حيث الطمئنان

البارت الاول

_________________
بقلمي: كوثر المهدي

‏" الأمر أشبه برغبتك بأن تكتب عن هذا الشّعور ،
لكن تخاف أن لا تعطيه حقّه بالعمق فتصمت .

___________________________________
رجعت من المدرسه من وكت لان اجتماع ولياء الامور بس ادري بابوي مايجي فاماحجيت شفت بشارع ابن جيرانه عبرت من عنده وهو يشمر حجي
درت علي وكتله واني طالعه روحي

_انتِ ماعندك كرامه كل يوميه تتفشل

_يجي يوم وندمج وداعت عيونج ابجيج دم

_هههههههههااااي انته شايف نفسك هلة ياربي وخر ضحكتني واني مالي خلك

عبرته وهو يحجي انو يندمني على حجيي ماهتميت ورحت البيتنه وصلت سمعت صوت صياح خير نشالله موت على العركات ياربي كون عالكه

دخل الصاله ولكيتهن وحده كاضه ثانيه من شعرها وتكافشات متت ضحك عليهن واني احمي بـ الوضع موت على العركات وعركاتهن ماتنمل
اجه ابوي وضل يصيح عليهن واني ميته ضحك وكل شويه خازرني رحت الغرفتي مابيه حيل ترزل
صعدت نمت كعدت العصر نزلت سويلي اكل شفت مريم كاعده بالمطبخ تاكل ماهتميت اخذت تفاحه من الثلاجه اجيت اطلع وسمعتها حجت عليه اجيت اغلس بس وكفي حجيها

_مثل امج وحد ك*****

درت وجهي عليها _هاي عليمن

تقدمت مني وجرت شعري وحجت كلام على امي ابد موحلو جرت شعري حيل

_طلعج من البيت وخلي يذبج بشارع وتموتين جوع مثل غيرج فاهمه

_الله ياخذ حق كل مضلوم

_سمعي ولج اذا شفتج وي بوج بعد وتحجين عليه قسمن الا خليج زوعين العافيه

_دروحي بيج خير سويها بعدين واني يمته حاجيه عليج

_سويهة وشوفين الج الصافي

_اكلي تبن والله اندمج يا مريم

جرت شعري حيل ورادت تضربني دفعتها بكل قوتي وكعت بالكاع وضلت صيح واجه ابوي على صوتها
باوعلي وجه ضربني راشدي حس خدي نار

_ولج شو هاي الحترامات دفعين امج وهيه حامل

_هاي مو امي ومستحيل صير امي ولا راح توصل الضفر منها

رجع ضربني وجر شعري احس نار بكلبي جراني حيل وحجه من بين سنونه

_عتذري منها

_ماعتذر ماسويت شي دافع عن نفسي رادت تكتلني

رجع ضربين راشدي وسحلني من شعري

_ماتعتذرين مو خوش الا ربيج من جديد

حبسني للمخزن وضليت ايام هه تعودت على هذا الوضع قطع عني كلشي حتى الضوه ضليت صافنه على الحايط وين روح المن اشكي وضعي منو راح يصدك بيه

نفتح الباب ودخلت اختي وهيه تبجي معقوله كتلها؟

_هاي شبيج ليش تبجين ولج شكو سوالج شي

_لا لا بس هاي الحيه مريم تقنعه يزوجج

_ياربي ولج والحسين ماوافق ويني وين زوج ماريد

_والله توسلت بابوي بس مايقبل يكول قسمه زينه

_ريحانه فدوه كولي المرتضى يحجي ويا اي واحد

ريحانه _كتله كال شوف الوضع واسئل على الولد

_ياربي هيه ناقصها وكملت بههاي
هسه انتي روحي ريحانه لا يجي ويشوفج مريد يكتلج

_تمام ديري بالج على نفسج حبيبتي

_عمري انتي سلميلي على تفاحه وحمودي

راحت واني ضليت كاعد فكر منو هذا الي جاي يخطب منو يريد يزوج وحده مثلي واصلا حتى لو خطبني اخبله وخلي يطلكني ثالي يوم هههه والله اني ذكيه

________________

هلو يابه شلونكم كتبولي اذا استمر بالروايه وصوتو وتفاعلو حتى استمر