اسكريبتات روان أحمد ♥️

اسكريبت 29

ـ بابا لا ارررجوك ما تعملش كدا .

ـ وهو بيقرب وبيقول بصوت عالى :هتجوزززك .

= فوق من اللى انت فيه دا علشان هتضيعنى وهتضيع نفسك.

بيضحك بهستريا وبيقرب جامد زقنى على السرير وحاول يقطعلى البلوزه روحت زقاه بكل قوتى وحاولت اهرب جرى ورايا وبيضحك بصوت عالى وبيقول هتروحى منى فين بس وجابنى وزقنى على السرير بقوه اكبر وقرب منى بس انا طلعت السـ...ـكينه وحطيتها فى بطنه وجريت من البيت كله ....

مشيت فى الشوارع تايهه مش عارفه اعمل ايه رجلى مبقتش قادره تشيلنى فاغمى عليا ..

فوقت على ضوء الشمس لقيت نفسى فى الشارع بس على الرصيف ولقيت ست كبيره اول لما لقيتنى فوقت جات قعدت جنبى ..
طبطبت على كتفى بحنيه افتقدتها من يوم ما امى ماتت وقالت :. حمدالله على سلامتك يا بنتى دا انتى امبارح كنتى مغمى عليكى وباين عليكى انك تعبانه .
ـ دخلت فى حضنها ودموعى نزلت وانا بحكيلها كل اللى مريت بيه ....
فلاش باک.
{كل يوم كان بيدخل البيت علينا سكران وكان كل يوم يعمل مشاكل لحد ما فى يوم امى ما استحملتش وماتت بقهرتها وانا اللى شوفت الغُلب والمُر من بعدها وقولت يمكن يبطل سُكر ويفوق لكن زاد الامر بيه لما حاول يغتـ...ـصبنى.}.
ـ طبطبت عليا وقالت :يحببتى يبنتى منه لله ابوكى ربنا ينتقم منه .
ـ مسحت دموعى وطلعت من حضنها وقولت :شكرا انك ساعدتني بس انا لازم امشى .
ـ هتمشى تروحى فين بس .
ـ بلاد الله واسعه .
اول حاجه لازم اعملها اعرف اذا كان مات ولا لا ...
روحت الحته بتاعتى وحاولت اعرف الاخبار وانا متخفيه ..
سمعت انه راح المستشفى و لسه عايش ويومين وهيطلع  وعرفت انه قال انه زى اى اب كان بيضرب بنته علشان عملت حاجه غلط روحت انا حطـ..ـيت السـكـ...ـينه فى بطنه وهربت ...
حمدت ربنا انه لسه عايش لانه لو مات كنت هروح فى داهيه بسببه ..

دخلت البيت بسرعه غيرت هدومى وكنت شايله قرشين للزمن واهو جم وقتهم لميت ليا شويه هدوم وطلعت بسرعه من غير ما حد يحس بيا ...

ركبت اتوبيس ووصلت الغردقه اهى اى حته بعيده ومش معروفه بالنسبه لبابا ...

ـ ها واى اللى حصلك بعد كدا ..؟؟

= جيت اشتغلت فى فندق حوالى 3 سنين والمدير عرف حكايتى وعاملنى زى بنته ومن ترقيه لترقيه لحد ما بقى مركزى حلو وكويس .

ـ أستاذه بسنت عايزينك لو سمحت .
ـ طب بعد اذن حضرتك .
ـ نزلت الاستقبال لقيت شاب بيزعق فى موظفه الاستقبال .
ـ روحت ليه وبرسميه : لو سمحت يا فندم ممكن تهدى وتقولى مشكلتك وان شاء الله تتحل .
ـ التفت ليا وقال : وحضرتك مين .
ـ انا بسنت حامد المشرف العام .
ـ ابتسم وقال : اهلا بيكى .
ـ ممكن افهم مشكلتك .
ـ انا كل سنه بنزل فى جناح هنا فى الفندق ودايما ان دا معروف ان محجوز باسمى فازاى اجى السنه دى الاقيه محجوز هو دا ينفع .
ـ لا ما ينفعش انا عارفه ان دايما كل سنه أستاذ عمر جميل بيكون حاجز الجناح دا انا اسفه جدا ليك وانا هصلح الموضوع دا حالا .
ـ ابتسم وقال : وانا هعدى الموضوع علشانك المره دى .
ـ اتكلمت مع منال: لو سمحت يا منال اعرفى زباينا المهمين كويس حالا يكون الجناح فاضى لان المدير لو هنا وعرف باللى حصل هيزعلك لانه زبون مهم تمام .
ـ انا اسفه يا استاذه بسنت حالا يكون فاضى .
ـ روحت ليه وقولت : ممكن تيجى تستريح معايا فى المطعم وثوانى ويكون جناحك جاهز .
ـ ابتسم ومشى معايا .
ـ تطلب ايه يا فندم .
ـ بلاش فندم خليها عمر بس واى حاجه على ذوقك .
ـ تمام خلاص انا هشرب مانجا تشرب مانجا .
ـ ابتسم وقال :اشرب مانجا .
وبعدها كان بيحصل لقائات صغيره .
تعبت فـغبت يومين من الشغل وتالت يوم كنت اتحسنت شويه فخلاص هنزل الشغل بكرا ..
لقيت الباب خبط فقومت فتحت لقيته قدامى بباقه ورد جميله تشبهله ابتسمت ودخلته .
ـ حمدالله على سلامتك.
ـ الله يسلمك بس مكنش ليه لزوم تتعب نفسك وتجيب ورد .
ـ دى حاجه بسيطه يعنى المهم صحتك عامله ايه.
ـ بخير الحمد لله انا كنت نازله الشغل بكرا .
ـ طب كويس انى جيت انهارده علشان اشوفك اصلك وحشتينى .
ـ تنحت وقولت :نعم .
ـ انا بقول استأذن انا علشان ميعاد الاكل كمان دقيقه سلام .
ضحكت وقفلت الباب وراه .
ـ كنت بشرف فى المطعم على قائمه الطعام فلقيت هشام الجرسون جيه بيدينى دعوه ..
استغربت وفتحتها لقيت مكتوب فيها انه عازمنى على حفله عيد ميلاده ابتسمت وخلصت شغلى وجريت على اوضتى اشوف انا هلبس إيه..
اختارت دريس نبيتى على هيلز اسود وميكب سيمبل وسيبت شعرى بحريه على ضهرى واخدت الهديه ونزلت الحفله .

