صدفة احببتك❤😍👍

3

5:00
ناضت منال صباح بكري ولا نقولوا ما رقدتش ڨاع بسك راهي فرحانة بالتحاقها بالجامعة او زيد في المدينة و راح تتعرف بناس. جدد
راحت توضات و دعات ربي و هبطت لتحت طيبت حليب وقهوة و زادت دارت السفنج (او الخفاف) و راحت توجد روحها حتى طبطب الباب
سعيد: صباح الخير بنتي
منال:  صباح الخير عمي
س=سعيد.      م=منال
س:  اه ه ه يا بنتي كبرتي و راح تروحي بعيدة عليا ربي ينجحك و يتحقق حلمك وتولي من افضل نساء الاعمال شهرة بربي كي اليوم(منال حبت تقرا ادارة اعمال)
م:(او هي تبكي) يعيشك عمي يعطيك صحا ربي يخليك ليا نشالله
س=(او هو يجبد رزمة دراهم من جيبو) هادو بنتي دراهم خلاهم المرحوم باباك ليك قبل مايموت عطاهم ليماك او كي حست بلي ربي قريب يدي امنتو مدتهوملي و نتي راكي وحيدة الغالي و خويا الوحيد او ليوم راهم ليك
م: يعطيك صحا عمي ربي يخليك ليا
س: يابنتي ما عليا غير نوصيك صوني روحك كي تروحي و كوني بنت ونص و عليها الكلامو رفعي راصنا بين العديان و حققي حلمك يابنتي
م=ما يكون غير  خاطرك يا عمي  و نكون طفلة ونص و عليها الكلام و نحقق حلمي و يقولو شوفو بنت سعيد ولات ناجحة!!
س=(قريب ما طاحت الدمعة من عينو) نشالله يابنتي راكي عزيزة عليا
منال باستلو راسو بمعزة و قاتلو=يعطيك صحا و قد ما نشكرك ما نوفيلك حقك راك في مقام بابا
س=(سعيد او هو يحاول يغير الجو) هههه هيا اجري خبي دراهم و اهبطي شربي حليب قبل  ما تجي ذهبية تاكلني بحوايجي
م= هههه صح هيا
هبطوا وكانو يهدرواو يضحكو خرجتلهم ذهبية من حيث لا تدري
منال=😯
ذهبية. خير الضحك مع صباح ربي🤨😾
سعيد=والو غير راني نوصي في بنتي منال
ذهبية=ايييييييببه😒باينة توصي ماو باينة تهبطلنا راسنا راهي مشتاقة و خايفة تبهدلنا
سعيد =راهي تربية يدي او نعرفها
ذهبية😤😤
هدا ڤاع و منال ساكتة
هبطو للتحت او ڨاع كانو لتم و بشرى لي قاعدة تخزر في بطلتنا بنظرة كلها حقد و كراهية هي و ختها او من جيهة صهيب متحصر من غياب محبوبتو و حبيبة قلبو
كانو قاعدين حتي نطق سعيد و قال: ايه حقا منال ليوم تروحي وحدك للمدينة سمحيلي عندي خدمة عيطلي لبارح عليها السيد ليوم نفريها
منال بصدمة=و انا كيفاه ندير ما نعرفش طريق  و المدينة غريبة عليا
قبل ما يهدر سعيد نطق صهيب: انا نوصلها عادي ليوم ما عندي والو
سعيد: ايه اوكي هو يديك مالا......... اه حقا نسيت بشرى!!!
ب: انعم بابا!!؟
س: اسمعي اعطي لمنال حاجة من قشك ليوم تروح بيه لاول نهار
بشرى بانفعال: كيفاااااااه مستحيل حوايحي ما نمدش تلبس حوايجها هيا
س: انا هدرت و هدرتي ما تتعاودش او اخر مرة ترفعي صوتك عليا راني متفهمك ما تزيديش عليها
ناض سعيد و تبعو صهيب يسنا في جارهم لي رايح للمدينة يديهم معاهم
بشرى:  😭😭 سرقتلي حلمي باش نروح للمدينة  و سرقتلي بابا ولا يعيط عليا و زيد نعطيلها حوايجي
ذهبية=خلاص بنتي ما تبكيش هيا خلاص او هي تعنق فيها وشرر ينطلق من عينيها
ذ: اوووف ونتي علاه راكي تشوفي يا وجه شر لي من نهار جيتي ونتي سباب بكا بناتي 👹👹
منال ناضت راحت لشمبرتها هي داخليا فرحانة و زعفانة في نفس الوقت فرحانة بسك راهي رايحة تتهنى من مرت عمها و بناتها و زعفانة منهم تان بسك ما درتلهم والو و يكرهوها(منال مع نفسها:هههه مزية راني رايحة سينو نحطلها سعدها في يدها مي نها ر لخر خليه يجوز نورمال) و قعدت تستنا في شمبرتها صهيب يجي.
بشرى: ماما دوك وش نعطيها للهم هاديك اووف
ذ: اعطيها حاجة قديمة و خلاص فكينا منها
حلت بشرى الخزانة عندها غير الحوايج الشابين بسك يماهم تشريلهم باش يلبسوهم برا باش تعجب واحد من ناس قماقم دشرة و تتزوجو
جبدت روب كحل طويل يوصل لتحت ركبة و يديه ديكوتي عندو كرفات بدونتال وسبتة(حزام) و جوب ديالو plisé(يعني فيه هادوك تدرجات كأنو محدد هكاك) هو في نظر بشرى ما شي شباب و قديم عندو قرون فالخزانة
بشرى: ها هاد لي مزال بقا من ثلث سنين هكاك و نشالله تولي حياتها كي لونو....  سارة اديهولها
سارة بتشناف علاه انا وش دخلني فيها😤
ذهبية: ساررة روحي
سارة😤😤😤اوكي و داتو
منال و هي في عالم الاحلام ديالها يتخبط الباب شافتها سارة  رماتلها الروب و راحت
منال:  شو. شو هادو عباد مزية حا نتهنا منهم و استغفرت
راحت لبست هاداك الروب و زادت مشطت شعرها خلاتو مطلوق و دارت مسكارا جات تهبل بلا مكياح ديجا زينها هبال. هبطت لتحت قاعدة معا عمها  حتى جا صهيب دخل 👀بهت في زين منال كلش سامبل مع الروب كحل يبين بيوضيتها مع انو الروب قديم الا انو عليها و كأنو جديد
او هو باهت في زينها نطق سعيد: واش صهيب مسعود واجد
ص: اه.. ه. اييه ايه.... هيا منال
س:  او هو يعيط لذهبية و بناتو... يا مرا تجيبي لبنات منال راهي رايحة ارواحو
جاو شافوها بهتو فيها هوما تان ما كانوش دايرين في بالهم حا تخرج شابة 
بشرى شدتها البكية راحت  من الغيرة تبعتها ختها و ذهبية لي قاعدة تشوف فيها و باهتة تشبه ليماها بطريقة العقل ما يستوعبهاش حنى انو ما انتابهتش لبنتها لي راحت تبكي
عانقت عمها و هي تبكي وهو يوصي فيها كي وصلت عند ذهبية قاتلها: راني رايحة خليني نسلم عليك
ذ: طريق السد تدي و ما ترد و تكون اخر مرة راحت و خلاتها
طاحت دمعة من عينيها ما كانتش تتصور تكرها لهادي درجة
سعيد: هيا بنتي اخطيك  منهم المهم نتي هيا تروحي
خرجت من دار او هي تخزر فيها راح ترجع او هي ناجحة
ومن جيهة صهيب لي قلبو مشوي عليها قريب يطيح يبكي عليها ركبو مع مسعود  و مشاو فطريق نحو المدينة و المستقبل المجهول

