ادمنت حدة عينيه

بارت 45

العشتهن وحدي ومحد نشد عني

هذن كلهن بعدهن يوجعني

*******************************

فاتنه ـ ما يحتاج حبيبي اصلا اولهه وتاليهه نائل لازم يتزوج گلبي جاي يرفض جسمي شوي شوي خلص تقبلوا الامر الواقع اني ميته ميته

حسيت على ضربه قويه على وجهي شفته نائل اللي جروه زيد وعمر وهو يريد يكتلني ابتسمت ها ما عجبك الوضع مو

نائل ـ تاكلين خر*** وتنجبين حجايه ثانيه بعد امووووتج بيدي فااااااهمه ولج جرعت المر لخاطرج متت الف موته وكلهه شاهده على معاناتي

ولج ليشششش ليش خلص خلصصصص ما ترديني روحي لاهلج روحييييي روحي وياهم اخذوهه وياكم بعد ما اريدهه اذا رجعت للبيت وشفتج انهيج والخلقج

كافييييي بزعتيني اتزوج واتزوج بس تلحين وتلحين موتيني يجرالج من باجر وخروا مني دفعتهم يوم من باجر شوفيلي مره

وخليهه والعباس ابو فاضل يا فتينه الا اطلع الدلال من عينج وتشوفين بعينج كلشي سويته الج اسويه لغيرج واكثر منج بعد عفتهم وطلعت

فاتنه ـ بقوا يحجون علي ونائل طلع من البيت عفتهم ورجعت لبيتي دخلت ام نائل خايفه وصوت تكسير بغرفتنه عرفته موجود

اشرتلهه روحي للغرفه راحت ووياهه الاطفال قفلت الباب عليهم وشمرت النسخه من جوا الباب يمهه

گلت عمه هاي المفاتيح لا تطلعون هسه فدوه لعينج بعدين اطلعوا لما يهدأ

ام نائل ـ يوم ليش هيج حاله

فاتنه ـ ماكو شي عمه فدوه سوي اللي گلت عليه ولا تطلعون ما اريد الاطفال يتأثرون بشي

ام نائل ـ براحتج يوم

فاتنه ـ وصلت لباب الغرفه جريت نفس وذبيته فتحت الباب شفته مفلش الكنتور والتلفزيون والميز والمرايات كلهن

الغرفه صايره هوسه وكلهه متفلشه وگفت بالباب وكتفت ايدي عفيه بالسبع عفيه بالبطل اهنيك على ابداعك اللي سويته جرني من تشيرتي حيل وسد الباب وعيونه جمر

نائل ـ المن اجيتيييي هاااا المنننن مو گلت روحي لاهلج مو حجييييتتتت المن اجيتي هاااااا مو تردين تموتين روحي موتي براحتج اني زمااااال ومجلب بييييججججج

هاي انتي من تشوفيني اركض وراج تتعززين علي وتبيعين ثگل خليني اطيح حظجججج تجين وراي ركض المن اجيتي هاااااا روحييييي دفعتهه وهيه تضحك شبيييج تخبلتيييي لو تردين تخبلينيييي

فاتنه ـ تدري هسه انته خطيه والله گاعد ينكسر خاطري عليك ما باقيلك شي وتتخبل يا خطيه يا انته جرني حيل ودنك علي صار وجهي بوجهه ابتسمت شبيك