شافنى فابتسم وجيه ناحيتى مد ايده اخد ايدى باسها وقال :  شكلك قمر و نورتى الحفله .
ـ ابتسمت بخجل وقولت : شكرا .
ـ ياله علشان مستنيكى علشان اطفى الشمع  .
ـ مديت ايدى بالهديه وقولت كل سنه وانت طيب يا عمر حاجه بسيطه اتمنى تعجبك .
ـ ابتسم بفرح واخدها وقال : كفايه انها جايه منك .
ـ دخلنا نطفى الشمع قولتله اتمنى امنيه قبل ما تتطفى الشمع .
ـ قرب عليا وهمس فى ودنى وقال :انك تتجوزينى .
ـ قال كدا ابتسامتى اختفت وسبت الحفله ومشيت جريت على اوضه ست موجوده هنا فى الفندق لما بيحصل اى حاجه معايا بحكيلها روحتلها دخلت وهى اخدتنى فى حضنها هديت وقولتلها : يتجوزنى ازاى بس لو عرف الماضى اكيد هو اللى هيبعد وانا حبيته ومش هقدر استغنى عنه اعمل أي بس ياربى .
ـ صارحيه بالحقيقه وقوليله وهو لو بيحبك اكيد مش هيفكر فى اى حاجه وهيكون عايزك انتى .
ـ خرجت من عندها لقيته واقف على باب اوضتى واول لما شافنى جرى عليا وقال : انت كويسه اى اللى حصل علشان تجرى وتسيبينى كدا .
ـ عمر انا عايزه اقولك على حاجه .
ـ حاجه إيه ..؟؟
ـ تعال وانا هقولك .
ـ قعدنا فى الحديقه وحكيتله كل حاجه تخص الماضى بتاعى تعابير وشه مكونتش عارفه احدد حاجه .
ـ سكتت وهو فضل ساكت وانا حسيت ان سكوته دا رد منه بالرفض فأخدت نفسى وقومت ومشيت دخلت الاوضه ونمت ...
تانى يوم نزلت دخلت للمدير اخد اجازه اسبوع فوافق لما لقانى تعبانه طلعت حضرت هدومى علشان اسافر بعيد عن الغردقه شويه نزلت تحت وركبت عربيتى ومشيت فضلت افكر اروح فين لحد ماقررت ارجع لاصلى اللى انا نسيته واشوف عايش ولا مات فقررت ارجع القاهره من تانى .

وصلت الحته زى ما هى مفيش حاجه اتغيرت روحت البيت خبطت لقيت ست فتحتلى بصتلى باستغراب ..
سألتها : هو حامد السكران مش عايش هنا .
ـ لا يادلعتى انا مراته والمخفى دا مات ياله جاته نيله فى سيرته الهباب .
ـ حرام تقولى كدا ربنا يرحمه طب هو مات امتى ...؟
ـ مات من سنه كدا انتى بتسألى ليه انتى تعرفيه .
ـ لا ابدا معرفهوش وسيبتها وجريت ركبت العربيه بتاعتى ومشيت خالص من الحته ..
مات ياله ربنا يسامحه على اللى عمله فيا وفى ماما .
ـ رجعت الغردقه من تانى ..

ـ رجعت امارس حياتى الطبيعيه من تانى نزلت بالفلوس اللى معايا اشتريت شقه لانى مش هفضل طول عمرى عايشه فى الفندق ومر شهرين وعمر ولا بان اصلا عرفت وادركت ان كدا مبقاش ليا وحاولت انساه ...

انهارده عيد ميلادى ال 23والفندق كله عاملى حفله .
لبست دريس شتوى رمادى ولميت شعرى وميكب سيمبل ونزلت ركبت العربيه وروحت الفندق ....

روحت الحفله واحتفلوا بيا وقبل ما اطفى الشمع لقيت صوت عمره ما يروح من بالى بيقول : اتمنى امنيه قبل ما تطفى الشمع ابتسمت وقولت : مش بحب اتمنى لان مؤمنه اللى مكتوبلى هشوفه .
ـ ابتسم وجيه اخدنى طلعنا برا قال : انا اسف انى غبت كل دا .
ـ عيطت وقولت : انا فكرتك خلاص كدا .
ـ هششش انا عمرى ما هسيبك بقولك .
ـ اممم .
ـ بغمزه : مش ناويه تحققى امنيتى .
ـ ابتسمت بخجل وقولت : وهو انا ممكن يكون فى ايدى حاجه اعملها لحبيبى ومعملهاش .
ـ ضحك وشالنى ولف بيا الدنيا مطرت علينا فقولت : انا حاسه اني اتولدت انهارده .
ـ ابتسم وقال : بحبك .

"لنكن نجوما لبعضنا ،كل منا يضئ عتمه الآخر 🌟."
ـ تـمـت .
ـ لـ روان احمد.🤎
رأيكم يا لُطاف 💝.