وصلو بيت مصعب
سيف وهو يعدل الشماغ : انزل يولد
عبدالعزيز: استنى بس اكلم سديم
خرج مصعب: يا هلا بالسيف ياهلا بابو ملك
سيف وهو شايل ملك ويسلم على مصعب: ياهلا فيك والله
مصعب اخذ ملك وباسها : كيفك يا قمورة
ملك : الحمدلله
عبدالعزيز نزل وهو يكلم سديم ويسلم على مصعب : من العايدين
عبدالعزيز: من الفايزين
دخلو ملك و مصعب وسيف المجلس وعبدالعزيز خلص من المكالمة وجاء يدخل المجلس لكن بالغلط طلعت قدامه نجمة وصقع فيها بالغلط وطاحت
عبدالعزيز وهو يناظرها ويتأمل كل جزء في وجهها (الغمازة الي في دقنها وعيونها العسلية وشعرها البني الطويل )وحس بنفسه وصد عنها:
بسم الله عليك ، عسى ماجاك شي
نجمة بصوت يرجف : ل ا لا ما جاني ش شي
عبدالعزيز : اسف
نجمة : حصل خير
دخلت نجمة وهي ترجف وجهها احمر
ودخل عبدالعزيز وسلم على وسيم وابو مصعب
وجلس وهو يفكر فيها
ملك راحت و دخلت على ام مصعب ونجمة تسلم عليهم
نجمة : كيفك يا حلوه
ملك : الحمدلله
نجمة :من العايدين
ملك : امممم
نجمة بضحك : يزينك ماشاءالله انتي ملك بنت سيف( ملك تعرف سيف صاحب مصعب لانه يجي كثير وقد شافته )
ملك : ايوا
نجمة بفضول : ماشاءالله ، جيتي مع مين
ملك ببراءة : انا وبابا و عمو عزوز
نجمة (يمه لا يكون عزوز ذا بيقول لمصعب انه شافني والله ليذبحني ): ماشاءالله تعالي خذي عيدية
ملك وهي تاخذ عيديه وتسولف مع نجمة ببراءة : عمو عزوز عندو خيل كبيير اسمه سند
(شي ما تعرفوه عن بطلتنا نجمة مرا تحب الخيول بس تخاف تركبها)
نجمة : ماشاءالله انتي تحبي عمو عزوز
ملك : ايه مرا احبه
دخل عليهم مصعب: ماشاءالله عزوز يا نجمة
نجمه بفشلة : لا بس لانها تكلمت عنه سألت
مصعب بضحك : ههههه ايه كويس والله الولد حليو ماشاءالله ههههههههههه
نجمة تذكرت الموقف و وجها حمر
مصعب لملك : يلا يقمورة بابا يبيك
ملك وهي تحضن نجمة : مع السلامة نجمة
نجمة وهي تحضنها : مع السلامه ملك تعالي عندنا كثييير
خرجو عند سيف و عبدالعزيز وودعو بعض
كانو يمشو في الطريق وعبدالعزيز ساكت يفكر بالبنت الي شافها و سيف وملك يسولفوا
عبدالعزيز بفضول : اقول سيف
سيف : سم
عبدالعزيز: سم الله عدوك ،خويك ذا عنده كم اخت
سيف اف عليه بأستغراب : ليه تسأل؟
عبدالعزيز: كذا فضول يعني
سيف : وحدة بس
ملك ببراءة : بابا اسمها نجمة مرا حلوة يا بابا تقول تعالي عندنا كثييير
فز عبدالعزيز و قال لملك : وش تقولي يا ملك
ملك عادت كلامها
عبدالعزيز في نفسه ( ماشاءالله على جمالها المفروض اسمها قمر مو نجمة )
سيف : غريبه عزو ما يتكلم وش تفكر فيه
عبدالعزيز : ابد والله ولا شي
وصلو المزرعة و ملك ركبت الحصان و خلصو ورجعو البيت
وكذا انتهى صباح العيد
في المغرب محمد راح لغرفة امه وابوه ودق الباب
ام سيف : ادخل
محمد : السلام عليكم
ام و ابو سيف : وعليكم السلام تفضل
محمد جاء وجلس قدامهم : بقلكم شي راح يونسكم
ابو سيف : قول
محمد : زي ما قال لك يبه عبدالعزيز اني ابي اتزوج
ام سيف وهي تزغرط : كلوولولولويش ماشاءالله تبارك الله اجل بدور لك احلى البنات
محمد : لا فيه وحدة في بالي
ابو سيف : مين
محمد: ليلى
ام سيف : ليلى بنت عمك ؟!
