PARK BAEKHYUN [ COMPLETED ]

အပိုင်း ၁၅။

(U)

"အဒေါ် ကျွန်တော်တို့လာတယ်"

မကျယ်လှတဲ့အသံလေးဖြင့် Chanyeolတို့ ဆေးရုံခန်းလေးထဲ၀င်လာလိုက်သည်။ Chanyeolတို့ကို တွေ့တဲ့အခါ အဒေါ်ကနွေးနွေးထွေးထွေးဖြင့် ကြိုဆိုသည်။

"သားတို့ ရောက်လာတာပဲ .. အားနာလိုက်တာကွယ်"

"မလိုပါဘူးဗျာ ကျွန်တော်တို့လည်း ကလေးကိုလာကြည့်ချင်နေတာ .. ဘာလေးလဲ အဒေါ်"

"သမီးလေးဖွားတာ .."

"ဒါနဲ့ ဟယ်မီရော သက်သာရဲ့လား အဆင်မပြေတာရှိရင် အချိန်မရွေးထုတ်ပြောလို့ရတယ် ဟုတ်ပြီလား .. ဒီမှာ လက်ဆောင်ယူလာတယ်"

"ဟယ်မီအဆင်ပြေပါတယ် အစ်ကိုလေးရဲ့ .. အခုလိုလာတွေ့ပေးတဲ့အတွက် ကျေးဇူးတင်ပါတယ်"

Chanyeolက စကားပြောနေပေမယ့် တစ်ချိန်လုံးတိတ်ဆိတ်နေခဲ့တဲ့ Baekhyunက ပုခက်လေးထဲထည့်သိပ်ထားတဲ့ ကလေးဆီကိုပဲ အကြည့်ရောက်နေသည်။ ထိန်းမထားနိုင်တော့တာကြောင့် အသာလေးလျှောက်သွားပြီး ကလေးကိုအနီးကပ်သွားကြည့်မိသည်။

"ချစ်စရာလေး .."

Baekhyun တီးတိုးရေရွတ်ပြီး ကလေးကို အသည်းယားစွာဖြင့် ကြည့်နေလိုက်သည်။

"ဟို .. ကလေးကို ထိလို့ရလား"

Baekhyun စကားဖြတ်ပြောသလို ဖြစ်သွားတာကြောင့် အားလုံးက ရုတ်တရက်ကြောင်သွားပေမယ့် ခဏအကြာ ပြုံးပြရင်း ခေါင်းငြိမ့်ပြလေသည်။

"သေချာပေါက် ရတာပေါ့"

"ဟုတ်"

ခွင့်ပြုချက်လည်းရပြီဖြစ်တာကြောင့် Baekhyun လက်ညှိုးဖြင့် ကလေးငယ်ရဲ့ ပါးကိုဖွဖွလေးတို့ထိလိုက်သည်။

"အင်း .."

Baekhyun တို့ထိလိုက်တာနဲ့ ကလေးက လူးလွန့်သွားတာကြောင့် ခပ်မြန်မြန်ပင် လက်ပြန်ရုတ်သိမ်းလိုက်ရသည်။

အခုလက်ရှိ Baekhyun တွေးနေမိတာတစ်ခုက ကလေးလေးတွေက နဂိုတည်းက ဒီလောက်အထိချစ်ဖို့ကောင်းကြတာလား ဟူ၍ပင်။

ကလေးဆီမှာသာအာရုံရောက်နေတဲ့ Baekhyunကိုကြည့်ပြီး Chanyeol ပြုံးလိုက်သည်။ ‌တစ်မနက်လုံး အဆင်ပြေနေခဲ့ပေမယ့် Marketကအပြန် အခြေအနေတွေက ပြန်လည်အေးစက်သွားသယောင်။ အရင်လို အဆင်မပြေတော့မှာ Chanyeol စိုးထိတ်နေခဲ့မိပြီး အခုတော့ အဆင်ပြေပုံရပါသည်လေ။