يب مثل ما قرأت بعنوان الفصل.
أنا جاي أبهدلك مش أطبطب عليك، وببداها بسؤال.
متى ناوي تصحى؟!
لمتى بدك تظل تأجل؟
لمتى بدك تظل ترضى بالقليل وتدعي يا رب بس علامة النجاح؟؟ وإنت مقصر وتلوم النفسية والمزاج والعيلة والظروف؟؟
فش إنسان غبي وبفهمش في إنسان لسا ما اكتشف الطريقة المناسب لتعليمه، في إنسان لسا بأجل وبستنى الظروف هي الي تناسب مزاجه، في إنسان بستنى الوحي ينزل ويصحى يلاقي حاله صار عبقري.
متى بدك جد توقف عرجليك عشان حالك؟ متى بدك تصير تدرس بضمير وتحط دماغك براسك وتفكر بمستقبلك بجدية؟
إصحى! هاي أفكار "معنديش أمل، لو درست مفيش شغل، مفيش مستقبل، علاماتي بتدخلنيش التخصص الي بدي اياه، معيش وقت، فش حوالي هدوء، بعرفش أركز" مش أفكارك إنت!!
مش هاظ الي بدك اياه، هاي الأفكار الي بتحاول تحبطك وتكسلك بس عشان تظلك مرتاح ومتبذلش جهد.
بس صدقني هاظ الصوت ما راح يوصلك لمكان، حتوصل لمرحلة تلاقي الناس الي حولك كلها ماشية ولقت طريقها وإنت لسا واقف مكانك!
حاول وإفشل بس عالأقل إسمها إنك لسا بتحاول مستسلمتش.
عاجبيتك علاماتك السنتين الي فاتوا؟؟
لمتى بدك تظل تسمع معايرات وتظل تقارن حالك بالناس اللي أحسن منك.
ما عندك نص ساعة كل يوم تخصصها لدراسة مادة مش فاهمها؟
إصحى.
إصحى جد مش ظايل وقت.
لا تأجل.
هاي سنة جديدة بفرص جديدة لا تخليها تخلص بدون انجازات وتحسبها سنة ضايعة عالخمس سنين الي فاتت.
إصحى.
كيفني ونا منفعل وبسولف كلام تنمية بشرية؟
ما علينا، لو صرت واصل لهان بحب أقلك خصص دفتر صغير وقلم، تلخص عليه بأسلوبك الي فهمته عشان تقدر ترجع له بأي وقت.
+ حاول لو في مصطلح ما فهمته أو شيء استصعبته إسألني، لو أنا ما عرفت إسأل أحد تعرفه، لو ما لقيت جوجل موجود.
لا تخلي معلومة تمر عليك بدون ما تفهمها.
والحين الأسئلة الأهم:
إيش الأسباب الي بتخليك تدرس؟
إيش المعيقات الي تمنعك تدرس؟
أكتبهم في التعليقات عشان كل ما تحس إنك راح تتراجع، ترجع تذكر حالك فيهم وتتذكر أهدافك وليش لازم تواصل.
وتحدد المعيقات وتدور حلول إلها أو غيرك يساعدك فيها.
بالتوفيق للكل. 🍁
أنت تقرأ
Chemistry - ْكِيميَاء
Non-Fictionكتاب تأسيس في علم الكيمياء. الكتاب جمع واجتهاد شخصي، فلو لقيتوا أي أخطاء لا تترددوا بتصحيحها أو تضيفوا أي معلومة عليها بالتعليقات 🍁 وتذكر، أنت تفشل عندما تتوقف عن المحاولة فقط.
