يا نجمة الليل العزيز

P10

اليوم الثاني في بيت ابو مصعب القديم
صحت نجمة ونزلت تجهز الفطور
مصعب وهو داخل المطبخ : صباح الخير نجومة
نجمة وهي تحضنه : صباح الخير يحبيبي انت
مصعب : تعالي ابيك في سالفة
جلسو على طاولة الطعام
مصعب : يا نجمه انتي عارفه انك ما انقبلتي في جامعة حايل وانا ما ابيك تضيعين هذي السنة يا نجمة ابيك تكملين دراستك هنا بس ما اقدر اخليك لوحدك في البيت وعمي ابو حمد يبيك تجلسين عنده ، وهي كلها سنتين ان شاءالله وتخلصي جامعة وارجعك عندنا حايل
نجمة وهي ودها ترفض بس ماودها تضيق خاطر مصعب : تمام
مصعب وهو حاس بضيقها : الدراسة تبدأ بكرا ونحنا اليوم بنروح لحايل قومي جهزي اغراضك عشان اوديك بيت عمي ابو حمد
نجمة : ابشر
راحت تجهز اغراضها وهي تبكي ، بعد ما خلصت توجهو لبيت ابو حمد
ابو حمد : يا مرحبا ببنيتي يا مرحبا
نجمة وهي تسلم عليه : كيفك يا عم
ابو حمد : الحمدلله بخير وانتي كيفك
نجمة : الحمدلله
مصعب : يا عم لا اوصيك عليها
ابو حمد : لا نجمة مثل بنتي لا تخاف عليها
مصعب حضن نجمة و ودعها : انتبهي لنفسك تمام ؟
نجمة وهي ماسكه دمعتها : تمام انتبهو للطريق
راحو وسيم ومصعب لحايل و دخلت نجمة لبيت ابو حمد
هند : يا هلا بنجومك منوره البيت
نجمة : منور باهله
هند : تعالي اوريك غرفتك
راحت هند توصل نجمة لغرفتها الي كانت  قريب المطبخ وكانت شوي صغيره مع حمام
جلست نجمة ترتب ملابسها وهي تبكي بس في نفس الوقت ما تبي تزعل مصعب
ام حمد وهي تدق الباب : نجمة
نجمة وهي تفتح الباب : هلا عمه
ام حمد بتكبر وهي ترمي عليها جلال : البسي ذا قبل تطلعي عاد تعرفي البيت فيه رجال ولا اشوفك خارجه بدونه حتى لو مافي احد بالبيت وشعرك لا اشوفه مفتوح وشغلة انك تجلسي زي الاميرة وبناتي يشتغلون انا ما ابيها تشتغلي زيك زيهم وصوتك لا يطلع وولدي موجود فاهمه ؟
نجمة : فاهمه
طلعت ام حمد ونجمة انهارت ما كانت متوقعه انه بيصير كذا

في المغرب في مزرعة ابو سيف
عبدالعزيز وهو يحضن سهم : اهخ يا سهم مدري وش بلاه قلبي والله خايف عليه من هالنجمة
وخايف عليها تتأذى
عبدالعزيز وهو يتنهد ويمسح على ظهر سند: ما توقعت اني راح احبها عشان كم موقف صار
مشاري ( صديق عبدالعزيز ومدرب سهم ) : اوهه عبدالعزيز هنا
عبدالعزيز وهو يسلم عليه : ايه تشوف ، كيفك
مشاري : الحمدلله ، وش عندك جاي المغرب
عبدالعزيز : ابد والله ساحب على سهم لي كم يوم

بعد اسبوع مر بدون احداث جديدة
عند نجمة
كانت تجهز العشاء مع ام حمد ودخل عليهم حمد : السلام عليكم يمه
ام حمد : اصبر اصبر يوليدي لاتدخل بنت عمك موجوده
ام حمد بصراخ ل نجمة: انا ماقلت لك البسي جلالك ؟؟
نجمه وهي ترجف : اسفه يا عمه
خرجت ام حمد تجيب الجلال ل نجمة
وحمد دخل على نجمة المطبخ وبدء يقرب منها وهي تبعده عنها و تهمس وعيونها فيها دموع: وش تبي يا حمد ابعد عني تكفى لاتقرب ما ابي مشاكل
دخلت عليهم هند : حمد وش تسوي هنا
حمد بعّد عن نجمة و راح مسرع لغرفته
هند : نجمة وش صار ؟ وليه انتي هنا بدون جلال ؟
نجمه ركضت لجهة غرفتها ووقفتها ام حمد وهي تصرخ عليها وتعطيها كف : وجع صدق انك ما تربيتي تركضين في البيت وفيه عيال
دخل عليهم ابو حمد : وش صاير وش ذا الصراخ
ام حمد : شوف بنت اخوك الي ما تربت تركض في البيت وحمد موجود
ابو حمد وهو يحضن نجمة ويصرخ على ام حمد🐍: لا عاد تمدين يدك عليها فاهمه
راح ابو حمد مع نجمة للغرفه وجلسها
: معليش يا نجمه اعذريها بس فيه ولد في البيت وانتي غلطتي
نجمه : ياعم والله كنت بروح للغرفة
ابو حمد : معليش يابنتي معليش المهم اني ابيك بموضوع
نجمة : هلا عمي
ابو حمد : يا بنتي انا عندي ديون فوق 150 الف
ولو ما سددتها بدخل السجن وانتي عارفه اني ما اقدر اسددها وابي اطلب منك فلوس عشان اسدد ( فلوس الورث)
نجمة بحسن نيه : تمام يا عم بس 200 الف هي كل الي املكها
ابو حمد : عطيني هي و اوعدك ارجعلك هي بس ابيه سر بيننا و ما ابي احد يعرف حتى مصعب
نجمة : تمام ابشر
ابو حمد : بكرا نروح للبنك تحولي لي هي
نجمة : تمام
خرج ابو حمد الي كانت نيته سيئه و بدأت اول خطة له صح
اليوم الثاني صحت نجمة واتصلت على مصعب
: الوووو نجمتي
نجمة : هلا مصعب
مصعب: كيفك ، وكيف العيشه مع عمي
نجمة بغصة : الحمدلله
مصعب : محد مأذيك صح ؟
نجمة وهي ودها تبكي بس ماتبي مشاكل وبالذات ان مالهم الا عمها : لا محد مأذيني
مصعب : متى رايحه الجامعه
نجمة : بعد شوي
مصعب: تمام يلا مع السلامه
قفل مصعب ودخل ابو حمد على نجمة : يلا يا بنيتي نروح للبنك
نجمة بضيق : يلا

عند عبدالعزيز متعود وهو رايح لدوامه يتصل على سيف : الو عزوز
عبدالعزيز: هلا ابو ملك ، وين الناس
سيف : والله موجودين ، انت كيفك وكيف امي وابوي
عبدالعزيز: الحمدلله على ما تحب كيف ملك
سيف : الحمدلله بخير ، ايه وش سالفتك اليوم
عبدالعزيز : ابد بس اخبار خويك مصعب
سيف: والله ضايقه فيه الدنيا بعد ما ترك اخته في الرياض
عبدالعزيز بأستغراب : اخته في الرياض ؟ مو كانت في حايل معه
سيف : ايه بس تركها عند عمها عشان الدراسة
عبدالعزيز: ايه زين احسن من انها تجلس لوحدها
سيف : ايوالله ،المهم تقلع بس تاخذ اخبار الناس مني مع السلامه
عبدالعزيز بضحك : هههههه معالسلامه ابو ملك