السيسبانہہ

السيسبانہہ❤

حلقہہ_1_

صديق الروح

والاصحاب يا عزھ ركائز للارواح لو جات تتہدا

سمح يا كمال ...تيب حاجي 🤦🏻‍♀️ ياخ ما قلنا كويس شنو العباطه .. اقفل يلا يوسف داخل لي بمكالمه
كمال .. يوسف تاني يا شهد تاني يوسف
شهد .. يوسف خط احمر يا كمال اخسرك انت وقبيلتك كلها يلا سلام
تيت تيييت تيييت
قفلت ليهو الخط في وشو ورجعت لي يوسف
من زاويه اخرى
...اووووووف اكيد بتتكلم مع كمال 😑
..انت الجابرك شنو يا يوسف البت دي ما كويسه والله 💔
يوسف .. عمران انت زولي وصاحبي ما تخليني اخسرك في شهد .. شهد دي خط احمر
🎶🎶🎶الليله مسافر انا انا وما جبر الخاطر ..
يوسف .. السيسبانه 🤤
شهد .. جُبران
يوسف .. عيون جُبران .. مشغوله مع منو يا السيسبانه
شهد .. مع كيمو 😑 قال عايز الاقيني بكره في شارع النيل الساعه 10
يوسف .. 10 شنو صباح ولا مساء
شهد .. مساء طبعا
يوسف .. دا كلام شنو يا السيسبانه🤦🏻‍♀️ طبعا ماف ليك مشي الولد دا ما كويس
شهد .. هو ما كويس وانا زاتي ما كويسه 😁💔 يلا تشاااااو
يوسف .. استني يا السيسبانه رايك شنو بكره اعزمك اسكريم
شهد .. اممم كويس متين
يوسف .. الساعه 10 بالمساء 😏
شهد ... وكيمو
يوسف .. وبيتزا
شهد .. ااا ااا كيمو لكن
يوسف ... وجاتو
شهد .. كيمو دا منو ي جُبران ؟؟ انت بتعرفو
يوسف .. نبيعو يا السيسبانه
شهد .. ونبيع ابو زاتو 😁💔
يوسف .. عشان الطقه يا السيسبانه
شهد .. شفتا عشان الطقه دي انتا زاتك يا جُبران ابيعك ، هوي يلا المرا المخرفه دي بتناديني
يوسف .. عيب يا السيسبانه دي حبوبتك
شهد .. سمح يا فيلسوف تصبح على خير
يوسف.. وانتي خيري ❤
.....
عمران .. ااااه شهد دي سكه عطش والترابه في خشمك كان قايلها بتتغير
شال كرسيهو ودخل البيت وخلا يوسف محتار 😪💔 شال كرسيهو ودخل البيت مشا غرفتو فتح دولابو طلع دفتر غلافو اسود مكتوب عليهو باللون الابيض السيسبانہہ
الى متى ..
الى متى سيحن قلبكي الحجري علي ؟؟
انا لا احتمل حديث الوشاة عنك وعن اخلاقك وملابسك التي لا تسترك 💔 متى سوف تتغيرين يا سيسبانتي 💔 اريدك ان تهتدي وتتوبي الى الله وترافقيني الى الجنه 💔 لا يخلو سجودي عن ألحاحي الى ربي ان يهديك الى السراط المستقيم ❤💫
لا شي يضعفني مثل عينيك الكحيلتين وتلك الحواحب المشعرتين ..لونكي الاسمر  دائما ما يجعل قلبي يَسْكَر 🤤❤ وشعرك الليلي يشوش افكاري 💔و..
طق طق طق
يوسف .. اتفضل
يمنى.. يُوسف .. عملتا ليك قهوه وجهزتا ليك ملابس الجامعه بكره
يوسف .. تسلمي لي يا اغلا يمنى
يمنى .. شهد كيف
يوسف .. كويسه بتسلم عليك
يمنى .. ما ممكن تلقى طريقه الاقيها بيها
يوسف .. صعبه يا يمنى انتي عارفه اهلي مانعنك منها 💔
يمنى .. انت بتحبها موش
يوسف اخد ليهو سرحه كدا مسافه بفكر في كلام يمنى دا كويس وفي ردو واسلوبو
يوسف ... لالا بس هي صحبتي شدييييد 🥰❤
يمنى .. اااه😪 يلا تصبح على خير
يوسف .. تلاقي الخير ❤💫
بعد ما طلعت يمنى يوسف ختى يدو في جبينو واتنهد وفتح الكتاب البقرا فيهو اثناء شرابو للقهوه
عند شهد
شهد .. اي يا حبوبه
الحبوبه .. احبك شيطان احوص ان شاء الله يا شهد .. فاضحاني فضيحه يا بتي اصلك لا اتربيتي ولا ادأدبتي كل يوم الناس شايلين حالك يا بتي ... الله ارحم والديك يا بتي البسي لبس بنات ناس
شهد .. اووووف حبوبه ياك كرهتيني بي محاضراتك الما بتخلص دي اها انا بلبس في ملابس اولاد حيوانات 😑
الحبوبة .. الله اهديك ي شهد 💔 الله اهديك ي بتي💔
شهد ... ااااه 😒
لبست شهد ملابس بيت من غير اكمام و ورقدت في السرير شويه كدا فتحت الواتس
يوسف .. مالك اونلاين يا السيسبانه
شهد .. زهجانه
يوسف .. مع حبوبه
