بعد اذان المغرب وبعد ما فطرو وكل واحد خلص شغله في بيت ابو سيف الكل مجتمع حول التلفزيون على قناة الاخبار ينتظرون اعلان العيد وصوت سوالفهم مغطي على صوت التلفزيون
سديم : اص اص اسمعو التلفزيون
"تعلن المحكمة العليا ان يوم غد اول ايام عيد الفطر المبارك ، كل عامٍ وانتم بخير "
عمت الفرحة على كل البيت وكل واحد يسلم على الثاني ويبارك له
ابو سيف : دام بكرا العيد استأذنكم بروح اشيك على المحل واكمل اشغالي
عبدالعزيز : قم قم محمد خلينا نكمل اشغالنا و نروح الحلاق
سديم وهي تركض لعبدالعزيز: عزوو تكفى لا تنسى تجيب لي الاغراض هذي مرا مهمه عشان بيجو بنات عمي وعمتي
عبدالعزيز وهو يعفط خدودها : وانا اقدر اقول لا ي سدومتيي
محمد : متى بيجو بيت عمي مطلق ؟
نور وهي تغمز له : ليلى بتجي على الساعه اثنين الليل
الكل : هههههههههههههههههههههههههه
محمد استحى وسحب شعرها بمزح وهي تصرخ: لو عبدالعزيز ما فضحني انتي بتفضحيني
محمد ضرب راسها بصدر عبدالعزيز و هج
نور وهي تلحقه وتصارخ : اوريك يا محمد يا معفن
عبدالعزيز وهو يحاوط كتفها و يبوس راسها : ما عليك نوارتي ، وانتي كمان ليه تحارشيه ؟!
نور : امزح معه بس هو معفن
عبدالعزيز : يلا انا بروح تبين شي
نور : سلامتك يعيوني
عبدالعزيز: لبى عيونك والله
في بيت ابو مصعب :
نجمه وهي تغني وتنظف البيت : " يا ليلة العيد انستينا "
وسيم : الله الله النجمه منطربه جعله دوم
نجمة وهي تركض له وتحضنه : كل عام وانت بخير وسييم
وسيم وهو يحضنها : وانتي بخير يا نجمة البيت
مصعب وهو داخل: الله على الحب الي نزل فجأة
ليت كل الايام عيد عشان تحبون بعض
وسيم وهو يحضن نجمة بالقوة : وانت وش دخلك ترانا نحب بعض بس بالمناقرات
نجمة : ايه ذا اخوي الحبيب
مصعب : اخوك الحبيب ها ؟
وبدأت مناقرات مصعب و وسيم على نجمة و كل واحد يبي يحضنها وما وقفهم الا الاتصال الي جاء لي مصعب :
مصعب : هلااا ابو ملك
سيف : اهلين مصعوبييي ، كيفك انت والاهل
مصعب : والله على ما تحب الحمدلله و انت كيفك انت والصغيرونه
سيف : والله الحمدلله مطلعه عيني بس راضيين
مصعب : هههههههه يازينها ربي يحفظها
سيف : امين يارب ، ايه تقول عيدك بالرياض ولا في حايل
مصعب : لا يرجال وش اسوي في حايل اكيد في الرياض
سيف : حلو
مصعب : ايه متى جاي انت
سيف : توي ماسك طريق الرياض
مصعب : زين زين توصل بالسلامة ، ومع السلامه بكمل شغلي
سيف : الله يسلمك تقلع بس
مصعب وهو يضحك : اوريك يا معفن هههههه
أنت تقرأ
يا نجمة الليل العزيز
Romanceتحكي القصة عن بطلتنا نجمة التي تواجه احداث محزنة في حياتها بعد ان كانت حياتها مليئة بالفرح وتذهب بها الحياة لتتعرف على بطلنا عبدالعزيز الكاتبة : فاطمة . اول رواية لي❤️
