في بيت ابو ياسر ..
___٭___
عند البنات ..
دخلت امل على البنات وهي ترجف و محد لاحظ
امل: ياربي لحد يشوفني بذي الحاله هدي يا امل ما عليك هو المخطي بس الصدق و الله أنه طالع حليوه
اسكتي وش قاعده اقول أنا يا ربي
غلا: جيتي امل صليتي ولا لا
امل ما ردت من اول مره سالتها مره ثانيه: هيي امل وين وصلتي
امل: هاه وش قلتي ما انتبهت لك
ود: واضح انك ما انتبهتي اصلاً
نوف: وينك طولتي بعدين وش فيك وجهك كنه متغير صاير شي
امل: هاه، قالت بضحك، لا وش بيصير يعني
غلا: طيب صليتي
امل: لا يصلي الحين
اسماء: يلاه اخلصي عشان ننزل تحت عند خالاتي
امل: طيب
غلا: ننزل حنا و انتي تلحقينا
امل بصوت عالي: لا لا اقعدو دقايق لين اخلص لا تروحون
نوف: طيب بس هدي شوي كنا بنطير تصارخين الله يهديك
اسماء: من العاديات ذي الصراخ
امل تقول في داخلها: خيرر بيخلني من جديد عشان اشوفه و الله ما اقعد لحالي رجلي على رجلهم
نوف: يلاه اخلصي امل
امل: طيب يلاه
صلت امل و خلصت ثم نزلو تحت عند الحريم في الصاله سلمو على بعض و جوهم حريم من برا وقعدو يصبون القهوه عليهم و امل للحين تفكر في ياسر و موقفها معه
___٭___
عند العيال ..
دخل ياسر المجلس و ما كان فيه احد الى زايد و سلطان
قال زايد: هلا جيت وينك من اليوم نوم
سلطان: طلع نومك ثقيل
ياسر ما رد عليهم و كان يفكر في امل و شكلها يوم شافها الولد تدوده منها
سلطان: هيي نكلمك انت معنا ولا لا
زايد: الرجال رايح جب مويه نكبها عليه يمكن يصحي
سلطان: ترا بقوم هاه
ياسر رد: وش فيكم انتم وش تبون الحين
سلطان: انت الي وش فيك
زايد: من حين دخلت علينا و انت مصنم فيك شي
ياسر بعد ما اخذ دقايق رد عليهم: ما فيني شي بس
سلطان: بس وش
ياسر: شفتها
زايد: من الي شفتها
سلطان: لا تقولها انك شفت امل
ياسر: ايه شفتها في صالتنا بس مدري أنا اتحلم ولا حقيقي الله اعلم
زايد: لا حقيقي ما عليك أنا شايفهم يوم دخلو
ياسر نقز: يعني ما اتحلم صح
زايد: ايه مع الاسف ما تتحلم
سلطان: انت كيف شفتها قل لي
ياسر: شفتها حلوهه
سلطان: يا حمار اقول كيف شفتها مو حلوه
ياسر: ايه انا كنت نازل من فوق بجي و انا داخل على الطريق الي يودي الباب الى اشوف وحده نقزت في وجهي اطالع يمين شمال الى هي امل ولا بعد احسب اني اتخيلها ما فيه احد قدامي
سلطان: طيب وش يفرحك يا غبي تخيل لو انها الحين تعلم جدتي و امك و امها و تقول انك دخلت عليها هاه وش بيصير فيك قل
ياسر: مستحيل تقول اعرفها أنا
سلطان: كم لك تعرفها انت ما الك إلى شهرين و يقول يعرفها
زايد: ايه الله أنه صادق تتدخل في مشاكل ما الها نهايه
ياسر: اقول الكم اعرفها مستحيل تتكلم
سلطان: أن شاء الله انك تعرفها صدق ولا تقول ال احد
ياسر: اكيد لو انها قالت ال احد كان البنات ما خلوني في حالي للحين
زايد: صادق عني
ياسر: أنا افكر في موضوع
زايد: عساه خير ان شاء الله وش
سلطان: خير
ياسر: شكلي بقول ال ابوي اني بتزوج امل وش رايكم
زايد: و الله ما ادري بس ما دامك تقدر و متوظف ولا الهم بعد انك تحب البنت قل وعساء ربي يكتب الكم الخير
سلطان: انا اشوف انك تقول ما دامك تحب البنت و ناوي في النهايه انك تتزوج اشوف انك تقول اله قبل لا يفوت و تروح من يدك
ياسر: صادق بقول اله أجل أن شاء الله عشان لو وافق ان شاء الله بيوافق يخطبها من ام احمد مدامها هنا يعني ولا
سلطان: توكل على الله
زايد: توكل و أن شاء الله إن الله ييسرها لك
ياسر: امين أن شاء الله
___٭___
عند البنات ..
