كمان
_ اومال
_ طب عن اذنك بئا ياعم يبتاع مشعشع انت
_ مش عايزه تعرفى اسمى
قولت وانا ببص للسماء_ سيبه للنجوم وهيه هتبقى تقولى
Back
غمزلى وقال _ مكنتش اعرف انك بتحبى النجوم
_ يابنى انا أسمى ضى يعنى طبيعى أبقى بحب السما والنجوم..مسكت ايده وكملت وانا بغنى اغنيه ام كلثوم
_ ونجومه وقمره وقمره وسهره وانت وانا يا حبيبى انا ياحياتى انا
Flash
"يلا نعيش في عيون الليل...يلا نعيش في عيون الليل ونقول للشمس تعالى تعالى "

مسكت الفون وكتبت post ع الفيس شويه وجاتلى رساله فتحت 
_ معلش ثوانى كدا فتى أحلامك عايزاه يجى ع إى
كتبت بتلقائيه_ مقشه
_ مقشه!!
_اهه عندك مانع
_ استنى افوق من صدمتى وارجعلك
_ خد راحتك يا بروو
Back
بضحك _ ينهاااااراااااى ولا اليوم ده لما كتبتى أن نفسك فتى أحلامك يجى بمقشه وياخدك وراه
_ يابنى والله طلع فى دماغى اكتب الجمله دى مش عارفه لى
_ طب استنى كدا شوفى الصوره دى...لما اتقدمتلك
_ ياخلاااثى كان شكلك كيوت اوى ومحرج كده كأنك العروسه
مسكنى من قفايه ورفعنى شويه
_ بتقولى حاجه
_ بقولك كنت أحلى من العروسه
نزلنى _ اممم كنت احسب
_ احسب بعيد عنى انا مبحبش الرياضه
Flash
_ ايوه يعنى مين الى متقدملى
_ دا شاب الله وأكبر عليه زى الورد
_ خلاص ياماما روحى حطيه ف زهريه
مسكت فرده الشبشب _ بت هطربك وقومى البسى يلا زمانه جاى
_ ماشيي
.....
دخلت الصالون وفضلت ابص ف كل أنحاء الاوضه إلا هوا..بس ايدا اى بوكيه الورد الجميل ده استنوا لما أعد فيه كام ورده
بعد شويه
_ هه كام ورده
قولت بتلقائيه_ 120 ورده
_ لاء غلط 90 ورده حمره و30 ورده بيضه
ايدا الصوت ده مش غريب عليا رفعت عينى لقيته..فتى المحفظهههه
_ فتي اييي
ايدا واضح ان صوتى كان عالى شويه
_ احممم انت بتعمل اى هنا
_ جى اطلب ايدك دا لو انتى مش عايزاها
_ لاء خودها عشان ماما متقوليش اغسلى المواعين تانى
_ منا هاخدها بس عشان تغسلى المواعين بيها ف بتنا
سند ايدى ع خدى _ بتنا
عمل زى وقال _ اهه بتنا
_ وتجبلى كتب كتير
_ وجبلك كتب كتير
_ وتغنيلى قبل ما انام يا بجور يا مولع حط الفحم
كان هيردد ورايا بس اخد باله من اسم الاغنيه
_ اغنيه اى يما
_ خلاص مش لازم
_ طب انا اسمى محمد
_ دا يا جمال اسم محمد يولا 
_ جمال مين!!!!
Back
_ بس صحيح يا محمد انت عرفت منين ان بوكيه الورد كان فيه 90 ورده حمره و30 بيضه
_ عشان انا إلى مختارهم بايدى
_ بجد
_ لعيونك كل الورد يا احلى ورده فى البستان

تمت
_ساره الماهر
_اسميتها _ضى _ للقمر
_من سلسله "ذكريات"