"تسريع الاحداث"
مرت ايام شادن ك اي عروسه وجهزت ونجحت ودخلت 3 ثانوي وجهزوا الكل وكانوا ملاحظين تغير على الجد ومو اي تغير
الجد : مشينا للرياض ؟
سالم : يلا
جهزو وركبو الكل وحركو للرياض
سالم : ماعرفت شادن وهي زواجها باقي عليه يومين هالبزر كبرت
شادن : ليه مو ماليه عينك اول؟
سالم : لا ابد بس شفيك شخصنتيها حبي
شادن بنفس نبرته : ماشخصنتها يحبي انت
شادن النفسيه واصله معاها مانامت زين من فتره وما اخيس من نفسيتهاا الا ترف الي نسبتها 71 عكس السنين الي قبلها مستحيل تنزل عن 98 حاولت تهتم بس ابدًا ماتقدر حتى لما طلعت نسبتها ما استغربت وراد على حزنها أنِيس ماتقدر تقابله ولا قابلته من بعد الاختبارات "ترف ثاني ثانوي بسبب كرهها للمدرسه وشادن متقدمه بسبب ماكان فيه احد بيدرس معاها"
الجد : ترف ! من اليوم اناديك
ترف : هلا ؟
الجد : وش تبين اكل ؟
ترف : مابي شي شكرًا
الجد : وش ماتبين شي بتقعدين كذا لين نوصل ؟
ترف : مو مشتهيه طيب
الجد اعطاء ترف نظره لين ما ارتعبت وقالت يمكن اشتهي لما اطلب : ابي كوكيز وحليب شوكولاته
الجد : شاطره يلا سلوم انزل جب
سالم : بنزل اجيب وانتوا انزلوا صلو
نزلوا يصلون وسالم راح يجيب اكلهم
في بيت فيصل ,في المجلس
فيصل بصراخ : مابقى شي ويوصلوا جيبو البخور
محمد بحماس ومعاه البخور والعطر : ابشر ابشر
قعدو يعطوون ويبخرون وكل واحد يلبس ويترتب كانه يوم عيد
نوره : ي ريمااا تعالي خذي الحلا حطيه بمجلس الرياجيل والحريم
اخذت ريما الاغراض ونفذت ماقالته امها وكانوا اكثر ثنين مكروفين ريما ومحمد
ناصر : ابوي كم ذبيحه!؟
فيصل : ثنتين
ناصر وهو ماسك راسه : ليييه بس جدي وبنات ساره وجدتي وعمي وعمتي
الجد : خلك خلك بعزلتك
محمد : يغبي اول شي جدي والي معه وبيجون اخوانه وخواته واحفادهم وعيالهم واخوان جدتي وخواتها وعيالهم وبيجون بعد من اهل امي اخوتها بيجون يساعدونها واكيد بيجون معاهم بناتهم العربان واجد تبي يذبح وحده؟
ناصر : ليييييييه ماعلموتنييي !!
محمد : كنا نهرج قدامك من الاساس الاساس
ناصر : وانا اشوفكم متحمسين كانكم بعيد
وراح ركض ينطل ثوبه بالغساله ويكويه
دخلت ريما على محمد الي يرتب غترته : ياخي كم مره اقولك لاتسوي كذا !
محمد وهو يناظر بعيون ريما : اهخ يرب اشوفها ولو بالغلط
ريما وهي تجلس على سريره : حمود تكفى لاتعلق نفسك فيها ترى ماني متاكده تحبك ولا لا اخاف لما تكبر تتزوج وتسحب عليك
محمد بمكابر : لو تتزوج بكيفها ببقى احبها سرًا واحضنها سرًا
ريما شاكه بوضع ترف وحاسه ابدًا ماراح توافق على محمد لو تقدم لها : لو تقدمت ورفضت وش بتسوي؟
محمد : بسرقها
ريما : متى ناوي ؟
محمد : بعد ماتتخرج ، محمد فكر شوي : تعرفين كم نسبتها؟
ريما ماتدري كيف تصارحه : مابي اصرعك بس 71
محمد انصدم : هاه !؟ متاكده ! اعرف ان نسبتها بكل ترم وكل سنه كويسه ليه كذا ؟
ريما : اساسًا كنت عارفه من اول ماجت لبيت جدي طردتني من الغرفه بعدين هربت مننا عرفت انها متضايقه والاختبارات مابقى عليها شي ماراح تقدر تركز
تنهد محمد وجاء بيتكلم قاطعهم دخول شهد وهي تحضن محمد : ليه ماجيت تحت مشتاقه لك كثييير
شهقت ريما وهي تناظر بشهد وبصدمه ماخلصت ولا جهزت راحت ركض لغرفتها : كلها منك يمحمد
في الحوش عند فيصل
فيصل : يهلا يهلا ارحبو تو ما نور البيت
الجد بصوت جهوري : منور ب اهل
فيصل : اقلطو اقلطو
دخلت ساره وبناتها واميره لمجلس الحريم وسالم والجد لمجلس الرجال
دخل ناصر ووراءه محمد وبعده احمد و راكان
سلمو وتحرك ناصر والعيال معاه فيصل خزهم : على وين
ناصر : بنسلم على عمتي ساره واميره وبنجي
فيصل ناظرهم وفهموا قصده انهم يجيبوا القهوه
في مجلس الحريم
ناصر : رييمااا
ريما : هلا
ناصر : تعالي
راحت لهم ريما
ناصر : نبي نسلم على عمتي ساره واميره
ريما : بقول للبنات يتغطوا وادخلوا سلموا وردو على البنات
محمد واحمد بحماس : تمام
ناصر ضربهم بخفه على رووسهم وهو يضحك : خفيفين طالعين على من؟
انفجرو ضحك واستوقفوا بمناداة امهم
دخلو يسلموا وجاء بيرد محمد على البنات : كي
مات ضحك هو احمد
ناصر خزهم : كيفكم ي بنات
ردو بخير الحمدلله وطلع بعد بهيبته عكس محمد واحمد الي طلعو ركض وهم ميتين ضحك وراحو عند فيصل معاهم القهوه
محمد : كلها منك ليه تناظر فيني ههههههه
احمد : وجهك يضحكني مسوي راعي هروج ي بزر
محمد ناظر وجه : تذكر ذاك المدرس
فطسو ضحك ماصحو الا على تنتح فيصل واستوعبوا انهم بينجدلون
بعد مرُور نصّف ساعه دخلو عبدالعزِيز وغالِيه
فيصل : ارحبوو وينكم تاخرتو
عبدالعزيز : يييوه زحمة الرياض
فيصل : معذورين اقلطو
دخلو وبدو يجون عمانه وخواله لين جاء الجميع وطلب الجد يطلعوا بالحوش
الجد : ناصر ومحمد وسالم وتركي وانس روحو حطو الفرش بنجلس برا بعد الحريم ترا بيجسلون معانا برا واحمد تعال صب القهوه للرياجيل
كلهم تفرقوا على اشغالهم وباقي نواف وسلطان
الجد اشو لهم بمعنى تعالو جاءوا له : لبيه
الجد : سلطان وزع التمر والحلا ونواف دق على ليلى تقول للحريم بنجلس برا كلنا
وكلن راح على مهمته