راحو الضيوف و قعدو البنات يسولفون عن الشغل و و وش بيصيرون بعدين و امل ضايعه للحين في أفكارها: هو حلو و مودب ذي الصراحه بس ليه واقف قدامي اول ما شافني ليه ما راح على طول قالت، افف منك يا
اسماء بصوت عالي: هاه
نوف بضحك: ممن من هاه
غلا وهي تضحك: وش السالفة من ذا
ود: البنت ضاعت تتكلم وهي تفكر حتى وش سوا فيك ذا
امل: هاه وش فيكم انتم وش الي من ذا قاعده افكر في نفسي في من يعني
نوف: متاكده في نفسك اكيد
امل: اكيدين بعد اهدو
اسماء: الله يستر منك من العصر و انتي مو على بعضك
غلا: ايه بيطلع شي من وراك انتي بس اصبر
امل وهي تحاول تسكر على الموضوع: ما فين شي كملو السالفه بس
نوف وهي تبي تقفطها: وش السالفة قولي
امل: هاه السالفه
غلا بضحك: ايه قولي لنا وش كنا نقول حنا
وتين: بنات حرام عليكم عشانها تفكر في احد لازم تعرفون من اتقوا الله
نوف: اسكتي انتي
غلا: امل ننتظر الاجابه ترا للحين
امل: الصراحه ما كنت مركزه معكم خلاص فكوني
نوف: خلاص خلاص بنات نمشيها لها وش رايكم
اسماء: ايه خل نمشيها ذي المره
غلا: يلاه عشان عيونك الحلوه ذي نمشيها لا تزعلين حبيبتي
امل وهي تضحك: طيب اخر مره
___٭___
عند العيال ..
راح ياسر يدور أبوه و لقاه هو و عمانه عند بيت ابو سلطان دخل ياسر المجلس و جلس جنب أبوه كان فيه رجال كثير في المجلس
قال بصوت شبه خفيف وهو جنب ابوه: سلام يبه يبه ابيك في موضوع
ابو ياسر: هلا هلا وش فيك وش تبي
ياسر: يا يبه أنا قررت اتزوج
ابو ياسر: قررت تتزوج من أن شاء الله
ياسر: بنت خالتي ام احمد
ابو ياسر اول ما عرف أنه اختار من بنات ام احمد فرح بس يبي يعرف هو يبي اسماء ولا امل الي هو كان يبي يخطبها ال ياسر: ما شاء الله ونعم من اخترت بس من الكبيره ولا الصغيره
ياسر: لا الصغيره امل هاه وش رايك
ابو ياسر: موافق موافق ونعم بولدي و الله اني كنت بخطبها الك قبل لا تقول لي بس سبقتني
ياسر: مشكور يا يبه اجل تقدر تخطبها من ام احمد ما دامها عندنا في الديره
ابو ياسر: ابشر خل يروحون ال رجال و نستشير عمانك و نروح ال جدتك و نقول آلها و نخاذ رأيها أن وافقت أنا ما عندي مانع ابد
ياسر: ابشر يبه على امرك
ياسر كانت ما تشيله الأرض من فرحته و اخير بيتزوج الي حبها وبنفس الوقت خايف أن امل ترفضه و ما تقبل بس كان حاس في داخله انها هي بعد تحبه من نضراتها له إذا شافته بس مع ذالك يبي يتأكد أن وافقت يعني انها تحبه وهو كان متاكد انها تحبه نفس حبه الها
___٭___
(انتهاء البارت)..
