مذكرات قاصر

الجزء 13

يخسر الإنسان مرة ،
ويبقى خائفاً ، إلى الأبد .!💔

ثاني يوم ضبط اندكت الباب جان يوم جمعه
مانفتح الصالون بالنهار

رحت افتح عبالي بثينه لو اسراء
فتحت طلعن نسوان 3 كبار لابسات عبايه راس و سمرات كلش وضخمات شكلهن يخوف

- سلام عليكم

- عليكم السلام .. ؟؟؟؟

اشوفهن يباوعن عليه من فوك ليجوه

انتبهت اني طالعه بدشداشه كصيره فوك الركبه و خفيفه

- تفضلو منو رايدين ؟

- انتي اسيل ؟

- اي اني .. تعرفوني ؟

- سمعنا عليج هوايه و جينا نتعرف بيج

- بخصوص شنو هالتعارف مافتهمت

- نتفاهم عالباب ؟ دخلينا بالاول موضوع خير ان شاء الله

اشرتلهن بايدي باستغراب : تفضلو

دخلن يمشن و يباوعن عالهول و يندارن عليه يتفحصوني من فوك ليجوه

كعدن كعدت كبالهن

وحده منهن كالت : ماعرفتيني مو

- لا والله صار عندي فضول اعرف وافتهم

- اني الي جيتكم للصالون و طلبتج بالاسم تسويلي وجهي و شعري