يا نجمة الليل العزيز

P7

معليش بس البارت ذا مرا حزين وطويل💔

نجمة : وش فيه مصعب
مصعب وهو يرجف : امي و ابوي في المستشفى
نجمة صرخت وهي تبكي : تكفى بنروح لهم
وسيم وهو بالقوه ماسك دمعته : روحي البسي عبايتك
راحت نجمة لبست عبايتها و توجهو للمستشفى
راحو للاستقبال
مصعب : السلام عليكم قبل شوي جاكم شخصين صاير لهم حادث زايد ال **** و منيرة ال******
السستر : انتم اولادهم ؟
نجمة : ايه
السستر : عظم الله اجركم فيهم
مصعب بغضب : ها وش تقولين انتي ؟ لا مستحيل
نجمة انهارت في الارض وهي تبكي و تضرب الارض ووسيم كانت دموعه تنزل وهو يرجف ومصعب يحاول يكذب الموضوع وما يصدقه
طلع الدكتور على صوت صراخ مصعب
الدكتور : وش صاير
مصعب : تككفى لاتقول ماتو تكفى
الدكتور : مين ؟
مصعب الي دموعه مو راضيه تنزل : زايد و منيره تكفى يدكتور
الدكتور وهو يخبط على كتفه : عضم الله اجركم صار لهم حادث والسيارة اتقلبت ووصلنا لهم في اخر لحظة
مصعب طاح على ركبه وهو مو مصدق ودموعه مو راضيه تنزل مومصدق ان امه وابوه الي جابوه وربوه توفو .
كان حال عيال زايد صعب جداً
وسيم في مكانه من يوم ما سمع الخبر مافي الا دموعه تنزل ولا طلع اي صوت
نجمة الي صارخت وبكت و تعبت مو مصدقة الي صار
ومصعب الي كان ساند ضهره على الجدار ويصقع راسه ويبكي كانت حالة عيال زايد تكسررر القلب
جاء لهم شايب و بدأ يقرا عليهم ويصبرهم ويفهمهم ان ذا قضاء و قدر : (كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ ۖ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلَّا مَتَاعُ الْغُرُورِ)
هدء مصعب وقدر يستجمع نفسه وراح يهدء نجمة وهو يبكي : نجومتي
نجمة وهي منهارة : مصعب لا لا ما ماتوا
مصعب وهو يحضنها : يا عيون اخوك نجمه يا ماما اسمعيني هم راحو عند الي ارحم مني منك تكفين خلاص
نجمة وهي تضرب صدره : لا لا مصعب انت تكذب تكذب مستحيل
حاول مصعب يهديها لين هدت وراح لوسيم الي من يوم سمع الخبر وهو في مكانه
حضن مصعب وسيم
ووسيم صرخ بكل قلبه وانهار
مصعب وهو حاضنه : وسيم تكفى والله اني ماقدر اتحمل اشوفكم منهارين تكفى
وسيم بصراخ : مصعب رجعهم تكفى رجعهم
مصعب وهو يبكي : راحو عند الي ارحم مني ومنك يا وسيم راحووو
مصعب حاول يهدء وسيم بس ما قدر وسيم كان مرا منهارما قدر مصعب يواجه كل ذي الاشياء لوحده اتصل على سيف
سيف : هلا بولد زايد
مصعب بصوته الباكي الي اول مرا يسمعه سيف : ياسيف صرت يتيم ياسيف
سيف وهو مفجوع : وش تقول انت
مصعب : يا سيف امي و ابوي راحو وتركوني
سيف : تتكلم جد يا ولد !
مصعب وهو انهار : ياريت اقدر اكذب راحو وتركوني للاسف ياسيف ماني عارف اسوي شي
سيف ودموعه تنزل: وينكم فيه وييين
مصعب : في مستشفى ******
سيف : تمام دحين جايك وادق لعبدالعزيز يجيك على بال ما اوصل الرياض
قفل سيف واتصل لعبدالعزيز
عبدالعزيز: الووووو يولد حايل
سيف وصوته يرجف : عبدالعزيز
عبدالعزيز: شفيه صوتك
سيف : مصعب يا عبدالعزيز امه وابوه (انهار سيف)
عبدالعزيز بفجعة : وش فيهم تكلم
سيف : ماتو يا عبدالعزيز
عبدالعزيز : تتكلم جد ، وينه ذحين
سيف : روح له مستشفى ****** تراه بالقوه ضاغط على نفسه لا ينهار وانا الحين في الطريق
عبدالعزيز وصوته يرجف وماسك دمعته : تمام بس انت تكفى انتبه على نفسك ولا تسرع
سيف : تمام
قفل عبدالعزيز من سيف وراح طيران للمستشفى دخل شاف وسيم و نجمة منهارين ومصعب يهديهم عبدالعزيز راح و حضن مصعب : عظم الله اجرك يا اخوي
مصعب وهو يتصنع الصبر: اجرنا واجرك
عبدالعزيز: جلس مصعب : الله يرحمهم يا اخوي وانت سند لاخوانك يا مصعب حاول تتماسك شوي
مصعب الي انهار في حضن عبدالعزيز: ما اقدر وانا اخوك ما اقدر اخخخخ يانجمة كيف بتتحمل فرقاهم وسيم كيف بيعيش بدونهم
عبدالعزيز : نحنا اهلكم يا اخوي الي تبونه اطلبوه
وصل سيف ودخل وهو يركض شاف حالة مصعب المنهار وانهار معاه سحب عبدالعزيز سيف على جنب : يولد انت مصعب جايبك تصبره وانت تبكي وتبكيه اكثر
سيف وهو منهار: والله مو بيدي يا عبدالعزيز والله
عبدالعزيز: انت حاول تهدي وسيم و مصعب
انا بشوف البنت لانها مرا منهاره وانت لا اشوفك تنهار قدامهم
راح سيف يهدء وسيم ومصعب الي كانو منهارين
(مقدرت اخلي الذبه في خاطري عبدالعزيز مركز على اهدافه 😭😂)
راح عبدالعزيز لنجمة والي كانت منهارة : السلام عليكم
نجمة بأنهيار : وعليكم السلام
عبدالعزيز وهو صاد : عظم الله اجرك يا اختي وبدء يصبرها الين هدءت وبدأت تتقبل
اما عند مصعب و وسيم الي بوجود سيف مصعب كان ينهار اكثر و وسيم ينهار من بكاء مصعب وبعد معاناة قدر يهديهم
على الفجر هدئو مصعب و وسيم و نجمة و مصعب اتصل على عمه وبلغه وراحو للمغسلة مع سيف و عبدالعزيز عشان يودعوهم
مصعب دخل مع نجمة الي اول ماشافتهم انهارت وهو بحاول يهدئها و يصبرها وهو يحاول ما ينهار قدامها ثاني
وبعدها دخل مصعب مع وسيم الي كان صبور و راضي قضاء الله خرجو كلهم وراحو يدفنوهم ويصلوعليهم وبعدها عبدالعزيز وسيف راحو لبيتهم و مصعب و وسيم و نجمة راحو بيتهم
عند عبدالعزيز و سيف
عبدالعزيز كان يحاول يهدء في سيف الين هدء
وعند مصعب ووسيم ونجمة كانو في غرفة امهم مصعب جالس ونجمة حاطه راسها على رجله و وسيم حاط راسه على صدره
نجمه : كيف بنعيش بدونهم الحين
مصعب : الله كريم يا نجمة لازم نصبر
وسيم : ماكنت متوقع انهم بيروحون في يوم واحد كلهم
مصعب : يا وسيم مالنا الا الدعاء لهم والصبر