محمد : ايه
ابو سيف بشك: ماشاءالله ماشاءالله شفتها انت؟
محمد بتوتر : لا وين بس من كلام سديم عنها حسيتها كويسة
ابو سيف بإبتسامه: ماشاءالله خلاص اجل اليوم نخطب لك
محمد : صادق يبه بذي السرعه
ابو سيف بضحك : هههه ايه صادق يولدي صادق
محمد وهو يسلم على يد وراس امه وابوه : الله يخليكم لي يارب
طلع محمد و ابو سيف للحوش
ابو سيف : يا سيف وين اخوك عبدالعزيز
سيف : نايم يبه
ابو سيف : حسبي الله على ابليسه قم قم يا محمد صحيه لا اقوم عليه
محمد : ابشر
راح محمد للمجلس وشاف عبدالعزيز نايم
و كب عليه موية
عبدالعزيز وهو يصرخ : اعووذ بالله ، خبل انت
محمد وهو يضحك في الارض : ياربي هههههه شكلك يقتل ههههههههههههههه
عبدالعزيز وهو يعدل جلسته : الساعه كم
محمد : يحبيبي الساعه 6 ونص ابوي يقول قم لا يقوم عليك ، وابشرك لقافتك الي الصباح بتصير جد ان شاء الله
عبدالعزيز وهو عقله مو معه : نجمة ؟
محمد : وش نجمته ؟ غبي انت بخطب بخطب حبيبة القلب
عبدالعزيز بفرحه وهو يحضن محمد : مبروووك ياحببب
محمد : اجل نجمة ها يالمروح هههههههههههه
عبدالعزيز بتوتر : ياولد بالغلط
محمد بطرف عين : ايه واضح واضح
ابو سيف بصوت عالي : ياولد وينك
محمد : قم قم الحق قبل يخطب
عبدالعزيز: ابشر
راح عبدالعزيز يلبس و خرج سلم على ابوه و عمه والعيال
ابو سيف بغضب : ايه كيف كانت النومه
عبدالعزيز بضحك : والله يالقائد بطلة بس لو ما خربها والمعفن محمد
الكل : هههههههههههههههههههههههههههههه
عند الحريم كانو جالسين في الصالة ويتقهون ويسولفو الا ليلى عقلها مع الموقف الي صار في الصباح
دينا بهمس : ليلى وش فيك
ليلى : لا مافيني شي
سديم بضحك في اذن ليلى: عاد صار موقف لا تحسدي عليه اليوم هههههه
ليلى بطرف عين : اقول تقلعي بس
نور : وش تقولون انتم
سديم وهي تحضن ليلى : سر بين بنات العم
نور وبسمة و دينا بصوت واحد: يععععععععع
عند الرجال في الحوش
ابو سيف : اقول ياخوي ابو مطلق
ابو مطلق : سم
ابو سيف : والله اني طالبك
ابو مطلق : قول وان شاءالله اني اقدر عليه
ابو سيف : اقدر ان شاءالله ، والله اني ابي القرب منكم و ابي اطلب يد بنتنا ليلى لولدكم محمد
عبدالعزيز وهو يدق محمد : محد قدك يعريس ههههههههههههههه
ابو مطلق بفرحة : والله والنعم فيك وفي محمد ومحمد كلٍ يعرفه ويعرف اخلاقه بس البنت لها رأيها ان شاء لله نشوف ونرد لكم
ابو سيف : دام البنت هنا اسألوها
ابو مطلق : ابشر ابشر قم يا مطلق ناد امك واختك
مطلق بفرحة وحماس وقف وصقع راس محمد : ابشر يبه ، اجل بتصير نسيبنا واليوم الصباح تقول استح على وجهك ها ههههههههههههههه
محمد وهو يلحقه يرد له الضربة : تقلع بس
مطلق : ترا بنهون ها
الكل : ههههههههههههههههههههههههههههه
أنت تقرأ
يا نجمة الليل العزيز
Romanceتحكي القصة عن بطلتنا نجمة التي تواجه احداث محزنة في حياتها بعد ان كانت حياتها مليئة بالفرح وتذهب بها الحياة لتتعرف على بطلنا عبدالعزيز الكاتبة : فاطمة . اول رواية لي❤️
