جاء صباح اليوم الثاني ومشو مصعب ونجمة و وسيم لحايل
بعد خمس ايام في حايل عند الاخوان الثلاثه
مصعب : نجومه
نجمة : هلا
مصعب : فرح محمد اخو سيف بعد بكرا و اهله عازمينك
نجمة : والله يا مصعب مالي خلق احضر
وسيم : مايصير يا نجمة الناس وقفو معنا في اصعب ايامنا لازم نوقف معهم في فرحهم
نجمة : خلاص تمام
مصعب: اجل بكرا نحرك للرياض عشان نشتري لك فستان ومره وحدة نسير على عمي ابو حمد
اليوم الثاني وصلو نجمة و وسيم و مصعب الرياض تحديداً بيت ابو حمد
حمد فتح الباب : هلا بمصعب و اخوانه
مصعب : هلا فيك
دخلو للمجلس وسلمو وسولفو مع عمهم
ابو حمد : اقول مصعب
مصعب : سم
ابو حمد: سم الله عدوك ، اختك قبلوها بجامعة حايل ؟
مصعب: لا والله للاسف
ابو حمد: خلاص البنت بنتي وبحطها في عيوني خليها هنا ومره وحده تتونس مع بناتي و تداوم في جامعتها
مصعب: الشور شورها يا عم
ابو حمد بحدة : انا عمها وادرى بمصلحتها خليها هنا احسن من انها تضيع وقتها في حايل لوحدها وماتدري تدخل في اكتئاب بعد موت امك وابوك او لا
مصعب بضيق وهو عارف ان كلام عمه صح : ابشر ان شاء الله نرتب الامور ونشوف ، استئذنك عندنا مشاوير
ابو حمد : مع السلامه
راحو مصعب ووسيم ونجمة للسوق
بعد يوم واخيراً جات اللحظة المنتظرة لبيت ابو سيف وابو مطلق زواج ( محمد وليلى )
____________
في بيت ابو سيف وصلو سيف وبتول وملك و العمة هنادي وراشد و دينا
وجات الميكب ارتست تمكيجهم
سديم : تكفون انا اول وحده ابغا اروح القاعة اول وحده
ام سيف وهي تضربها على راسها : اعقلي يا بنت
بسمه : يلا خلصي
بدؤ البنات بالميكب
عند العيال في الحلاق الجو ناااار
راشد يغني : " عريسنا يا بدرِ بادي دامت ليالك السرور وعريسها يا عطر زاهي غلب على كل العطور جينا بمنقاش الايادي نخرق بها عين الحسود يمينها جات بيمينه بأسمى المعاني والشعور "
وعبدالعزيز يستهبل عند محمد ويرقص ويغني
و سيف يصفق ويرقص ويضحك على عبدالعزيز
و مطلق الي يرقص ونص دقنه مو موجود
وسعود الي يحاول يغني وهو مو فاهم لراشد بس اهم شي يشارك
ومن كثر حماسهم صارو الناس يغنو معاهم ويشاركونهم في الرقص
بالعربي الاجواء كانت عال العاااال عندهم
خلصو الرجال وراحو بيت ابو سيف
مطلق عند الباب : يا دينااا عطيني عقالييي
بسمة بصوت هادي: مطلق معليش نادي لي عبدالعزيز
مطلق بتوتر اول مرا يسمع صوت بنت من بنات عمه غير سديم : ابشري
مطلق بصراخ : يا عبدالعزيز تعال اختك تبيك
عبد العزيز وهو يركض : هلا مين
بسمة : انا بسمة
مطلق ( يويلي بسمة الي كانت نتفه ههههه)
عبدالعزيز : هلا يا بسمة
بسمه : عبدالعزيز نبي نروح انا و البنات للقاعة بدري تكفى وصلنا
عبدالعزيز : يا بسمة يا حبيبي والله ظغط ما اقدر اصبرو ورحو مع الكبار
مطلق: اقول انت ما منك فايدة انا بوديهم
عبدالعزيز بضحك : والله ما اقول لك لا ههههه
بسمة : مشكور مطلق
مطلق : لا ما بيننا يا بنت العم ، بس ابي عقالي
بسمة راحت جابت له العقال : تفضل
مطلق وهو ياخذه: شكراً
عبدالعزيز: خير تاخذ من محارمنا
مطلق وهو يضربه بالعقال ويركض : تقلع بس
راح عبدالعزيز يجري وراه عشان يرد له الضربه
وطلع قدامه ابو سيف وصقع في صدره
عبدالعزيز بضحك : أحح ههههه اسف يالقائد
ابو سيف بغضب وهو يضرب عبدالعزيز بالعصا على كتفه: انت ما تكبر انت متى بتعقل يا بزر
عبدالعزيز وهو يحك مكان الضربة : اسف يبه
أنت تقرأ
يا نجمة الليل العزيز
Romanceتحكي القصة عن بطلتنا نجمة التي تواجه احداث محزنة في حياتها بعد ان كانت حياتها مليئة بالفرح وتذهب بها الحياة لتتعرف على بطلنا عبدالعزيز الكاتبة : فاطمة . اول رواية لي❤️
