#ليلة_في_ديسمبر6
وقتها كل الأنظار كانت متوجه علي في إنتظار اي رد فعل مني يوحي بالرفض او القبول،وانا كنت م قادرة احرك ساكن حتى من اطرافي لغاية م سمعت خال سندس بقول :والله مافي احسن من كدة..
رغم وجود الكثير من المساوي بيننا إلا أنني نشأت في عائلة تحترم القرارات الفردية بل تقدسها ..و يسعدني ذلك!
أمجد وشهاب وأبوي كانت نظراتهم لي بتوحي بإنهم م موافقين،ولكن عم عثمان قال ليهم اها الرأي شنو ؟
سندس ضربتني في كتفي وقالت لي واااااي
ليلى قالت لي والله خالي مكنة وم بتفوت انا لو مكانك م حأتردد
امجد قال ليهو والله ي عمي عثمان يا قولتك نحن بيت واهل بس طبعاً الزواج دة نقلة كبيرة في حياة البت،القرار في الأول والأخير قرار شهد تفكر بي راحتها والبتقول عليه نحن معاها فيه بإذن الله
خال سندس قال ليه ااااجنااا المرة عندنا في البلد ما بشاوروها دامهم الوليان موافقين خلاص بس الناس تتم الموضوع
امجد قال ليه نحن مع كلام الدين،والدين بقول نشاور البت لأنه ي خال المره الما بتشاوروها دي هي الحتعيش مع الراجل دة م نحن
عمي عثمال قال ليهو جداً ي ولدي مافي اااااي مشكله أكيد طبعاً شهد تاخد راحتها وتفكر ب رواقة ووقت م ردت ترد
رونق قالت لي بصوت خافض بري كبير عديل 41دة ما توافقي اوعى وتدمري شبابك ساي
في لحظتها مِنن بت شهاب وقعت وبقت تبكي بصوت عالي وبقينا نحاول نحنس فيها شلتها وقلت ليهم انا بسكتها في محاولة مني إني ابعد منهم شوية
شلت مِنة وطلعت بيها السطوح وانا حاضناها،جا وراي امجد قال لي سكتت؟
قلت ليه اي شبه نامت
شالها مني وقال لي القرار قرارك واي حاجة بس م توافقي لمجرد إنه الزول دة خيار مناسب ،إنتِ لسة صغيرة والعمر والحياة قدامك لسة،41 فرق جيل كامل في عوامل كتيرة بتأثر ،م عايزك تفكري في حتة إنه هو فرصة مناسبة والمفروض تغتنميها زي م حيقولو الناس ،ماف شي ناقصك يخليك تاخدي قرار زي دة ولو في نحن اخوانك موجودين ولو العرس بالفرص المناسبة نحن كنا زوجناك زمان للناس الإتقدمو ليك وإترفضو ،نحن قمنا في بيت مليان حب وطمأنينة وحنية والسبب في كدة كان مدى الحب بين امي وابوي ظهر في إنهم يقدمو لينا حياة كريمة ومليانة راحة وإحتواء وقدرو يطلعونا سوييين للمجتمع،ودة الصح ولا شنو ؟
قلت ليه فعلاً كلامك صح
قال لي بعدين نحن م عندنا غيرك بعد وفاة امي إنتِ بقيتي امنا قبل م تكوني اختنا الصغيرة،م حنقبل بأقل من واحد نشوفو مختارك إنتِ تحديداً وبحاول يولع اصابعه العشرة عشانك بس مش زول عايز يرشحو ليه عروس وخلاص م عندنا بنات بتعرس بالترشيح بناتنا كنوز بتتفتش وبتعبو عليها عشان ياخدها البستحقها جد،ضحكت قلت ليه حتقول لي عمو عثمان كدة؟قال لي اي بقول ليه بناتنا غاليييين نحن ما بندي ساي وإن كان اخوك ☹♥️
قلت ليه طيب بعدين لما نمشي نخطب ليك ليلى ويقول ليك كدة م تزعل 😂
قال لي ليلى؟الداير ليلى منو؟
قلت ليهو إنت
قال لي والقال منو؟
قلت ليه دقيقة إنت م ملاحظ إنه البت مكرشة عليك ولا ملاحظ وبتتغابى؟
قال لي بخلعة مكرشة علي انا؟
قلت ليه انسى
قال لي لا بجد؟قالت ليك هي ؟
قلت ليه ابيت م بقول يلا ننزل 😂
قال لي جادي معاك انا ي شهد م عايزك تفكري في الموضوع دة بعيون الناس ليك ابداً،انا شخصياً م بديك لزول م بستحقك كان بقى شنو داك فهمتي؟ايوة نعم انا مقصر واي شي بس إنتِ امانتنا واكيد صاحب النصيب الشاري وم فيه كلمة حيجي ♥️
قلت ليه طيب جيب حضن ضماني عليه انا ومِنه مع بعض وقال لي اها قلتِ لي ليلى مالها؟