عند منال برك كتبت 917 كلمة نزيد عند عماد باش ما نظلمو حتى واحد

عند عماد♕
يمات عماد اسمها سليمة♡و باباه جمال

بعد ما جا عماد من عندصاحبو حوسو شوية و كل واحد راح لدار.  وصل عماد لدار فليل صاب يماه فصالون قاعدة و يبان عليها هم كبير في وجها
عماد او هو حاب يبدل الجو
ع: واش بيه زين وحدو
س: اهلا بيك وليدي
ع: وبيك زين  كي راكي
س: مليحة كي نشوف الغالي المليح
ع: ههههه الحمدالله يا ملكة كياني
س: هههه وليت ملكة كيانك ا سيدي!! 😉
ع: ايه باينة نتي يما ونتي الوحيدة
س: كي تتزوج تنساني تولي مرتك الٱولى
ع: جامي ديجا شكون قالك نتزوج تقعدي غير نتي
س: ههه غير تتزوج و تجرجك و تجيب دراري يملولي داري و يقولولي ماني
ع: هههههه زوجتيني خلاص
س: هادي سنة حيا ة
باسها من راسها وقال:  معزتك عندي ما يزعزعها واحد  و عنقها
دخل جمال و كلو جهامة
ج: هه راني نشوف فيكم فرحانين
ع: ايه علاه ماعجبكش الحال
ج: هه نو جوست حاب نهدر معاك
ع: مانهدرش معاك بصفتك شكون
ج: بالعياط ماشي مربي تهدر معايا هكا
سليمة شدت يد وليدها و قالتلو اهدر معاه بلاك كاش حاجة
عماد سكت اومبعد جمال قالو اسمع نهدر خطرة ماشي زوج العام هدا نسحقك تطلع ماشي تقعد في عامك لخر حابس فيه  لازم تكمل تشد الشركات دياولي هدا اخر انذار  هو راح وعماد خلاص كره هو لي دخلو بسيف عليه لهذا المجال لانو هو فالاساس ماحبش ادارة اعمال
راح لشمبرتو و جواجينوا طالعين و رقد
سليمة بقلة حيلة راحت لشمبرتها و رقدت

صباح  ناض عماد راح وجد روحو كلا سلم على يماه و خرج راكب طونوبيلتو  عيطلو معاذ
م: اهلا صاحبي راك جاي
ع: اهلين وي اني جاي
م: هههه يا محاينك ارواح تشوف البنات تاع ليسي الجدد ههه زلات 
ع: سلعة فشباب مال
م: غير هي
ع: هههه راني جاي
عماد وصل للجامعة دخل و البنات ڨاع يخزرو فيه بسك هو كاريزما و شخصية و زل بزاف و زيد عندو دراهم هادوا كامل يرشحوه كأفضل واحد
دخل راح عند صاحبو في بلاصتهم قاعدين يكحلو حتى جات.........

هنا نحبسو كتبت 1257كلمة
عطيوني اقتراحاتكم زعما شكون جات؟؟ 🤍🖤♥