شهد .. وهو في زول غيرها 🥺💔
يوسف .. هي عايزه مصلحتك يا سيسبانتي
شهد .. انا موجوعه يا جُبران
قبل ما ارد ليها توالي اتصل بيها video call
شهد طوالي ردت
يوسف .. اوووف يا السيسبانه كلمتك الف مره البسي طرحه ياخ مني انا ما اخوك
شهد ... اوووف منك ياخ ما بلبس واعلى ما في خيلك اركبو
يوسف ... السيسبانه عليييك الله راعي لي تصرفاتك انتي زوله كبيره ياااخ
شهد .. خلاص بدينا لي حركات حبوبه
طوالي قفلت ليهو التلفون في وشو
.
.
.
تعالو اكحي ليكم عن شهد
شهد  .. وااااااه من شهد 😪💔 هي مزه وكلمه مزه شويه عليها سمراء قصيرونه عندها عيون توووووحفه وكحيلات وحواجب احيرو وعندها شعر في هنود ماف 🥺❤ بالجد كل البشوفها لو ما اتشهد ما بعاين ليها مرتين بس ملابسها خليعه لمن غلط الطرح اخر همها وشعرها مكشوف وفاكي 24 ساعه وصورها في اي تلفون موجوده وفي اليوم لو بتواعد 100 راجل شويه وبتحب الطلعات و بتشرب السجاير 🙂💔 ما بتقرا قران ولا بتصلي 🙂💔 الله اهديها بس
امها وابوها اتوفو في حادث وهي بتهم الوحيده مسكتها حبوبتها ام ابوها وهي مرا كبيره بس برضو ربتها اقصد دللتها لانو اصلا ما اتربت
على عكس يوسف صديقها من الطفوله و البست حقها لازم تحكي ليهو باي شي ولازم تستشيرو في اي حاجه
يوسف شخصيتو مختلفه تماما عن شهد .. هو انسان محترم وهادئ وحكيم ومتدين دا غير موهبه الشعر و الكتابه و الرسم 🤤❤ كامل و الكمال لله ❤💫
كل الحي عارف شهد وحركاتها ومانعين منها كل البنات وكل الناس باعدين منها 💔
..
صحت شهد من النوم الساعه ١١ قامت بي تكاسل استحمت وغيرت ملابسها وعملت الميكب وجات لقت حبوبتها بتفطر
الحبوبه .. تعالي يا شهد افطري معاي
شهد بشمأزاز  .. ما عايزه يا حبوبه .. انا طالعه عايزه قروش
الحبوبه .. يا بتي اصرفي اقل شويه والله قريشاتي كلها كملت 💔 وانتي عارفه اعمامك بقو ما برسلو قالو الا اديك ليهم اربوك 💔 ولا احرمونا من المصاريف
شهد .. اااه خلاص زاتي ما عايزه .. ما تشتغلي بيهم بندبر حالنا .. وانا بجازفها
الحبوبه .. اجي تجازفيها من وين يا بت
شهد .. بخلي يوسف اشتغل شغل اضافي لي موش هو بعد الجامعه بشتغل اطلع مصاريف الجامعه والبيت 🙂💔
الحبوبه .. اجي يا شهد دي ماف زول سبقك فيها و الولد دا بتجيبي ليهو السمع ابعدي عنو 😔💔
شهد .. ااااه الاجيب ليهو ساي تشااااو
طرعت شهد ومشت الدكان .. هو يا خالد
خالد .. اها يا شهد
شهد .. عايزه سجاره
خالد .. ما بديك سجاره
شهد .. هو على كيفك موش بقروشي ان شاء الله اقول ليك جيب مخضرات 😒
خالد .. عايني ي شهد وقت اهلك ماتو وما ربوك وما لقيتي البربيك لو ما بعدتي بربيك انا
يوسف .. خااااااااااااااالد احترم نفسك
خالد عاين لي يوسف و سكت
شهد .. مالك ما تتكلم وأهيني لسه
خالد .. احترام لي يوسف حأسكت يوسف ما الزول البناقشوهو في موضوع زي دا
يوسف .. ارح يا شهد
شهد عاينت ليهو وصرت وشها
يوسف .. شهد ارحميني عليك الله وارح 🤦🏻‍♀️💔
ساقها ووصلو لي مكانهم البقعدو فيهو كل مره مكانهم السري الماف زول عارفو غيرهم مكانهم المن طفولتهم
شهد .. انا كارهه الناس كلها يا يوسف 😑 كلهم بعملو فيها ملايكه
يوسف .. سيسبانتي 💔 موجوعه صاح .. ابكي 🙂💔
شهد .. ما ببكي
يوسف .. ابكي وطلعي كل الهموم الجواك
شهد قبل ما يوسف اكمل كلامو حضنتو بقت تبكي بي اعلا صوتها 😭😭😭💔 ويوسف ما سالها خالص خلاها تكمل بكاها وتفرغ الالم و الهموم و الوجع 💔 الكل فاهمين شهد غلط .. ماف انسان قادر اعرفها على حقيقتها كلهم بعيبوها ماف زول عايز امسك يدها واسحبها من المستنقع الهي فيهو
شهد .. جُبران
يوسف .. عيون جبران
شهد .. غني لي

