من بغا قلبً غير قلبي أضاع القبلةَوهو في الحرم
....................................................................
(وصلنه للبيت وشفت سيارات الشرطه بالباب ومهيب وياهم وجدي يصيح ب شارع وصايره هوسه درت وجهي وباوعت لابوي بوجه مبتسم وهوه ضل يبلعم مايدري شيسوي وكف السياره ونزلنه كبل اجه مهيب علينه)
مهيب: شبيج شصاير شنو هذه وجهج
( عفته ومشيت حته ماجاوبته دخلت للبيت وعفتهم بهوستهم نارهم تاكل حطبهم اني شكو)
رانيا: شصاير ولج شكو شنو هاي الشرطه
رونق: ع اساس ماتدرين انتي
رانيا: منو راح اشتكى
رونق: ولله عيني شعرفني روحي شوفيهم داخلتلي تحقيق
رانيا: انتي كلش صايره ادبسز ماجني امج تعاملني معامله اختج الزغيره
رونق: بس اختي الزغيره ماحترمها هالكد
( اجت غمتني وراحت ولله يالله الرجلها كاتله روحها مستعده تضحي ب روحها ع موده شلون ناس )
( دخلت للغرفه ردت ابدل واروح اسبح لان لعبت روحي من روحي دخلت ردت اسبح بس جسمي كله يوجعني ماكدر ادخل جوه الماي كعدت ابجي ع حضي الخايس وع معامله اهلي الي مابيها طعم حب بس بعدين كلت تحملت كل هذه الالم من الماي اخاف دخلت ع اعصابي جوه الماي واحس نار تطيح عليه مو ماي وكوه لازمه صوتي وشهكاتي حته لاتطلع ويسمعوني خلصت لبست وطلعت امشط كاعد امشط واشوف شعري كله يطيح بايدي شوي ودخل ابوي عليه حته بدون مايدك الباب ولو هوه يايوم دك الباب )
عباس: كومي وياي ولج للديوانيه واياني واياج تكولين ضربوني كولي طحت ندعمت جذبي اي جذبه بس اذا حجيتي اذبحج
رونق: لافدوه خوفتني ترا ماتهمني لا انته ولا غيرك خوش وبعدين فكر بيها انته اذا اكلهم انته وسامر هيج سويتو بيه راح يعوفونك تكتلني لو كبل يسحلوك للحبس
عباس : بنت القندرا تهدديني عود
رونق: بكيفك بعد شنو تعتبرها اعتبرها
(غلس عني دخلنه للديوانيه ولكيت مهيب وجدي ويا ضباط دخلت حته ماهتميت ولاسلمت ولاحجيت رحت وكفت يم القنفات وسكتت)
مهيب: تعالي يمي بويه
رونق: ليش محتاج شي
مهيب: تعالي وبلا سخافات الجهال هاي
رونق: اني جاهله انته شعليك
(غلس واجه هوه وكف يمي وضل يتلمس بوجهي وخشمي ويشوف اثار تعذيبهم الي)
مهيب: هذه تعنيف
سامر: اسالها معنفينها
مهيب: مايحتاج امس كدامي وضربتها اكو اكثر من هيج
أنت تقرأ
مـلائڪه الجـحيم
Literatura Femininaالروايه تتحدث عن بنيه راح تتغير حياتها بعد خطفها وشلون راح تواجه المجتمع وضلمه الها مشهد1 -اشرديي ولجج حباب عوفها ولله بعدها زغيره -رحت اركض وماعرف وين رايحه او لشنو متوجهه لمهم اشرد منا واشوف نفس الشخص يركض وراي وشكد ما احاول ابتعد عنه يلحكني لان...
