القصة الأولى #شلة_تكساس
من سلسلة #أتدري_من_يٌزيل_الهم
▪︎▪︎▪︎▪︎▪︎▪︎▪︎
#شلة_تكساس1
راقدة في سريري الساعة 2 صباحاً بعد ما خلصت مكالمتي مع أشرف..كالعادة مكالمة الساعة 2 قادرة تخليني أحس إني متزوجه بس الفرق..إني في الداخلية وهو في بيتهٌ وبينا التلفون والكلمات والاصوات...الفرق إنو المتزوجين مع بعض في حته واحدة..وأنا واشرف كل زول في مكان...قادرين نصل للبصلوا ليهو المتزوجين من خلال المكالمات دي ونحس بإحساسهم...ما قمت دخلت الحمام ولا عملت شي..صلحت ملابسي قفلت التلفون بالجنبه..ورقدت نمتَ...
_نون...نون اصحي المحاضرة ح تفوتنا
=سٌلافة ياخي..خليني نايمة
_ساهرتي امس بعد طردتيني من الغرفة صح !!
=عاوزة شنو هسي
_قوومي المحاضرة..قومي الله يهديك
=بجي بعد ساعتين..امشي انتي
▪︎▪︎▪︎▪︎▪︎▪︎▪︎▪︎▪︎▪︎
قمت من جنبها براحة..شلت علبة السجاير والولاعة..طلعت البلكونة وابتديت ادخن..تلفوني اتصل..رفعتهٌ وجاني صوت اواب
_يوسف يا شبلي
=شنو يا حبيبي
_في الدولة ديك ؟؟
=لالا..امس لاقيت ليك "لفظ بذيء" والله يامان خمسة ساعات معاها وما اظن اجي الجامعه ذاتو
_مكنة مستمكنة يا حقيقي..خليك معاها
=اسمعني
_قول لي
=خلي يقين تسجل لي المحاضرة
_النينجا..يا زول قدام
قفلت من اواب..وجات البت ضمتني من ورا..حسيت برعشة..اول مرة احس بيها..عرفت بنات بعدد شعر راسي وعملت معاهم اي شي ممكن يتعمل..اول مرة احس برعشة في جسمي..رعشة غريبة..البت دي فيها حاجه ما طبيعية..
▪︎▪︎▪︎▪︎▪︎▪︎▪︎▪︎▪︎▪︎▪︎▪︎
_أنا طالعة
=ما تتأخري
_حاضر
=صلحي عبايتك دي زي الناس..واول ما تخلصي ترجعي
_حاضر يا ماما
بست راسها وراس بابا وطلعت..اول ما طلعت اخدت نفس..عباية ؟؟ياخ نفسي البس زي ناس نون ونازك وصحباتها..اكون تبع شلتهم..عاجبني اشرف حبيب نون وعاجبني يوسف عشان تقيل وما بلفت نظرهٌ زول..والعجب العجييب اواب..اواب من كترة ما زول بتاع هظار وضحك..لما اصحابه بقولو عليه اواب دنيا..مش اصحابه بس..الجامعه كلها♡..وصلت الجامعه قرفانة من شكلي وعبايتي عبد الواحد..بعاين ناحية ناس نون وكيف لابسين البناطلين والحجول على الرجول والزمام..وكيف بقعدوا جنب الاولاد..كيف بتسالموا بالاحضان..كيف عادي شديد اشرف يمسكها من نصها ويكملوا ونسة...فجأة ظهرت في وشي يقين
_السلام عليكم
=وعليكم السلام..
_يلا المحاضرة بدت
=ما نفسي يا يقين
_هالة بسم الله..نحنا في اخر سمستر في تانية..بطلي الحركات دي لازم نجتهد
قبل ارد جاا اواب وبضحكته دي قال
_نينجاا ومخمخه خمخمه فقلبي يا يقين والله
=يا أخ مش حذرتك من حركاتك معاي دي
_أخ السرور انا والله...
=انا ح امشي
_خلاص خلاص..عاوز اقول ليك بس يوسف وصاك تسجلي ليهو المحاضرة
=إن شاء الله..يلا يا هالة
