مالكوا قاعدين كدا ليه زى الولايه .
ـ هند :مالنا ما احنا قاعدين اهو .
ـ الام : قاعدين واحده زعلانه علشان متخانقه مع خطيبها وانتى لاويه بوزك ليه .
ـ هند :متخانقه مع احمد شويه .
ـ لبنى : عملك إيه ابن ام فتحيه دا .
ـ مفيش يا لبنى قولتله لو سمحت هات كوبايه مايه راح زعق وقال انا جاى تعبان قومى هاتيها انتى .
ـ الام بسخط :قولتيله لو سمحت .
ـ اه والله يماما انا كدا غلطت .
ـ الام :الراجل من دول تحترميه يقلل من كرامتك ،تقللى من كرامته يحترمك .
ـ لبنى وهند بفضول :ازاى يا خبره .
ـ ايام زمان كنت انا وابوكوا الله يرحمه .
ـ الاتنين :الله يرحمه .
ـ كنت لما اقوله ياحاج محمد تعالى نخرج شويه كان يقولى بقولك ايه يا اختى انا تعبان وداخل انام ،ولما قولتله بقولك ايه يا محمد انا عايزه اروح عند امى راح قالى :من عنيا يا ام هند .
شوفتوا الاحترام وحش ،فاجمدى انتى على جوزك مش كل حاجه نعم وحاضر وانتى يا لبنى قبل ما حسن يزعلك نكدى عليه .
ـ الاتنين :حاضر ياماما.
بعد اسبوعين ...
ـ يادى النيله مالكوا يا عيال .
ـ هند :اسكتى ياماما احمد قالى نزلى البطانيه دى اتغطى بيها فكنت هقوله حاضر روحت افتكرت كلامك وقولتله :ما انا منزله اتنين واحده ليك وواحده ليا .
=راح قالى :بس انا مزاجى عايز ان اتغطى بدى .
ـ روحت مشحوه بايدى كدا وقولتله :مزاجك دا يا حبيبى عند الست الوالده مش عندى هنا .
ـ الام ولبنى :ها وعمل ايه..؟؟
ـ راح قالى طب والله ما انتى قاعده فيها ولتروحى للوالده هاا .
ـ لبنى اسكتى وانا حسن كان بيقولى تعالى نخرج
كنت هقوله يالا بس افتكرت اننا من يومين متخانقين مع بعض بسبب انى عايزه اروح خطوبه صحبتى وهو ماوافقش روحت قلبتها نكد وقولت :لى يحبيبى هو بمزاجك تخرجنى وبمزاجك تقعدنى فى البيت انا يحبيبى مش لعبه فى ايدك ومش خارجه .
ـ راح قالى : يعنى هتمشيها كدا .
ـ روحت بعند قولت اه ـ راح قفل فى وشى .
ـ الام بولوله :بقا دى اخر تربيتى واحده تزعل جوزها والتانيه خطيبها ..دا انا يما قولتلكوا احترمى جوزك او خطيبك يحترمك ،
ايه مالكوا يعيال بتبصوا كدا ليه يخربيتكوا وجرت على اوضتها .
حاجه خفيفه واتمنى تعجبكوا ..❣️
#روان_احمد....☘️
أنت تقرأ
اسكريبتات روان أحمد ♥️
General Fictionادخل عالمى بحيث يوجد المرح والكوميديا والكثير لتستمتع به وكل اسكريبت غير مرتبط باللى قبله.