....

يوسف..

حبيتك ونسيت الكلام
ونسيت الكلام...
ناديت ليك صوت الغمام
صوت الغمام
حميتني الراحه والمنام.
ياكل مناي كل المرام
اوووو ااا اووووو
ااكد ليك ميه الميه.
ااااااااا ميه الميه.
لوقربتي علي شويه
لوقربتي علي شويه
عمري الباقي ليك هديه
مليان بي الشوق وبي الحنيه.
حرمان عينيا النوم
عينيا النوم
لوغابت بس عنك يوم
بس عنك يوم
وغير هواك مالي هموم .
يا الله العافيه عليك تدوم
اوووووووو ااااا
اخترتك لي قلبي الحبيب.
لقيتك من دمو قريب
انت لي جروحي طبيب.
من بير هواك دايما شريب
ااااااااااا اوووووووووو
حبيتك ونسيت الكلام
الكلام. ....   

.....
شهد .. جُبران
يوسف .. عيون جبران
شهد  .. رايك شنو نربط
يوسف عاين ليها وبقا بضحك
شهد .. مالك بتضحك 😑 هو انتا لاقي وحده مزه زي 😌❤ الكل بتمنوني
يوسف 🤣🤣🤣🤣 بس انا ما عندي بزنس زي كيمو
شهد ... يييييع 😑💔 غيرتا راي .. انتا لي ما عايز تربط
يوسف .. عشان لو ربطا زي رقدتك في كتفي دي تشميها قدحه😂💔
شهد .. تيب 😑💔
يوسف .. طيب وليس تيب
شهد .. دا ما حنك اها حتعزمني بعدين ولا امشي مع كيمو
يوسف .. السيسبانه انا وعدتك من امس ومستحيل اخلف بوعدي 😉
شهد .. عشان خفتا يعني من انك ما عندك بزنس زي كيمو دا توريه وعايزني افهم 😁😁💔 شيلتني هم
يوسف 😂😂😂 اسمعيني
شهد .. قول لي
يوسف .. بعدين ما تتلبي الحيطه حاجي اسوقك من حبوبتك
شهد اخير ليك اتلب لانها حتمعطك وتعمل فيها الوصي علي 🤦🏻‍♀️💔
يوسف .. 😂😂😂 طيب ارح نفطر
شهد .. بشنو .. لو فته فول ولا باكل معاك
يوسف .. مظبطه والله
شهد .. والله يا جبران ماف شي مسود لي لوني غير فولك الكل يوم دا
يوسف .. ما كان لونك اسمرا ولكن فول يوسف احرقكي 😂😂💔
شهد .. خلاص قمتا لي فسلفتك
يوسف .. فلسفتك 🙂
شهد .. انت محيل زي اساتذه العربي الحروف ياها بس كان رتبتها غلط بشطبو لي الكلمه وبكتبوها بالاحمر .. والله خلقتك خلقت اساتذه عربي بي فسلفتك دي لكن شائت الاقدار وبقيت دكتور 😏❤
يوسف 😂😂😂😂
شهد .. احااا على الضحكه .. ضحكتك دي بتخليني ابيع كيمو والبزنس زاتو😂😂💔 ارح ننحشي فول
يوسف .. اررح

يتبع ....

#_a7lamal6fola..♡