مرت ثلاث ايام العزاء محزنة على الاخوان الثلاثة مصعب بعد العزاء بدء يتجاوز الموضوع ويتقبله و يرضى بما كتبه الله
و وسيم الي كان صابر من اول يوم و ورضى بالي كتبه الله
اما نجمة الي كانت تصبر بس فجاة وتنهار
اما في بيت ابو سيف كان ابو سيف و عبدالعزيز ومحمد وسيف طول هالاسبوعين معهم و يسيرو عليهم يومياً يسلمو عليهم
و نور وام سيف و بسمة يروحو لنجمة يونسوها ويصبروها ويخرجوها من حزنها
بعد اسبوعين :
قبل يرجعو مصعب و وسيم لحايل
مصعب : نجمتي
نجمة : هلا
مصعب وهو يحط راسها على صدره : تجين معنا حايل
نجمة وهي تعدل جلستها: يا مصعب تكفى لا
مصعب : انا و وسيم بنرجع لشغل يا نجمه
نجمة : خلوني هنا
مصعب : ما اقدر يا نجمة كيف تجلسي لحالك وانتي بذي الحالة !!
نجمة : عادي
مصعب : نجمه قلت الي عندي وانتهى قومي رتبي شنطتك بنمشي بكرا
راحت نجمة وهي ودها لو تجلس في بيتهم رتبت شنطتها وخلصت