اسكريبتات روان أحمد ♥️

اسكريبت 26

ـ يعنى لو نطيت من هنا هتتجوزنى  ...؟؟

ـ قال بثقه لانه عارف انها بتخاف من الارتفاعات : طبعاً.

اخدت نفس عميق وبصيت للارتفاع العالى الى اخره بحر وحسيت انى اتهزيت شويه بس هنط يعنى هنط غمضت عينى واندفعت بكل سرعتى وقوتى للامام وهوب لقيت نفسى فى المايه تحت طلعت على مستوى المياه واخدت نفسى لقيت عبدالرحمن نطت هو كمان نزل اخد ايدى وفضل يطمن انى كويسه وطلعنا على الشط وفضلنا شويه بناخد نفسنا .....
ـ اتكلم بنرفزه :انتى هبـ..بـله افرضى كان حصلك حاجه .
ـ كنت خايف عليا يا بودى .
ـ ببرود : لا خوفت علشان هـضطر اتجوزك .
ـ ضربته فى كتفه :غلس وبارد وقومت علشان امشى لقيته مسكنى وباس راسى وقال : بحبك يا متهوره .
ـ ابتسمت وقولت :. وانا كمان بحبك .

"انا وعبدالرحمن بنحب بعض من سنتين واهو هنتجوز ".
اتجوزنا فى اقل من شهر وكله كان ماشى تمام ،لحد ما جاله سفر لـبرا وفرصه ما تتعوضش وافق انه يسافر انا كنت رافضه بس هو اقنعنى عدى على سفره حوالى اسبوعين
فى يوم كنت عند امى فتعبت واغمى عليا فوقت لقيتهم فرحانين وبيقولوا انى حامل ...

فرحت جدا بالخبر دا وقولت ان اكيد عبدالرحمن لو موجود كان فرح هو كمان ...
عدى حوالى اسبوع جهزت ورقى وحاجتى علشان اسافرله
و افجأه....

سافرت روحت ليه على الفندق واستنيته تحت عقبال لما يرجع لقيته داخل فرحت و قومت علشان اروحله لقيت واحده داخله وراه وهو مسكها من وسـ..ـطها وطلعوا على فوق ...
جمعت قوتى و طلعت وراهم دخلوا الاوضه انا فضلت ابكى وانهارت يمكن اكون اتسرعت واتهورت لما عرضت عليه جوازنا قومت بقوه عكس الدقايق اللى كنت منهاره فيهم من شويه مسحت دموعى وروحت خبطت الباب فتح الباب  واول لما شافنى اتصدم زقيته ودخلت لقيتها لابسه *****

روحت زقيته وسبته ونزلت جرى على تحت كنت سامعاه بينادى عليا كتير بس انا جريت علطول فضلت امشى فى الشوارع تايهه مش عارفه انا فين قعدت على الرصيف وكل قوتى اتبخرت وفضلت اعيط كتير وانهارت وحسيت بوجع فى بطنى ولقيت د**م نزل منى خوفت وقومت اطلب المساعده من حد لحد ما الدنيا اسودت فجأة....

فوقت لقيت نفسى فى اوضه بس مش اوضه مستشفى
جايه اتحرك حسيت بوجع جامد فى بطنى فضلت نايمه ناديت بصوتى على حد ...
لقيت اللى داخله وقالت بهدوء :
Are you okay.
-I'm Never Well .
ـ وفضلت ابكى قاطعتنى وقالت :
-I'm sorry to tell you that you're a miscarriage
(اسفه لاخبارك ذلك انتى فقدتى الجنين ).
ـ سمعت الخبر و فضلت ابكى .
بعد اسبوع صحتى بقت كويسه ،طمنت اهلى عليا هما كانوا مفكرين ان مفيش حاجه حصلت علشان انا مقولتش ليهم حاجه ....
ـ شكرت الست دى وقولت بما انى فى امريكا فخلينى شويه ..
ـ حجزت فى فندق وحاولت انساه وقولت لو ابنى كان فضل كان هيكون ابوه بتاع ستـ*ـات وكويس ان مفيش حاجه تربطنى بيه بقا معقول دا حب حياتى فعلا مفيش حاجه اسمها حب ......
فى يوم كنت قاعده فى حديقه والجو برد ولانى من عشاق البرد مستحيل اقوم واسيب الجو دا وانا قاعده سرحانه فى كل اللى حواليا لقيت اللى قعد جنبى بصيت لقيته هو بقا ليه عين يجيلى بعد اللى عمله ...

= ريتاچ انا اسف انـ   قاطعته وقولت ..
بتتأسف على ايه على انك ضربتنى مثلا او اننا اتخانقنا زى اى اتنين متجوزين وحصل خلاف بينهم ، لا فوق انت بتتاسف على خيانتك ليا وعلى انك السبب ان ابنى راح منى انا عمرى ما هسامحك فى حياتى وقومت علشان امشى لقيته مسك ايدى ...
ـ زقيت ايده وقولت : عايز  منى ايه تانى ...؟
ـ وقف وقال : هو انتى كنتى حامل وانا معرفش طب ماقولتيش ليه ...!!
ـ ما انا كنت هقولك فى احلى يوم شفته فى حياتى .
ـ وشه بان عليه علامات الاستغراب ، فاتكلمت : مستغرب ليه ايوا احلا يوم فعلا لانى عرفتك على حقيقتك لولا اليوم دا كنت هفضل مخدوعه فيك طول عمرى وياترى بقا فى المده دى خنتنى كام مره  اااه صح ماعدتتش صح بس كويس انى شوفتك النهارده علشان تـطلقنى .
ـ انا مـ قاطعته بقلم على وشه كان نفسى ادهوله من اليوم دا  وقولت انت محطوط فى موقف ما تتجادلش فيه فاهم طلقنى يالا ...
ـ انتى طالق طالق طالق .
ـ شكرا مش مطلوب منك غير انك تبعتلى ورقتى .
ـ مشيت وانا بعيط بس مش علشانه علشانى انا ليه بعد ماحبيته كل دا يعمل فيا كدا بس خلاص انا هعيش لنفسى وبس .....

"بعد سنه "
ماشيه وورايا المحامين اللى بـ يتدربوا  عندى والاعلامين بيصورا ان عمر ما المحاميه ريتاچ على عمرها ما خسرت قضيه وفى سنه واحد بقت من امهر واحسن محامين القاهره فهل النهارده هتقدر تجيب حق مراته اللى من طبقه فقيره من جوزها ابن اللواء محمود يسري صاحب النفوذ .......

وقفت ادافع بنفسى عن بنت قصتها تشبه قصتى  بفروق بعض الاختلافات فقررت انى لازم  اجبلها كل حقوقها حتى لو جوزها مين مش هخاف ولا يهمنى والحمد لله كسبت القضيه ومشيت من القاعه رافعه رأسى و ببتسم لكاميرات الاعلام بفخر وثقه .

"مهما كانت صعائب الحياه فـلى رب معين ♥️".
لـ روان احمد 🌿
"تـمـت✨
"رايكم 💝.