بيت العيله

بيت العيله الحلقه الثانيه

بيت العيله
الحلقه 2
ايهاب :بت ياداليا
داليا :بته تبتك ياد في ايه
ايهاب :اكويلي القميص ده
داليا :بكام
ايهاب:ايه البت الماديه دي مااروح للمكوجي ع الاقل هيكويهولي كاويه نضيفه احسن يلا يابت هتاخر
داليا:وانا مالي ماتكويه انت وانا شغاله عند اللي خلفوك
ايهاب :ماتلمي نفسك ابت انا اخوكي الكبير مااللي خلفوني هم اللي خلفوكي ياجزمه
داليا:طب دور ع اللي يكويلك بقي بعد جزمه دي
ايهاب ان كان لك عند الكلبه حاجه قلها ياستي
معلش ياستي انا اسف يلا بقي يادودو
داليا:اتحايل عليا شويه زي مرارتي بتوجعني والدكتور قالي خلي حد يتحايل عليكي وهي تخف
ايهاب:اتفو عليكي وعلي شكلك
مريم:احنا شكلنا مش هنذاكر انهارده هات وانا اكويه وخلصونا من ارفكو
ايهاب :والله انت بت مرجله وشهامه
اصلي رايح اتقدم للموزه فاتكي علي المكوه بلاش الرقه بتاعتك دي
مريم بخضه:هاااا الف مبروك ربنا يتمم لك بخير واعطته القميص
........
داليا :شاطره ياختي بتكويله عشان يخطب غيرك
مريم:انتي بتقولي ايه دا اخويا
داليا :علي ماما يابابا
مريم :ربنا يوفقه
داليا:نفسي اعرف بتحبي ف امه ايه
لا امه تتحب علي فكره بتحبي فيه ايه
مريم:هو طيب علي فكره يمكن مش ملتزم اوي بس ممكن يتعالج
داليا:هو راح لواحده مالهاش دعوه باي التزام دي مكياج ايه ولبس هيتفرتك حاجه ببلاش كده
يلا دع الخلق للخالق
مريم؛ بعد ده كله يامفتريه
داليا:وانا قلت ايه مش فيها وانا بتبلي عليها ماهي بتنزل كده والكل بيشوفها
مريم:يلا ياختي ورانا مذاكره
..................
ذهب ايهاب الي ابو اميره ليخطبها وقال لهم علي امكانياته وانه هياجر شقه وهيجيب عفش قسط وبعد سنه او اتنين بالكتير لانه شغال بقاله سنه بس
ابوها:وانا هشتري سمك ف مايه البت هتقرب علي 25 وعاوزها تقعد ف اربيزي سنتين كمان وياعالم هتعرف تجوزها وتجيب العفش ولا لاء ودا كله بدبلتين افتح الله ياحبيبي
في واحد متقدم وهيشيل الجمل بما حمل ومش هيكلفني قشايه
ايهاب:بس انا بحبها
ابوها:سلامات ياحب هتاكلها حب وتلبسها حب
انت عارف اني جزار عارف بيكلو لحمه باد ايه ف الشهر اد مرتبك عشر مرات
انا اديت كلمه لابن واحد معانا ف الكار جزار اد الدنيا وابنه متعلم بس ماسك تجاره ابوه
ومن بكره هتقدم علي اجازه او تستقيل مش لازمه شغلها
ايهاب:وهي موافقه علي كده
ابوها:واحنا عندنا بنات تقول لا داانا كنت دبحتها وهتلاقي زيه فين دا مافيش منه
ايهاب:عن اذنك
ابوها:اذنك معاك يااخويا
...............
ايهاب:الو شوفتي ابوكي واللي عمله فيه جيباني تهزايني
ليها حق امي
اميره:وانا اعمل ايه يعني ماهو انت اللي امكانياتك ضعيفه اوي يعني ابوك مش يساعدك واحنا هنستني سنتين لسه
ايهاب:يعني اولع ف ابويا مش كفايه مصاريف البيت والعلام وفي بت بتتعلم طب كفايه جهز واحده ولسه التانيه انما انا كمان كده كتير اوي
اميره:يبقي ماتلومنيش بقي انا زهقت واللي ف سني معاهم عيال
ايهاب:خلاص يااميره خلص الكلام سلام
....... ..
ورجع لامه مكسور وحكي لها ماحدث
امه:معلش يابني انا قلتلك من الاول وعسي ان تكرهوا شيئا
هو خير وربنا هيعوضك بالاحسن
ايهاب:انا اتعقدت لا عاوز احسن ولا اوحش كده تمام اوي
داليا:الجوازه باظت الجوازه باظت وهي ترقص
امها:انتي فرحانه ف اخوكي ياكلبه
داليا:ودي جوازه ياخالتشي ام فاطنه بردو
امها:امشي يابت غوري من خلقتي
داليا:طب ماتشوفيله مريم طالما ام سحلول دي غارت ف داهيه
امها:والله نفسي بت مؤدبه وزي القمر ومربينها وترضي بقليلها بس نعمل ايه لدماغه الجزمه
داليا:سيبيني عليه
امها:يلا حسي عليه
داليا:وانا كلب ولا ايه ياحاجه
امها:يبقي ظلمنا الكلب
داليا:هارسوح انتي ام انتي
امها:هااااااااوترفع الشبشب
داليا:انتي ام الدنيا ياااااامصر ....
....................
داليا:ولا مبروك يلا
ايهاب:يخرب بيتك دي اتفشكلت مش خطبت
داليا :ماانا عارف عشان كده جينا بنبارك ونهني وندحرج التماسي ع الورد اللي قاعد ع الكراسي
ايهاب:البت دي معتوهه ولا ايه بالظبط اطلعي بره ابت
داليا:ياد يااهبل دا لمصلحتك
فيخبطها علي راسها
انا اهبل يامتخلفه يابت راعي فرق السن بينا
داليا :هو كام يعني
ايهاب :والله ماانا فاكر مش انتي 20 ف تالته وانا 25 يعني 5 سنين بحالهم
داليا:بحالهم ومالك بتقولهم اكنك معاك 5 مليار جنيه كده ليه
ايهاب:مليار طب قولي الف بس
رايكم يهمني